Три години од масовното убиство во „Рибникар“ – убиецот е во институција, судскиот процес за родителите се уште трае - Канал 5

Балкан

Три години од масовното убиство во „Рибникар“ – убиецот е во институција, судскиот процес за родителите се уште трае

Србија одбележува три години од една од најголемите трагедии – масакрот во белградското основно училиште Владислав Рибникар..

Три години од масовното убиство во „Рибникар“ – убиецот е во институција, судскиот процес за родителите се уште трае

8:41ч, 3ти мај, на час по историја, наместо лекиција, се слушнаа првите истрели кои одзедоа девет детски животи, завија семејства во црно, а го ужаснаа и потресоа целиот регион – Србија одбележува три години од една од најголемите трагедии – масакрот во белградското основно училиште Владислав Рибникар.

Денеска, детскиот џагор на местото на злосторството е заменет со тишина и чекори на родителите и оние кои доаѓаат со свежо цвеќе во раката да одадат почит и да запалат свеќа, додека ги галат фотографиите на жртвите кои свирепо беа убиени од соученикот Коста Кецмановиќ.

Секогаш ќе паметат каде биле кога ја слушнале веста, велат граѓаните на соседна Србија, како се молеле да не е нешто страшно, без да помислат дека се случило најстрашното – нешто за што и денеска се со неверување дека можело да се случи. Дневните обврски на моменти го одвлекуваат вниманието, но пред спиење и по будење, кошмарот засекогаш ќе остане, вели таткото на Ангелина Аќимовиќ, која по 12 дена борба, подлегна на прострелната рана.

-Навистина, поради некои секојдневни обврски и активности, таа фокусираност на дневни обврски прави да привремено заборавите, но и понатаму, особено навечер или кога ќе се разбудам порано, тогаш тие мисли се секогаш, постојано, тој филм кој ми се создаде, како се случи тоа, што се случи во училницата, дали таа можела да избегне. Таа зеде една тетратка, А4 и се спуштила пониско под клупата и ја ставила на глава таа тетратка како да тоа ќе ја заштити, рефлекс. Секогаш ми е таа слика во глава и навистина верувам дека тоа никогаш нема да избледи,- Анѓелко Аќимовиќ – Родител на Ангелина Аќимовиќ .

Тој злосторник е монструм без никаква емоција и е таму каде што треба да биде, со надеж дека ќе остане засекогаш, вели родителот за Коста Кецмановиќ, според кого, убиецот повторно би посегнал по животи ако биде на слобода. Аќимовиќ прочита и посвета за последниот ден на ќерката Ангелина, од нејзиното подготвување за во училиште, до прашањата кои никогаш нема да добијат одговор.

-Не можев ниту во сон да помислам дека за 10 минути ќе ја доживее најголемата неправда на овој свет, нејзиниот живот и на нејзините другари во училиштето ќе бидат свирепо прекинати, како и сите нејзини соништа и надежи, ех, да знаев, па цврсто да ја гушнев и да не ја пуштав во училиште тој ден. Дали така требало да биде, барањето на одговорот ќе биде дел од животниот пат кој остана да го поминеме,- Анѓелко Аќимовиќ – Родител на Ангелина Аќимовиќ.

Одбележувањето на трагедијата ќе биде денеска и утре, со целодневна програма, а утринава свежо цвеќе положија и бројни граѓани, високи функционери, како и владина делегација предводена од Премиерот Мацун.

Убиецот Кецнамановиќ на овој ден пред три години, со оружјето на неговиот татко одзеде 10 животи – меѓу кои беа 9 деца помеѓу 11 и 14 години, како и на обезбедувачот во училиштето – попатно повреди уште пет деца и наставничката по историја и остави траума за илјадници.

Тој во моментов е во специјализирана психијатриска болница и е под постојан надзор и мерки за безбедност, а каење, и по три години, во испитувањата и сведочењата каење нема покажано, според српските власти.

Тагови: Рибникар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Македонскиот филм „Нема да ви се верува што се случи претходно“ ќе ја отвори својата фестивалска приказна со светска премиера во Олденбург

Значаен меѓународен старт за македонскиот филм „Нема да ви се верува што се случи претходно“ дебитантско остварување на режисерот Срѓан Јаниќијевиќ.

Македонскиот филм „Нема да ви се верува што се случи претходно“ ќе ја отвори својата фестивалска приказна со светска премиера во Олденбург

Значаен меѓународен старт за македонскиот филм „Нема да ви се верува што се случи претходно“ дебитантско остварување на режисерот Срѓан Јаниќијевиќ, кој ќе ја има својата светска премиера во официјалната конкуренција на Меѓународниот филмски фестивал во Олденбург.

Од фестивалот официјално потврдија дека филмот, кој меѓународно ќе биде претставен под насловот „You Won’t Believe What Happened Before“, е избран во официјалната конкуренција и ќе се натпреварува за фестивалските награди. Фестивалот ќе се одржи од 16 до 20 септември 2026 година и повеќе од три децении претставува една од најзначајните европски платформи за независна кинематографија. Во меѓународните филмски кругови е познат како „Европскиот Санденс“, додека The Hollywood Reporter го опишува како водечки германски фестивал на независниот филм и едно од задолжителните места на европската фестивалска сцена.

