Тројца каратисти од Макпетрол меѓу најуспешните спортисти на Скопје за 2021 година

Тројца каратисти од Макпетрол Петар и Симона Заборски и Стефан Стојановиќ меѓу најуспешните спортисти на Скопје за 2021 година.

Сојузот на спортови на Скопје и Градот Скопје денеска ги прогласија најуспешните спортисти за 2021 година. Нормално, освојувачот на сребрениот медал во таеквондо на Олимписките игри во Токио, Дејан Георгиевски.

Покрај Георгиевски признанија кај сениорите во машка и женска конкуренција добија и каратистите на Макпетрол, Петар и Симона Заборски,

Во младинска категорија помеѓу десетте добитници каратистот. Стефан Стојановиќ од Макпетрол беше прворангиран, тој е најдобар млад спортист на градот Скопје.

Каратистот Петар Заборски на Светското првенство во Дубаи, ОАЕ, со тимот во борби го освои седмото место, што е извонреден успех ако се земе во обзир дека имаше 115 држави учеснички.

На Македонија и требаше победа против Узбекистан за да се бори за бронзениот медал на СП, што ќе беше најголем успех во историјата на македонското карате во борби екипно. Нашата репрезентација успеа да ја совлада силната репрезентација на Германија, потоа беше поразена од Србија, а во репасажот извојува победа над Швајцарија и доживеа пораз од Азербејџан, во голема мера потпомогнат од судиите.

Резултати – Светско првенство:

Македонија – Германија 3-0

Македонија – Србија 1-3

Репасаж

Македонија-Швајцарија 3-0

Македонија-Азербејџан 0-3

Петар Заборски имаше забележителен настап и тој успеа во поединечниот дел да извојува три победи а за пласман во четвртфиналето загуби минимално 3-4 од Белгијанецот Квентин Маходен. Така ќе беше многу близу до борбата за медал.

Петар прво славеше против Алекс Мезес од Боливија 1-0, потоа 3-2 над Карлос Баргадос од Шпанија и 1-0 со Енес Гарибовиќ од Хрватска.

На СП настапија 1054 натпреварувачи од 117 држави.

Резултати Светско првенство:

Мажи

-75 кг

Петар Заборски – Алекс Мезес (Боливија) 1-0

Петар Заборски – Карлос Баргадос (Шпанија) 3-2

Петар Заборски – Енес Гарибовиќ (Хрватска) 1-0

Петар Заборски – Квентин Маходен (Белгија) 3-4

Петар Заборски како најдобро рангиран македонски каратист настапи и на квалификациите за Олимписките игри во Токио кои се одржаа во Париз. За жал, не успеа да освои норма за ОИ.

Сепак, овие резултати му овозможија пласман во топ 50 каратистите на Ранг листата на ВКФ, со што му се овозможува настап на Премиер лигите, каде што настапуваат најсилните и може да се каже дека конкуренцијата е посилна и од СП. Петар со клупските другари Петар Спасеновски, Симона Заборска и Ангела Мојсовска ќе ги бранат боите на Македонија на првиот турнир на Карате 1 Премире лигата од 18 до 20 февруари Фуџаријах-Обединетите Арапски Емирати. Ова е големо признание и за Макпетрол и за македонското карате.

Симона Заборска беше најсупешниот македонски каратист на Европското карате првенство за сениори во Пореч, Хрватска, каде што го освои седмото место.

Заборска беше несреќно поразена на две секунди пред крајот на борбата со Црнгорката Јелена Максимовиќ, со што ја загуби шанасата да се бори за бронзен медал против Сара Кардин од Италија.

Претходно Симона претходно забележа две победи, а загуби во четвртфиналето од Русинката Чернишева.

Симона извојува голема победа против Туба Јакан, светска првенка и прва на Светска ранг листа. Заборска во второ коло славеше против Туба со 4-2, а во првата борба славеше над Гркинката Александра Пападопулос 2-0.

На шампионатот ќе настапија 596 натпреварувачи од 47 држави.

Европско првенство сениори – Резултати:

-55 кг

Симона Заборска – Александра Папа (Грција) 1-0

Симона Заборска – Туба Јакан (Турција) 4-2

Симона Заборска – Ана Чернишева (Русија) 0-8

Репасаж

Симона Заборска – Јелена Максимовиќ (Црна Гора) 0-1

Симона исто као и нејзиниот брат настапи и на Квалификациите за ОИ и на последниот турнир кој беше одржан во Париз за СП во Дубаи.

Младиот Стефан Стојановиќ стана за 2021 година

Тој во финалето на Европското карате првенство за кадети, јуниори и У-21 во јуниорска конкуренција во категоријата над 76 килограми славеше против Италијанецот Матео Авназини со 5-4.

Стојановиќ водеше тешка борба и буквално во последната секунда ја обезбеди титулата при резултат 4-4, а кој го изедначи Италијанецот на две секунди пред крајот. Нашиот каратист брзо реагираше и зададе шампионски удар.

Резултатот тргна со 1-1, 1-2, 2-2, 3-2, 3-3, 4-3, 4-4 и 5-4.

На патот до финалето славеше против Амир Зуауи (Франција) 4-2, Мартин Елијас (Чешка) 3-2, Артјом Јермолаев (Латвија) и Хуберт Јароцки (Полска) 2-1.

ЕП 2021 Тампере:

+76 кг

Стефан Стојановиќ – Амир Зуауи (Франција) 4-2

Стефан Стојановиќ – Мартин Елијас (Чешка) 3-2

Стефан Стојановиќ – Артјом Јермолаев (Латвија)

Стефан Стојановиќ – Хуберт Јароцки (Полска) 2-1

Финале

Стефан Стојановиќ – Матео Аванзини (Италија) 5-4

Стојановиќ (+84 кг, У-21) на Балканското првенство во Риека, Хрватска, го освои сребрениот медал откако во финалето загуби од Ријад Џухо од Босна и Херцеговина 1-3. Претходно Стојановиќ славеше против Фуркан Генц (Турција) 4-2, Антон Баждариќ (Хрватска) 4-3 и Сергиос Каравунис (Грција) 3-1.

Да потсетиме дека на минагодишниот избор за „Спортист на годината 2020“ Роберто Ацковски од Макпетрол кој освои бронзен медал на ЕП за јуниори беше избран за најдобар млад спортист на Македонија. Каратистот Петар Спасеновски стана шампион на ЕП во У-21 во 2019. Глигор Петков се закити со сребрен медал ЕП за јуниори во 2019 година.

Успесите на каратистите на Макпетрол во услови на пандемијата на Ковид-19 добиваат уште повеќе на тежина, а тоа значи дека тренерите неуморно работат на техничко-тактичката подготовка, но и на одржување психо-физичката стабилност. Секако, зад овие успеси стои и компанијата Макпетрол која ги финансира сите подготовки и настапи, како на домашната така и на меѓународната сцена.

Како одраз на постигантите резултати каратистите на Макпетрол заслужено ги добија стипендиите на Агенцијата за млади и спорт, па така Симона Заборска е носител на стипендијата од светски категорија, а Ангела Мојсовска, Петар Заборски и Петар Спасеновски прогласени за спортисти со титула од меѓународна категорија на Македонија.

Оризопроизводителите најавуваат протест ако поддршка за арпата не добијат повеќе земјоделци

Производителите на ориз од кочанскиот регион бараат што повеќе земјоделци да бидат опфатени со финансиската помош – три денари за килограм предадена арпа, а за тоа е неопходно, велат, рокот за предавање на арпата да се продолжи до јуни.

На Министерството за земјоделство му даваат рок од две недели да најде начин како ова да го спроведе. Во спротивно, најавија, ќе организираат нови протести и ќе ги блокираат магистралните патишта.

Производителите до петок очекуваат ресорното Министерство да организира средба на која ќе ги образложат барањата, но се надеваат и дека ќа се најде заедничко решение за да се избегне блокирањето на сообраќајниците.

-Нашите сознанија се дека само на 15 отсто од земјоделците кои успеале до 15 декември да ги предадат произведените количини, им е исплатена финансиската помош од КОВИД мерките. Тие временски не можеа да стигнат да ја продадат арпата, зашто жетвата на оризот завршува до крајот на октомври, ниту пак откупувачите физички со своите капацитети можеа да стигнат да ги исполнат условите. Исто така, не се опфатени ниту земјоделците кои арпата ја преработиле во бел ориз. Затоа бараме, редовните субвенции да останат по 3.000 денари за декар и да бидат исплатени за 15 дена, а рокот за откуп на арпата заради добивање дополнителната финансиска помош да се продолжи до јуни. Ако не добиеме позитивен одговор, ќе излеземе на протести со блокада на патиштата, изјави земјоделецот Здравко Коцев од Облешево.

Земјоделците кои произведуваат ориз се во дилема како ќе ја почнат сеидбената сезона оваа година поради драстично зголемените трошоци на вештачките ѓубрива и заштитните препарати.

-Една вреќа ѓубре од 25 килограми сега чини 1.650 денари, а ќе се покачат и цените на хербицидите, што значи дека трошоците по декар се зголемени за сто отсто. Со сегашните откупни цени не можеме да ги покриеме давачките, а не станува збор за заработувачка. Затоа очекуваме арпата да се откупува по 40 денари, а белиот ориз по 80 денари за килограм, истакна Стојче Ташевски, земјоделец од Облешево. /МИА

Одложено првото рочиште за случајот „Софтвери“ поради отсуство на една од обвинетите

Екс владиниот секретар Драги Рашковски од домашен притвор денеска беше спроведен во скопскиот кривичен суд каде започна судењето за набавката на сообраќајните софтвери.

Но рочиштето беше одложено поради отсуство на една од обвинетите и очекувањето на Апелација да се произнесе по жалбата на Рашковски според кој Обвинителството на незаконски начин прибавило докази против него, заради што вети интересен судски процес.

-Не може да имате во кој Обвинителството на својот компјутер во Word направиле текстуални пораки и заборавиле да го сменат времето и во една секунда има 43 пораки. Јас проверував, Гинисовиот рекорд е дека за педесет и нешто секунди можете да испишете една порака а не 43 во една секунда. Не може во 2015 година средства да потекнуваат од кривично дело од 2017, не треба да сте ни правник. Едноставно Холивуд да го режира ова не може така да го направи, вели Рашковски.

Освен по жалбата за доказите, Апелација треба да одлучи и по жалбата на Рашковски за одлуката на судот да му го замрзне имотот во април лани додека траеше истрагата по што и антикорупционерите дојдоа до сознанија дека стан од 65 квадрати во Скопје и земјиште од 11 илјади квадратни метри во викенд населбата Побожје, префрлил на своите малолетни деца. Рашковски тврди дека нема разлика во имотниот лист во времето пред и по завршувањето на функцијата во Влада, освен во подароците на децата.

-Од 2017 година кога сум влегол на функција до 2021 кога сум излегол, ќе видите дека не постои разлика освен подароците на моите две деца прибрани од родендени, крштевки, мекици итн. Друг податок за зголемување на имотот не постои. Значи сето тоа е само префрлено, како секој родител, ние сме традиционална земја, вели Рашковски.

Обвинителката Ивана Трајчева уверува дека во случајот се постапувало како и во други предмети. Вели и дека располага со цврсти докази против Рашковски и останатите обвинети.

-Постапувањето на Обвинителството во овој предмет ништо не се разликува од постапувањето во други предмети а за кои има правосилни судски одлуки и се познати во јавност како Рекет и 27 Април.Во суштина станува збор за докази од кои ќе се докажат сите факти кои се наведени во диспозитивот на обвинителниот акт, за секоја постапка посебно како и за хонорарците а и за кривичното дело перење пари, вели Трајчева.

Рашковски и уште шест лица одговараат за злоупотреба на службената положба и перење пари. Ден пред судењето тој во допис до медиумите, тврдеше дека системот за сообраќајни прекршоци кој никогаш употребен а исплатен над 70 илјади евра, ќе спасуваше животи на улиците. Следно рочиште е закажано за 24 февруари.

СДСМ: Законите важат за сите подеднакво, денеска тоа го потврди и Транспаренси

Соопштение за јавност - реакција на прес-конференцијата на Наум Стоилковски од ВМРО-ДПМНЕ.

Законите важат за сите подеднакво, без разлика за кое име и презиме станува збор, а тоа е потврдено и со случајот којшто го споменува ВМРО-ДПМНЕ.

Фактите се дека има судска пресуда за овој случај, потврдена и од Апелацискиот суд. Споменатите лица се осудени на затворска казна и ја имаат издржано казната.

Од ВМРО-ДПМНЕ очигледно не можат да се воздржат од пласирање на невистини и конструкции.

Денешниот Извештај на Транспаренси интернешнл потврдува дека законите важат за сите.

Една од главните причини за напредокот од 24 места е тоа што земјата има преземено конкретни чекори за кривично гонење на високи функционери од власта.

Центар за комуникации со јавноста на СДСМ

притисни ентер