Трик со руменило - пробајте го задолжително, дава резултат како лифтинг на лице (видео) - Канал 5

Здравје

Трик со руменило - пробајте го задолжително, дава резултат како лифтинг на лице (видео)

Руменилото е производ за шминкање кое дава свеж и здрав изглед на лицето.

Трик со руменило - пробајте го задолжително, дава резултат како лифтинг на лице (видео)

Во светот на шминката, различни производи како сенки, „хајлајтери“, „бронзери“, коректори и руменила се клучни елементи за постигнување на совршен изглед. Иако многумина од нас се потпираат на овие техники кога излегуваат на пијалак или на посебни пригоди, секојдневната рутина пред одење на работа често се сведува на поедноставни чекори. На пример, малку коректор за прикривање на несовршеностите, малку маскара за истакнување на очите и руменило на јаболчиците за посвеж и поздрав изглед на кожата и лицето. Овие основи прават да се чувствуваме поубаво и посигурно, без потреба од сложени процедури.

Сепак, постои една интересна промена што можете да ја воведете во вашата рутина која може драстично да го трансформира изгледот на вашето лице. Имено, начинот на кој го нанесувате руменилото може да има значително влијание врз тоа како ќе изгледа вашето лице. Наместо традиционалното нанесување на руменило на јаболчиците, размислете да го промените местото на аплицирање.

Ако одлучите руменилото да го нанесувате нешто повеќе кон надворешните делови на лицето, тоа ќе создаде ефект на мини лифтинг на лицето. Оваа техника не само што визуелно го подига лицето, туку дава и младешки изглед, што секако е примамливо за секој кој сака да изгледа посвежо.

Во последно време на социјалната мрежа Тикток се споделуваат разни трикови за убавина кои ги освојуваат срцата на многумина. Еден од најновите трендови кој стана вирален е начинот на нанесување руменило. Наместо традиционалниот пристап каде руменилото се става на образите, овој трик советува да го нанесете високо на јаболчиците. Оваа промена може да даде сосема нов изглед и да ја освежи шминката на необичен начин.

Комбинирањето на овој трик со благо истакнување на контурите на лицето може да даде навистина импресивни резултати. Со дефинирање на контурите на лицето и создава илузија на поголеми јаболчици, додека високо нанесеното руменило придонесува за здрав и свеж изглед.

Оваа техника може да биде особено корисна за оние кои сакаат да постигнат младешки изглед, бидејќи се фокусира на подигнување на лицето и додавање сјај. Поентата е во тоа што руменилото не се става во близина на носот на јаболчната коска, туку токму на врвот на јаболчната коска. Погледнете подетално во видеото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Манчестер Сити не се откажува од Енцо Фернандез,Челзи бара околу 140 милиони евра

Богатиот англиски премиерлигаш Манчестер Сити не се откажува од Аргентинецот, Енцо Фернандез, и покрај тоа што го пропушти рокот што претходно го одреди Челзи за доставување понуда.

Манчестер Сити не се откажува од Енцо Фернандез,Челзи бара околу 140 милиони евра

„Гардијан“ денес пренесува дека Сити би можел да ги искористи средствата од продажбата на Нико Гонзалез во Њукасл за да направи нов обид да го ангажира аргентинскиот играч за врска.

Фернандез е заинтересиран за повторна соработка со Енцо Мареска, со кого претходно работеше во Челзи. Иако Челзи не се обидува активно да го продаде, клубот одреди цена од околу 140 милиони евра.

Сити моментално спроведува голема реконструкција на средниот ред по заминувањата на Родри и Тиџани Рејндерс, а веќе постигна договор за ангажман на Ајуб Буади од Лил за 95 милиони евра плус дополнителни бонуси. ESPN исто така пренесува дека Сити е подготвен да ја плати сумата што ја бара Челзи за Фернандез.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Советниците на СДСМ во Пехчево против дата центар

Побараа тргање на точката од дневен ред!

Советниците на СДСМ во Пехчево против дата центар

„Како координатор на советничката група на СДСМ и коалицијата, предлагам втората точка, која е доставена во материјалите од дневниот ред, да се изземе, да се симне од дневен ред и да се стави на некоја наредна седница, која ќе биде отворена, на која граѓаните ќе бидат информирани за постапувањето по истата. Ние, како советничка група, нашиот став е јасен: дека нема да ја поддржиме таа иницијатива“ рече Николчо Јовчев, претседател на ОО СДСМ Пехчево и координатор на Советничката група на СДСМ.

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

43 годишен Македонец во Србија, понудил мито во замена за казна за брзо возење

Властите во Србија вчера уапсиле 43-годишен државјанин на Македонија кој е осомничен дека им понудил мито на полицајци за да не му напишат казна за брзо возење, објавија српските медиуми.

43 годишен Македонец во Србија, понудил мито во замена за казна за брзо возење

Припадници на министерството за внатрешни работи на Србија, управата за криминалистичка полиција и службата за борба против корупцијата, по налог на посебното одделение за сузбивање корупција при вишото јавно обвинителство во Краљево, го уапсиле осомничениот, со иницијали З. А., за кривично дело давање поткуп.

Тагови: мито

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер