Македонија

Три потпретседатели на Светска банка доаѓаат на Конституенцата во Скопје

Три потпретседатели на групацијата на Светска банка ќе присуствуваат на Конституенцата на Светска банка и Меѓународниот монетарен фонд (ММФ), што ќе се одржи од 21 – 22 јуни во Скопје.

Станува збор за потпретседателот на Светска банка за Европа и Централа Азија Сирил Милер, потпретседателот за човечки развој на Светска банка Анет Дискон и потпретседателот на Меѓународната финансиска корпорација (ИФЦ) Георгина Бејкер.

-Инаку, не е вообичаено толку многу високи претставници на Светска банка да присуствуваат на Конституенца. Тоа е потврда за прогресот на реформите во јавните финансии, како и на добрата соработка на Владата со Светска банка, наведуваат од Министерството за финансии.

Освен тројцата потпретседатели на Светска банка, во соопштението стои дека, ќе присуствува и директорот на ММФ за Европа Пол Томпсен. На состанокот на Холандско-белгиската конституенца на Групацијата на Светската банка и ММФ ќе присуствуваат и министри за финансии и гувернери на централни банки од земјите од Конституенцата од Холандија, Белгија, Босна и Херцеговина, Бугарија, Грузија, Ерменија, Израел, Кипар, Луксембург, Молдавија, Романија, Украина, Хрватска и Црна Гора.

Организатори на Конституенцата се Министерството за финансии и Народната банка. Средбите претставуваат своевиден форум на кој високите претставници на носителите на фискалната и монетарната политика во земјите членки разменуваат мислења за политиките и програмите на ММФ и СБ, како и за други клучни прашања за европската и светската економија

Македонија

МВР: Мирен изборен ден со помали инциденти и нерегуларности

Мирно и без поголеми нарушувања на изборниот процес – е првичната оценка на Јавното обвинителство во рамки на нивните постапувања за текот на изборниот ден.

Привремената комисија во обвинителството за следење на евентуални кривични дела против изборите и други нерегуларности досега нема добиено ниту една кривична пријава со елементи на сторени кривични дела ниту пак инциденти. Претходно полицијата извести за пријавени незаконски активности – обид за поткуп на гласачи во Охрид и Крива Паланка. Кривична пријава засега нема до обвинителството но случаите тги истражуваат.

-Има известување за сомнение за поткуп на гласачи каде беа примени известувања за Охрид о Крива Паланка, меѓутоа до овој момент за овие настани не е поднесена кривична пријава до надлежните обвинителства. Дејствијата се преземаат и доколку биде поднесена кривична пријава обвинителствата веднаш ќе преземаат за проверка на наводите во пријавите. Во овој момент станува збор за настани кои би можеле да имаат обележје на кривично дело, паможе да се даде една генерална оценка дека целиот изборен процес поминува без поголеми нарушувања од аспект на јавнообвинителското постапување,- изјави – Џељаљ Бајрами – Обвинител.

За случајот со селото Мелница во општина Чашка поради сомнежи за поткуп а вчера при претрес кај едно лице било пронајдено поголемо количество оружје, е отворена истрага и за него велешкиот суд определи притвор. И кај уште едно лице во велешко е извршен претрес поради сомнежи за изборен поткуп, сомнежите за поткуп се проверуваат.

Обвинителството, информираат оттаму, продолжува да го следи целиот тек на изборниот процес. Сите евентуални сомненија за кривични дела кои би можеле да го нарушат изборниот процес ќе бидат испитани, а предметите ќе имаат приоритет на постапување во јавните обвинителства.

Македонија

Македонија бира претседател и нов парламентарен состав

Македонија гласа на двојни избори..

Веќе осум часа повеќе од 1,8 милиони граѓани со право на глас избираат претседател и нов состав на парламентот.. Нашите репортери се на терен и одблиску го следат изборниот процес.. Елизабета Дамјановска Спасеновска ја имаме во живо со најновите информации од ДИК.

Одиме прво во Државната изборна комисија.. Бети, колкава е излезноста досега и има ли посериозни нерегуларности..

Регион

Се откачи рингишпил на панаѓур во Србија- 13 повредени , меѓу кои повеќето се деца

На панаѓур во Куршумлија излета дел од конструкцијата на рингишпилот и во таа прилика се повредени 13 лица, од кои едно потешко, потврди за Танјуг лекарот од Здравствениот дом Куршумлија, Славиша Дошовиќ.

- Екипите се на терен. Засега едно лице е во тешка состојба и со возило на брза помош итно е префрлена во Прокупље - изјави Дошовиќ, пренесе Телеграф.

Вртелешката била поставена на платото кај автобуската станица, а МВР на Србија наведува дека полицијата и итната помош се на терен.

Досега во болницата во Прокупље влегле пет возила на Брза помош. Според неофицијални информации, повеќето од повредените се деца.