„Нема да ви се верува што се случи претходно“ е политички трилер со елементи на црна комедија, во чиј фокус се борбата за вистината, слободата на новинарството и обидот да се зачуваат личниот и професионалниот интегритет во општество во кое политиката, криминалот и медиумите се длабоко испреплетени. Приказната следи двајца новинари вовлечени во свет на корупција, злоупотреба на моќта, политичка хипокризија и скандали, во кој секој обид да се открие вистината носи нови морални дилеми и лични последици.

Идејата за филмот е на Срѓан Јаниќијевиќ, а сценариото го потпишуваат Сашо Кокаланов и Дејан Дуковски. Главните улоги ги толкуваат Никола Ристановски и Дарја Ризова, а во актерската екипа се и Сашко Коцев, Сара Сандева и Оливер Митковски. Директор на фотографија е Дејан Димески.

Филмот е финансиран од Агенцијата за филм на Република Македонија. Извршен продуцент е Сашо Пешев, а реализиран е во продукција на „Ново македонско видео“ и „Њу момент“.

Според режисерот Јаниќијевиќ, едно од централните прашања што ги отвора филмот е колку е можно човек да остане „чист“ во средина во која вистината постојано се приспособува на интересите на моќниците. Сценаристот Сашо Кокаланов нагласува дека филмот не претендира да биде целосна слика на македонското новинарство, туку преку конкретна приказна отвора пошироки прашања за медиумите, политиката и општеството.

Изборот во официјалната конкуренција на Олденбург му овозможува на филмот своето меѓународно патување да го започне на фестивал препознатлив по поддршката на бескомпромисни авторски гласови, независни продукции и дебитантски остварувања.

Главната фестивалска награда, German Independence Award – Best Film, се доделува на најдоброто независно долгометражно остварување, а фестивалот доделува и признанија за режисерска храброст, оригиналност, дебитантски филм и актерски остварувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Девојката на Винисиус

Под една од објавите на Вирџинија Фонсека на Инстаграм, посветена на нејзиниот одмор, фудбалерот остави кратка, но јасна порака: „Те сакам“.

Фото: Девојката на Винисиус

Бразилската инфлуенсерка Вирџинија Фонсека повторно го освои срцето на ѕвездата на Реал Мадрид, Винисиус.

Вирџинија Фонсека е една од најпопуларните бразилски инфлуенсерки и има околу 56 милиони следбеници само на Инстаграм.

Се чини дека Винисиус Жуниор и бразилската инфлуенсерка Вирџинија Фонсека повеќе не сакаат да ја кријат својата врска.

По разделбата во мај оваа година, љубовта меѓу ѕвездата на Реал Мадрид и една од најпознатите инфлуенсерки во Бразил повторно се разгоре.

Според бразилските медиуми, за нивното помирување придонело раното испаѓање на бразилската репрезентација од Светското првенство во 2026 година, уште во осминафиналето.

Со месеци на социјалните мрежи кружат фотографии и гласини дека тие повторно се заедно, а сега Винисиус практично стави крај на сите шпекулации.

Под една од објавите на Вирџинија Фонсека на Инстаграм, посветена на нејзиниот одмор, фудбалерот на Реал остави кратка, но јасна порака: „Те сакам“.

Двојката раскина во мај 2026 година, непосредно пред почетокот на Светското првенство, но за време на самиот турнир, повторно се појавија гласини за нивно помирување.

Дополнителни сомнежи поттикна Вирџинија кога на Инстаграм објави фотографија од букет рози и обетки изработени од омилениот дизајнер на фудбалерите на Реал Мадрид, а Винисиус на објавата реагираше со неколку емотикони во форма на срце.

Тагови: Винисиус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Општина Струмица ги повикува граѓаните да ги пријават штетите од невремето

Општина Струмица ги повикува граѓаните да ги пријават штетите од невремето за да се обезбеди соодветна поддршка во соработка со Владата, СДС да не ликува на временските непогоди.

ВМРО-ДПМНЕ: Општина Струмица ги повикува граѓаните да ги пријават штетите од невремето

СООПШТЕНИЕ, РЕАКЦИЈА НА СДС

Денеска заедно со министерот за земјоделство, шумарство и водостопанство, Борче Серафимовски, бевме во струмичко Дабиле, за да добиеме информации директно од терен за штетите предизвикани од невремето проследено со силен дожд и ветер, кое вчера го зафати нашиот регион.

Разговаравме со земјоделците, а освен директно погодените земјоделски површини, извршив увид и на патна инфраструктура која истотака беше зафатена од невремето. Благодарение на брзата реакција и интервенција на надлежните служби, предизвиканите штети на патните правци и јавната инфраструктура беа навремено санирани.

Ги повикувам сите граѓани кои претрпеле штети да ги пријават до надлежните служби во Општина Струмица, за да можеме навремено да реагираме, комисиите да излезат на терен и да се изврши проценка на состојбата, со цел обезбедување соодветна поддршка.

Центар за комуникации на ВМРО-ДПМНЕ

Тагови: ВМРО ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер