Овој неверојатен спортист постигна нешто што никој пред него не го постигнал - освои шест златни медали во шест трки, а крунисувањето на неговата кариера се случи на масовниот старт од 50 километри. Сепак, штом ја помина целта, Клебо го бараше не само златото, туку и својата свршеница, Пернила Досвик.

Сцената што го обиколи светот беше емотивна: Клебо се стрча во прегратката на својата девојка и сподели страсен бакнеж - нивниот прв за три месеци!

Како што Досвик откри за норвешкиот радиодифузер НРК, двојката живеела во строга, самонаметната изолација од декември. Причината? Клебо не оставил ништо на случајот. За да избегне каква било можност за инфекција или болест што би ги загрозила неговите подготовки за Игрите, тој вовел режим што се граничи со аскетизам.

Строго регулиран контакт, нула бакнежи и целосен фокус на натпреварот. Колку Клебо бил ригорозен покажува и фактот дека ако Пернила одела во кино со своите пријатели, морала да помине два дена во карантин со своите родители пред да ѝ биде дозволено да се врати во нивниот заеднички дом. Сè било подредено на историскиот успех.

Откако го освои шестото злато во последната трка, Клебо конечно можеше да „воздивне со олеснување“ и да го прогласи крајот на карантинот.

- Денес е дозволено. Денес е последниот ден, па карантинот е прекинат. Единствениот пат кога ја видов пред ова беше синоќа за време на кратка прошетка, а тоа беше единствениот контакт во текот на сите Игри. Едвај чекам сè да заврши и да поминеме време заедно.

View this post on Instagram

A post shared by Pernille Døsvik (@pernilledosvik)

Пернила Досвик и Јоханес се во врска од 2018 година. Таа е успешна инфлуенсерка и студентка по економија и технолошки менаџмент, а двојката живее заедно во Трондхајм.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.