Три напитоци за намалување на болките предизвикани од артритис - Канал 5

Здравје

Три напитоци за намалување на болките предизвикани од артритис

​Консумирањето суплементи не е единствен начин за подобрување на здравјето на зглобовите.

Три напитоци за намалување на болките предизвикани од артритис

Од болки во зглобовите не страдаат само исклучиво постарите лица, сè повеќе млади лица добиваат дијагноза артритис. Иако артритисот можеби и не изгледа како сериозен здравствен проблем, тој може значително да влијае на подвижноста и на квалитетот на живот. Еве некои здрави напитоци кои може да го ублажат артритисот, односно болките што ги предизвикува.

1. Млеко од куркума

Куркумата содржи куркумин кој делува противвоспалително, и може да ги ублажи симптомите поврзани со артритис.

Напитокот се спрема едноставно. Се загрева шолја млеко и се додава една мала лажичка куркума во прав. Добро се промешува и се пие еден час пред легнување.

2. Зелен чај

Зелениот чај има низа здравствени придобивки, вклучувајќи ги и противвоспалителните дејства. Тој изобилува со антиоксиданси наречени полифеноли, кои помагаат при воспалителни процеси и позитивно влијаат на здравјето на зглобовите и мускулите.

3. Чај од ѓумбир

Ѓумбирот е одамна познат по своите антивоспалителни дејства. Чајот од ѓумбир може да биде добра опција за лицата со артритис бидејќи помага во намалување на болките и воспаленијата во зглобовите.

Исечкате кришки свеж ѓумбир и потопете ги во врела вода, откако ќе се излади, додајте малку мед и лимон за подобрување на вкусот, но и за искористување на нивните здравствени предности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази на одбраната продолжува судењето за пожарот во „Пулс“

Со изведување на докази на одбраната, која има најавено 240 сведоци, во судницата во затворот „Идризово“ при Основниот кривичен суд Скопје денеска продолжува судењето за пожарот во дискотеката „Пулс“ во Кочани.

Со изведување докази на одбраната продолжува судењето за пожарот во „Пулс“

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември минатата година, осум месеци по катастрофалниот пожар што се случи на 16 март 2025 година за време на настап на групата ДНК, во кој животот го загубија 63 лица, а над 200 беа повредени.

Тагови: Основен суд Кочани Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието го усвои амандманот со кој се брише членот 13 од измените на Законот за јавните набавки

Собранието го усвои амандманот со кој се брише членот 13 од измените на Законот за јавните набавки.

Собранието го усвои амандманот со кој се брише членот 13 од измените на Законот за јавните набавки

Спорната одредба се однесуваше на мандатите на претседателот и членовите на Државната комисија за жалби по јавни набавки.Со предложените измени се овозможуваше нивно повторно именување без јасно ограничување на бројот на мандати.

Досегашното законско решение предвидуваше мандат од пет години, со право на уште еден избор.Тоа значи дека членовите можеа да ја извршуваат функцијата најмногу десет години.

Претседателката Гордана Сиљановска-Давкова одби да го потпише указот за прогласување на законот токму поради оваа одредба.Таа оцени дека новата формулација е правно непрецизна и остава простор за неограничен број реизбори.Амандманот за бришење на членот го поднесоа пратениците на ВМРО-ДПМНЕ.

Од владејачкото мнозинство образложија дека со ова се прифаќаатзабелешките на претседателката.

Од СДСМ реагираа дека и тие претходно предложиле исто решение.Опозицијата побара законот да биде повлечен и да се организира јавна расправа за новите измени.За законските измени беа поднесени вкупно 2.158 амандмани.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремени сончеви периоди

Врмето денес според УХМР ќе биде променливо облачно со повремени сончеви периоди.

Променливо облачно со повремени сончеви периоди

Променливо облачно со повремени сончеви периоди. Во западните делови ќе има услови за појава на слаби врнежи од дожд. По одделни котлини ќе има услови за појава на магла. Ќе дува слаб до умерен ветер од јужен правец. Минималната температура ќе биде во интервал од 5 до 10, а максималната ќе достигне од 14 до 19 степени.

Во Скопје, променливо облачно со услови за појава на слаб локален дожд. Ќе дува слаб ветер од променлив правец. Минималната температура ќе се спушти до 10, а максималната ќе достигне до 17 степени.

ВРЕМЕТО ВО НАРЕДНИТЕ ДЕНОВИ

До почетокот на следната седмица времето ќе биде променливо облачно со повремени локални врнежи од дожд. Од сабота поради продор на постудена воздушна маса од север температурите ќе бидат во опаѓање. Ќе дува слаб до умерен, а во петок силен повремено многу силен ветер од јужен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер