Култура

Три романи од Живко Андревски

„Животот е преубав“ е насловот на трилогијата (три романи), што излезе од печат деновиве, на авторот професор Живко Андревски. Посебните наслови во трилогијата се „Лелекот е лек“ (прва книга), „Самецот е мислител“ (втора книга) и „Дворот е радост“ (трета книга).

Во ракописот „Лелекот е лек“ раскажувачката и промислувачката активност на јунаците е урбана средина, кафеана во метрополата. Тројцата главни јунаци гласно говорат за политиката, за семејството и за религијата, а во себе делат длабоки нишки на разочараност од себе и од другите луѓе.
Дејствието во „Самецот е мислител“ тече во едно од нашите македонски села кои минале низ процесот на опустошување, но уште се живи. Во овој дел пак, тројцата јунаци ја лекуваат осаменоста со дружење, со речиси пусти желби и со прецизно потсетување на своето минато и на минатото на своето село.

Делот „Дворот е радост“ опфаќа лепеза од збиднувања на три дворски места (на активно селско семејство, на модерно урбано семејство и училишен двор) каде што повеќе од 40 години се случуваат радости и таги, желби и порази, логики и апсурди.

Тематскиот опфат на трилогијата од авторот Живко Андревски донесува илјадници слики од македонското живеење од последните педесетина години, слики и настани, кажани и раскажани, од јунаците на дејствието.Основната порака од трите дела е дека животот треба да се живее, животот тече и никого не чека, оти животот е полн за секој човек посебно...

- Ракописите се читаат во еден здив, со зачувана автентичност, со користење исклучиво стандарден и стандардизиран македонски јазик со речиси невидливи отстапувања и служи како доказ за убавината и моќта на македонскиот јазик со малку зборови многу да каже, со одбран речник да растајни нитки и односи, чувства и желби, идеи и сложени меѓучовечки релации, пишува во рецензијата од авторот и издавач доц. д-р Христо Петрески.
Поетот и литературен критичар Бранко Цветкоски оценува дека станува збор за мошне хармонизирана прозна постапка која ја открива неколкукратната моќ на авторот да го истргне од меморијата настанот како автентично случување, да го внесе во чисто фикционален контекст, да му даде функција на книжевна неповторливост и јазично и стилски да ја одржи целата приказна во поткрената позиција. - И во времето назад – и во времето на соопштувањето. Сè е уште подобро, кога зад нарацијата речиси и не се чувствува дека прикажувачот е свидетел и учесник во ткивото на приказните. Одржлива и успешна проза и сосема очекувана од перото на еден успешен, аналитичен и елоквентен дух како што е духот на публицистот со резок ум д-р Живко Андревски, наведува Цветкоски.

Во романот „Лелекот е лек“ е интегриран и расказот „Фломастери“ за кој авторот Живко Андревски во 2012 година ја освои првата награда на конкурсот за краток расказ на весникот „Нова Македонија“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Жителите на Каменик ќе добијат систем за водоснабдување, проект во соработка помеѓу Кисела Вода и Владата

Изјава за медиуми на претседателот на Владата, Христијан Мицкоски од Општина Кисела Вода.

„Добар ден и од мене.

Како што вчера најавив, полека, проект по проект ќе ги завршуваме, но и проект по проект оние коишто не се почнати ќе ги отпочнуваме. Како што кажа и градоначалничката, станува збор за проект каде што имаме јасна соработка помеѓу Владата и општината. Целокупниот проект е многу значаен за овој дел на Општина Кисела Вода, затоа што тоа што недостасуваше досега, тоа е водата за пиење. Ќе биде конечно затворен тој проблем. Откако ќе биде завршена оваа подземна инсталација, следен чекор е да го поминеме и патот со нов асфалт.

Така што плански се работи, систематски се работи, потребите се јасни, а ние како Влада, нашата задача и цел е да овие потреби одговориме согласно нашите можности и се надевам дека тоа досега го правиме. Сакам да изразам благодарност и до градоначалничката, до советниците коишто ја поддржуваат работата на градоначалничката, до пратениците во македонското Собрание, до колегите од Владата, до Министерството за животна средина и просторно планирање. Како што кажав, ова е заеднички проект и добро е што оваа синергија функционира и на терен и се прават вакви проекти, а ние како Влада ќе продолжиме и понатаму да реализираме она што се потреби на граѓаните.

Ви благодарам.“

Тагови: Мицкоски

Македонија

Превентивни активности за врсничко и сајбер насилство, заштита од кражби, безбеден сообраќај, телефонски измами и зависности

Со учениците од прва и втора година од СУГС „Васил А.Дрен“ на подрачје на ПСОН Кисела Вода реализирана е трибина на тема „СТОП за меѓуврсничко насилство и превенција од зависности“.

На 13.11.2026 полициски службеници од Отсекот за превенција и Отсекот за компјутерски криминал при СВР Велес, за учениците ОСУ „Јовче Тесличков“ во Велес, реализираа едукативно предавање за заштита од врсничко и сајбер насилство. Учениците се запознаа со различните форми на насилничко однесување, облиците и начините на манифестирање на овие девијантни појави, но и за последиците што може да се појават, при што, на учениците им ги појаснија и потенцираа начините и методите за навремена превенција и справување со овој вид на девијантно однесување помеѓу младите.

На подрачје на Демир Капија, полициски службеници од ОВР Неготино спроведоа превентивна активност за заштита од кражби, при што преку непосредна комуникација, граѓаните добија совети како да се заштитат од различни форми на кражби, да ги заштитат своите домови и да внимаваат на своите лични предмети.

Полициски службеници од ОВР Кавадарци реализираа сообраќајна превентивна активност на тема „Вози одговорно“, со укажување на возачите за важноста од задолжително почитување на сообраќајните правила и прописи. Целта на овие активности е да се влијае на зголемување на нивото на сообраќајната култура и свеста кај возачите, во насока на зголемување на безбедноста и намалување на бројот на сообраќајните незгоди.

Сообраќајни превентивни активности денеска беа реализирани и на подрачје на Велес и Чашка, со акцент на опасноста од управување на возила под дејство на алкохол. При тоа беше нагласена потребата за свесност кај возачите, да не управуваат возила под дејство на алкохол, со оглед на тоа дека алкохолот сериозно ги намалува возачките вештини, ги нарушува психомоторните способности и претставува сериозна закана по нивната и безбедноста на останатите учесници во сообраќајот.

Во рамки на активностите беше поделен печатен едукативен материјал.

На 12/13.11.2026, Одделението за превенција при СВР Скопје, на подрачјето на ПСОН Кисела Вода и ПСОН Бит Пазар, реализираше две едукативни работилници и една трибина.

Во ООУ „Хасан Приштина“ и ООУ „7ми Март“ – на подрачје на ПСОН Бит Пазар, со учесници од Клубот за превенција кои ги сочинуваат ученици од шесто до деветто одделение реализирани се две едукативни работилници на тема „Превенција од меѓуврсничко насилство – Булинг и Сајбер булинг (насилство на социјалните мрежи)“.

Исто така со учениците од прва и втора година од СУГС „Васил А.Дрен“ на подрачје на ПСОН Кисела Вода реализирана е трибина на тема „СТОП за меѓуврсничко насилство и превенција од зависности“.

На присутните ученици им беа поделени и летоци на кои се испишани едукативни пораки – Стоп за булингот, никој не заслужува да се чувствува безвредно и небезбедно.

На 13.11.2026 на градскиот пазар во Штип, полициски службеници од Отсекот за превенција при СВР Штип, заедно со полициски службеници од Полициска станица Штип, како и полициски службеници од Полициска станица Пробиштип одржаа неформални средби со повозрасни граѓани, предвидена со планот за проектни активности во областа на превенцијата за превенција од телефонски измами за сообраќајни незгоди. Целта на одржаните средби беше запознавање на пензионерите со безбедносните настани и случувања како постари лица се потенцијална мета на криминалците – измамници, како и давање упатства за постапување во случаи на наидување на такви настани и други кривични дела, забележувања на настани од безбедносен карактер и навремено информирање.

На 13.11.2026 полициски службеници од полициска станица за безбедност на патниот сообраќај Штип и Свети Николе реализираа едукативно предавање во СОУ „Коле Нехтенин“ во Штип и СОУ „Кочо Рацин“ во Свети Николе на учениците од прва година на тема „Сообраќајните правила и прописи и одговорност на учениците“, со цел да бидат запознаени со основните сообраќајни правила и прописи, значењето на одредени сообраќајни знаци, а воедно им беше укажано и како правилно да се однесуваат како учесници во сообраќајот.

На 13.11.2026 полициски службеници од полициска станица за безбедност на патниот сообраќај Кочани, Делчево и Берово во централно градско подрачје реализираа едукативна кампања под мотото „Не користи мобилен додека управуваш со моторно возило“ и „Ако пиеш не вози, ако возиш не пиј“, во непосредна комуникација со граѓаните пред се со возачите. На возачите им беа поделени летоци со корисни совети. Целта е подигнување на јавната свет кај граѓаните за побезбеден сообраќај.

На 13.11.2026 полициски службеници од полициска станица Берово во просториите на ОСУ „Ацо Русковски“ Берово реализираа превентивно-едукативна активност наменета за учениците, со цел подигнување на свеста за штетните последици од различните видови зависности. Во рамките на активноста се опфатени теми поврзани со зависноста од алкохол, тутун, наркотични средства, коцкање, како и прекумерна употреба на интернет и мобилни телефони. Посебен акцент беше ставен на влијанието на зависностите врз здравјето, психофизичкиот развој, образованието и социјалниот живот на младите.

Вчера 13.11.2026 во централно градско подрачје во Демир Хисар, полициски службеници од ОВР Демир Хисар реализираа едукативна кампања под мотото „Да се заштитиме од измами“. Граѓаните беа советувани за само заштита, од имотни деликти (разбојничка кражба, разбојништво, дрска кражба, џебни кражби, измами и други кривични дела), каде особено им беше потенцирана неопходноста од соработка и нивна навремена комуникација со полицијата пред се преку точно и брзо пријавување на бесплатниот телефонски број 112, при што им беа поделени летоци со едукативна содржина.

Тагови: мвр

Македонија

СДСМ: Криминалната власт ги донесе криминалните измени на Законот за јавните набавки – за повеќе пари за дилови во четири очи

Мнозинството на ВМРО во Собранието ги изгласа криминалните измени на Законот за јавните набавки.

Наместо поголема транспарентност и заштита на народните пари, власта уште пошироко отвори дополнителен простор за корупција и сомнителни зделки и дилови.

Во фокусот секако им се криминалните тендери.

Со криминалните измените сами на себе си овозможуваат набавки без тендер на драстично поголема сума до 25.000 евра за стоки и до 120.000 евра за градежни работи.

Тоа се повеќе пари за во четири очи, за криминални тендери без контрола и за свои партиски фирми.

Така повеќе народни пари ќе се трошат без отворена конкуренција, со поголем ризик договорите да завршуваат кај однапред избраните фирми.

Истовремено, се брише обврската воведена во 2019 година за задолжителна согласност од Бирото за јавни набавки за постапките со преговарање без објавување оглас.

Значи, ги зголемуваат износите за набавки без тендер, а ја отстрануваат контролната пречка за договорите во четири очи.

Ова се прави на штета на граѓаните и во интерес на бизнисите на Мицкоски, неговата Организирана криминална група и неговите сателити.

Дополнително, многукратно се зголемуваат надоместоците за поднесување жалби. Наместо фирмите да се охрабрат да пријавуваат неправилности, правната заштита им станува поскапа и потешко достапна. Особено се погодени малите компании.

Пораката на власта е јасна: функционерите полесно да договараат дилови во четири очи, фирмите потешко да се жалат.

Претседателот на СДСМ, Венко Филипче, навреме предупреди дека овие измени отвораат простор за коруоција. Затоа СДСМ се спротивстави со над 2.000 амандмани.

Криминалната власт ги протурка криминалните измени на законот.

Народните пари за нив се партиска каса на ВМРО.

Криминална власт, криминални закони!

СДСМ

Тагови: СДСМ