Економија

Трибина во Народната банка во соработка со Амбасадата на Швајцарија

Довербата во централните банки и домашната валута е темел на економската стабилност.

„Сите земји, без оглед на нивната големина, се соочуваат со истиот предизвик – да изградат институции во кои граѓаните ќе имаат доверба низ генерации, а централните банки имаат важна улога во зачувувањето на стабилноста на домашната валута“. Ова беше една од главните пораки на трибината што се одржа во Музејот на Народната банка, во организација на Народната банка, Амбасадата на Швајцарија и Швајцарската комора во Македонија. На настанот се зборуваше за актуелните макроекономски прашања и светските предизвици во услови на зголемена неизвесност, геополитички тензии, промени во трговските и финансиските текови и забрзан технолошки развој.

Во своето обраќање, гувернерот на Народната банка д-р Трајко Славески истакна дека стабилниот девизен курс на денарот во однос на еврото веќе три децении претставува важен столб на макроекономската стабилност во земјава.

„Иако светскиот монетарен систем се соочува со нови предизвици и постепени промени, Народната банка е посветена на одржувањето на макроекономската и финансиската стабилност преку кредибилни политики и меѓународна соработка. Народната банка успешно се справи со последните светски шокови, ја намали инфлацијата и ја зачува стабилноста на девизниот пазар. Девизните резерви се на солидно ниво, а довербата во денарот и во банкарскиот систем е зачувана“, истакна гувернерот Славески.

Во своето обраќање, амбасадорот на Швајцарската Конфедерација Кристоф Зомер нагласи дека историјата на швајцарскиот франк покажува дека стабилноста на една валута не е резултат на случајност или на поединечни политики, туку на децении одговорно управување, институционален континуитет и долгорочна визија.

„Технологијата може да го промени начинот на кој се движат парите, но довербата во парите и понатаму ќе зависи од институциите. Во време на брзи промени, централните банки се меѓу најважните столбови на стабилноста, кредибилитетот и довербата. Нивната улога не е само техничка. Таа е суштински поврзана со зачувувањето на довербата, како едно од највредните добра што може да ги поседува една економија“, истакна амбасадорот Зомер.

Посебно внимание на трибината му беше посветено на одбележувањето на јубилејот 80 години централнобанкарска традиција во земјава. Беше нагласено дека ваквите значајни јубилеи потврдуваат дека силните институции се градат постепено, преку континуитет, професионалност и доследна посветеност на јавниот интерес.

Во рамките на настанот беше истакнато и значењето на Меморандумот за соработка меѓу Народната банка и Државниот секретаријат за економски прашања на Швајцарија (SECO) за периодот 2025 – 2028 година, којшто ќе придонесе за унапредување на аналитичките алатки на монетарната политика, понатамошна модернизација на финансискиот сектор и за зајакнување на институционалните капацитети на Народната банка.

Економистот Коста Вајена одржа презентација на настанот, додека на панел-дискусијата учествуваа и професорот од Женевскиот институтот за постдипломски студии Cедрик Тиј, економистот од Народната банка на Швајцарија Флоријан Вебер и претседателот на Одборот на директори на „Макстил“ Димитар Цветковски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Летово „One Stop Shop“ се очекува да профункционира и на границата со Албанија

На почетокот од јули One Stop Shop се очекува да профункционира и на границата со Албанија – целта, според МВР, е граѓаните на поедноставен начин да ја минуваат границата уште ова лето.

Откако одлуката вчера помина на владина седница, таква одлука сеочекува утре да донесе и албанската влада... како што информираат од МВР, веднаш потоа ќе биде следува средба на која министрите за внатрешни работи на двете земји ќе стават потпис на договорот, кој потоа ќе се ратификува во Собранието. Преминот Ќафасан, кај Струга, е веќе подготвен, има оптичка инфраструктура и ќе треба да се инсталира само софтверот – на премините Блато и Св. Наум се работи на адаптација, пред целосно да стартува „One Stop Shop“ и на овие гранични премини.

-Во прва прилика, во наредните 7 до 10 дена, при слободен термин на двајцата министри за внатрешни работи, ќе се потпише договорот, кој потоа ќе се ратификува во Собранието. Во наредните две до три недели целиот процес треба да биде завршен. Во меѓувреме се тестира инфраструктурата, каблите, хардверот, се инсталира и тестира софтверот за да може системот да стартува. - Велат ОД МВР.

Од Влада, по вчерашната седница на која се усвои воведување на „One Stop Shop“ и со Албанија, порачаа дека ваквиот систем, со кој се заокружува имлементацијата со трите соседни држави, ќе доведе до поголема безбедност и ќе стави крај на долгите чекања на границите.

-Потребата од ваквото решение најдобро ја потврдува фреквенцијата на патниците на граничните премини со Р. Албанија. Во текот на 2025 година, на овие гранични премини биле регистрирани 4,6 милиони патници, од кои дури 2,3 милиони се на граничниот премин Ќафасан. Овие бројки ја истакнуваат важноста од воведување на системот, кој ќе овозможи побрз и поефикасен проток на патниците и ќе придонесе за намалување на времето на чекање на границите,- Венера Љатифи Азизи – Портпарол на Влада.

Сепак, додека дел од Западниот Балкан ги поедноставува граничните процедури, останатите земји од регионов кои се во шенген зоната мака мачат да се адаптираат на новите ЕЕС правила кои создаваат километарски колони за влез. Поради оптовареноста на преминот Евзони Грција веќе посегна кон мерки кои би го олесниле влезот – отворена е дополнителна лента, се поставуваат модуларни пунктови за биометриска регистрација, а при огромни гужви, според оперативните проценки на граничарите, периодично биометриската регистрација нема ниту да се прави – туку ќе се преминува како до сега

Здравје

ВИДЕОЛОТАРИЈА ЈА РЕАЛИЗИРАШЕ ТРАДИЦИОНАЛНАТА КРВОДАРИТЕЛНА АКЦИЈА

Во очи на Светскиот ден на крводарителите, Видеолотарија Касинос Австрија ја продолжи својата хумана мисија, реализирајќи ја 26-тата крводарителна акција. Акцијата се одржа во просториите на Институтот за трансфузиона медицина во Скопје.

Крводарителната акција прерасна во убава и препознатлива традиција што ја негува колективот на Видеолотарија Касинос Австрија, при што голем дел од вработените и индивидуално учествуваат и поддржуваат хумани иницијативи. Со ова, компанијата активно придонесува кон спасување човечки животи и кон промоција на културата на солидарност и хуманост.

Придобивките од крводарувањето се повеќекратни. Освен што директно се спасуваат човечки животи, со дарувањето крв се поттикнува и обновување и регенерација на организмот. Дополнително, лицата кои десет пати доброволно ќе даруваат крв, остваруваат право на бесплатно лекување.

На 14 јуни светот го одбележува Светскиот ден на крводарителите, датум избран по повод раѓањето на Карл Ландштајнер, научникот без кого модерната медицина не би постоела. Во 1900 и 1901 година, Ландштајнер спровел систематски испитувања на серуми и успеал да ги идентификува крвните групи А, Б и 0, откривајќи дека трансфузијата помеѓу неспоиви крвни групи предизвикува хемолиза, односно уривање на еритроцитите. Подоцна тој и неговите соработници го открија и резус-факторот (Rh), со кој системот на класификација станал комплетен. За ова откритие, Ландштајнер во 1930 година ја добил Нобеловата награда за медицина, а денес се смета за таткото на трансфузиологијата. Светскиот ден во негова чест се одбележува од 14 јуни 2004 година.

Македонија

Филипче: Наместо да се даде поддршка на оние што ја хранат Македонија земјоделството изумира

Претседателот на СДСМ, д-р Венко Филипче, денеска во Босилово, имаше средба со земјоделци од струмичкиот регион, на која разговраа за моменталната состојба во земјоделството и проблемите со кои се соочуваат земјоделците.

Филипче порача дека Владата на ВМРО наместо да биде потпора и да им даде поддршка земјоделците, тие го доведоа земјоделството до изумирање.

„Едноставно наместо да се даде поддршка на луѓето кои што ја хранат земјата, наместо да се даде поддршка на луѓето кои што може да го зајакнат секторот земјоделство и да бидеме главни извозници на храна и да го храниме целиот регион, ние сме соочени да целиот сектор земјоделство во државата изумира“, рече Филипче.

На средбата Филипче нагласи дека буквално сите земјоделци во земјава од сите региони, се соочени со големи проблеми и предизвици, доцни исплатата на субвенциите, а дополнително откупните цени се екстремно ниски.

„Секој еден сектор во земјоделството е соочен со големи проблеми и предизвици, така и денес луѓето кои што произведуваат и одгледуваат раноградинарски култури, јачмен, зелка, цвекло, сите се соочени со истите проблеми. Нема исплата на субвенции и многу екстремно ниски откупни цена. Ова е само уште еден знак за тоталната негрижа на Владата за секторот земјоделство. Вкупната сума на субвенции е намалена. Укинати се парите од ИПАРД програмите од Европската Унија, затоа што се фатени претставници на власта во директна корупција“, рече Филипче.

Филипче: Македонија со ВМРО единствено забрзува кон пропаст

Македонија со ВМРО единствено забрзува кон пропаст, порача претседателот на СДСМ, д-р Венко Филипче, на денешната средба со земјоделци во Босилово. Филипче посочи дека е лицемерно ВМРО да зборува за некакво забрзување кога цела држава, вклучително и земјоделството, оди надолу, во пропаст.

„Каков врв на лицемерие токму денеска во Струмица, во овој регион, ВМРО, организирана криминална група, слави роденден. Гледам дека се фалат со некој слоган „Македонија забрзува“, може да им го честитам роденденот со тоа што Македонија забрзува со нив единствено кон пропаст“, рече Филипче.

На средбата на која што земјоделците зборуваа за проблемите со кои се соочуваат изминатите две години поради погубните политики на Владата на ВМРО, Филипче нагласи дека власта го доведе земјоделството до пропаст. Исплатата на субвенциите доцни, а дополнително земјоделците се соочени со екстремно ниски откупни цени за производите.

„Наместо да се даде поддршка на луѓето кои што ја хранат земјата, наместо да се даде поддршка на луѓето кои што може да го зајакнат секторот земјоделство и да бидеме главни извозници на храна и да го храниме целиот регион, ние сме соочени со тоа што целиот сектор земјоделство во државата изумира. Земјоделците нема да работат повеќе поради тоа што никој не води грижа за нивните големи трошоци кои се екстремно високи, за нивните ниски откупни цени, едноставно луѓето не можат да преживеат“, рече Филипче.

СДСМ