Три години од смртта на Диего Армандо Марадона – скапоцен, храбар, необичен, легендарен - Канал 5

Фудбал

Три години од смртта на Диего Армандо Марадона – скапоцен, храбар, необичен, легендарен

Марадона беше несреќникот, кој дебитираше за репрезентацијата на 16-годишна возраст, но со 17 години не беше вклучен во националниот тим на Светското првенство 1978, на кое Аргентинците станаа шампиони. 

Три години од смртта на Диего Армандо Марадона – скапоцен, храбар, необичен, легендарен

Тој беше умешниот, кој тешко се сопираше на теренот и врз кого беа направени 23 прекршоци на еден натпревар – Италијанците, идните шампиони, само така можеа да го сопрат на Светското првенство 1982.

Беше скапоцениот, кој два пати ги направи најскапите трансфери во светот – неговиот трансфер во Барселона во 1982 година и во Наполи во 1984 година беа за рекордни суми во тоа време.

Диего беше храбриот кој се осмели да се пресели од Барселона, вториот тим на УЕФА ранг – листата, во 83. рангираниот Наполи – за потоа со клубот од Неапол двапати да ја освои шампионската титула во Серија А, како и Купот на УЕФА во 1989 година.

Тој беше совршениот, кој изведе 90 дриблинзи и на својот тим му донесе 53 слободни удари на едно Светско првенство – Мундијалот 1986 беше во негов знак.

Го доби и епитетот талентираниот, кој три пати асистираше на натпревар од Светското првенство – благодарение на неговите прецизни додавања Аргентина ја победи Јужна Кореја на отворањето на Мундијалот 1986.

Тој беше оној необичниот, кој истовремено беше и сакан и омразен – дали Англичаните можат да го симпатизираат тој што им постигна гол со „Божја рака“ на Светското првенство во 1986 година?

Заслужено го нарекуваа и волшебникот, кој го постигна „Голот на векот“ – тргнувајќи од својата половина, со 11 допири на топката претрча повеќе од половина од теренот, минувајќи покрај пет противнички играчи и голманот, пред да ја смести топката во мрежата против Англија на Светското првенство 1986.

Тој беше генијалецот, кој му помогна на својот тим да стане светски шампион, иако не беше меѓу главните фаворити – во пресрет на Светско првенство во 1986 година Аргентина победи на само еден од седум натпревари.

Марадона беше талентираниот, кој не беше класичен напаѓач, а успеа да стане најдобар стрелец во Серија А – постигна 15 голови во италијанското првенство во сезоната 1987/88.

Исто така, беше еден од нас, кој почувствува и горчина на порази од 1:5, па дури и 0:5, и покрај сите негови извонредни способности – не можеше да ги спречи високите порази на Наполи од Вердер Бремен во 1989 година и на Севиља од Реал Мадрид во 1993 година.

Тој беше неодговорен, двапати санкциониран за допинг – првиот пат во сезоната 1991/1992 а потоа во 1994/1995 година, и му беше изречена забрана да игра фудбал повеќе од една година.

А, воедно, беше и легендарен, избиран на различни гласања за најдобар фудбалер на 20. век и на сите времиња …

Животот продолжува.

А и рекордите се менуваат.

Во 2017 година го напушти врвот на листата како најдобар стрелец во историјата на Наполи со 115 гола – најпрво рекордот му беше преземен од Словакот Марек Хамшик, а потоа и двајцата беа претекнати од Белгиецот Дрис Мертенс и Италијанецот Лоренцо Инсиње.

Во 2018 година, неговиот рекорд како капитен на светските првенства беше соборен – Мексиканецот Рафаел Маркез ја предводеше својата репрезентација со капитенската лента на 17 мундијалски натпревари, еден натпревар повеќе од него. Конечно се појави нов рекордер во 2022 година – Лионел Меси дојде до бројката од 19 капитенски настапи за Аргентина на светските првенства.

Во 2020 година Марадона го загуби животот … Но неговата слава и популарност се вечни … Тој беше некој кој со своето однесување успеваше секогаш да биде во центарот на вниманието …

Тој беше само Диего Армандо Марадона!

(Расим Мовс) /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Новата снимка од Мараја Кери предизвика загриженост, фановите коментираат

Снимка од Мараја Кери во Бразил предизвика загриженост кај нејзините обожаватели.

Новата снимка од Мараја Кери предизвика загриженост, фановите коментираат

На социјалните мрежи, луѓето почнаа да се прашуваат дали сè е во ред со 57-годишната пејачка, откако видео од нејзино јавно појавување покажа дека таа се движи малку нестабилно додека излегува од автомобил.

За време на престојот во Бразил, пејачката делеше автограми и се фотографираше со фановите кои се собраа да ја поздрават, држејќи транспаренти. Иако изгледаше добро расположена, некои гледачи забележаа дека ѝ треперат рацете и дека чекори несигурно. Снимката беше објавена на „TikTok“.

Фановите се прашуваат дали сè е во ред

„Дали треба да се грижиме?“ – праша еден корисник на „TikTok“. „Изгледа како да чувствува болка“, напиша друг, додека трет ѝ посака добро здравје на пејачката: „Се молам за неа и ѝ испраќам убави желби на нашата Божиќна кралица“.

Сепак, не сите ја протолкуваа оваа ситуација како причина за загриженост. Некои укажаа на конкретните услови во кои се движеше пејачката: врнеше дожд, теренот беше закосен, а Кери носеше високи потпетици.

„Како прво, врне дожд. Второ, теренот е закосен. Трето, таа носи високи потпетици. Четврто, не сака да падне“, напиша еден корисник. На снимката се гледа и како нејзиниот асистент ја држи околу половината додека таа поминува покрај фановите. Засега нема информации кои укажуваат на тоа дека Мараја Кери има некакви здравствени проблеми, а самата снимка не е доволна за да се донесе таков заклучок.

Тагови: Мараја Кери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ и големиот прекин – што навистина се случи?

Услугите на „Microsoft“ конечно работат правилно по повеќе од 24 часа –што навистина тргна наопаку?

„Microsoft“ и големиот прекин – што навистина се случи?

„Microsoft“ го реши големиот проблем што предизвика повеќе од 24 часа застој на „Microsoft 365“, тоа предизвика сериозни прекини во работењето на бизнисите и владините агенции низ целиот свет.

Проблемите започнаа на 12 ноември околу 17:17 часот по средноевропско време, кога услугата „Exchange Online“ падна. Малку повеќе од два часа подоцна, проблемите се проширија на остатокот од платформата „Microsoft 365“.

Што го предизвика тоа?

„Microsoft“ првично се сомневаше дека невообичаено големиот сообраќај е причина за проблемите. Сепак, последователната истрага покажа дека неколку серверски системи неочекувано престанаа да работат, оставајќи ги преостанатите сервери неспособни да се справат со зголеменото оптоварување.

Обидите за рестартирање на серверите беа неуспешни, бидејќи тие повторно престанаа да реагираат откако се врати сообраќајот. Компанијата на крајот утврди дека проблемот е поврзан со претходно надградување на капацитетот на мрежата, предизвикано од последователна промена во мрежната инфраструктура.

Потоа инженерите применија поправка на компонента одговорна за автентикација и насочување на сообраќајот. Обновувањето беше спроведено постепено, со обработка на заостанати е-пораки.

„Microsoft“ нагласи дека нема докази за злонамерна активност и дека вештачката интелигенција не е причина за проблемот.

Кој беше засегнат?

Покрај „Outlook“ и „Exchange Online“, прекините влијаеја на календарите на „Teams“, закажувањето состаноци, „Copilot“, „SharePoint“ и „Intune“. Некои функции продолжија да работат за време на прекинот.

Влијанието се почувствува надвор од технолошкиот сектор. Националната здравствена служба на Велика Британија (NHS) мораше да се потпре на алтернативни системи, додека индиските авиокомпании „Air India“, „IndiGo“ и „Akasa Air“ пријавија проблеми со поддршката за е-пошта.

Проблемите влијаеја и на финансиските институции. Една тајванска компанија дури мораше да користи факс за да ги потврди трансакциите со акции.

Според „Downdetector“, имало повеќе од 7,4 милиони пријави за проблеми низ целиот свет. Сепак, овој број не го претставува вкупниот број на индивидуални корисници погодени од прекинот.

Извор: Б92

Тагови: Microsoft

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција на нозе: 200.000 луѓе на улиците

Француската полиција уапси 121 лице за време на протестите одржани низ целата земја, објави француското Министерство за внатрешни работи.

Франција на нозе: 200.000 луѓе на улиците

Според Министерството, околу 106.000 луѓе учествувале во демонстрациите, додека синдикатите проценуваат дека околу 200.000 граѓани се собрале на улиците.

22 лица се приведени во Париз, вклучувајќи тројца малолетници. Апсењата се главно за носење оружје од категорија Д, навреди и кршење на забраните за посетување одредени места или учество во демонстрации, објавува „BFMTV“.

Според полициските податоци, околу 24.000 луѓе протестираа во француската престолнина, додека младинските синдикати проценуваат дека на улиците имало близу 100.000 демонстранти.

Низ цела Франција се одржаа повеќе од 60 протестни собири. Во Париз истовремено се одржаа три одделни демонстрации - против предлог-закон за претпоставка за легална употреба на оружје од страна на безбедносните сили, меѓународен марш против насилството врз децата и протест на движењето „Жолти елеци“ против зголемувањето на трошоците за живот.

Тензии беа пријавени во Париз, Бордо, Нант, Лион и Руан. На Плоштадот на нацијата во Париз, полицијата употреби солзавец за да ја растера толпата, што предизвика први знаци на паника кај демонстрантите.

Во Нант, полицијата употреби водени топови, додека во Бордо беа пријавени судири за време на кои некои демонстранти фрлаа предмети кон полицијата.

Во Тулуз, според организаторите, протестираа 6.000 луѓе, додека полицијата соопшти дека имало 1.800. Собирот помина без инциденти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер