Поминаа дури 26 години откако таа се појави во филмот „Стриптиз“, а неодамнешните фотографии во бикини се доказ дека Деми му пркоси на времето. Убавата актерка викендов уживаше на брод, а обожавателите ги воодушеви со фотографија во розово минијатурно бикини во кое изгледа прекрасно!
– Впивајќи го летото – напишала актерката во описот на фотографијата.
Објавата веднаш доби повеќе од 100.000 „лајкови“ и илјадници коментари со пофалба на нејзиниот младешки изглед, виткото тело и живиот дух.
Актерката неодамна за магазинот „Пипл“ изјави:
– Во мојот случај годините не се дефинираат со бројка, туку со животно искуство.
Деми признава оти ѝ е тешко да сфати дека многумина ја сметаат за секс симбол на прагот на 7-мата деценија.
- Кога ќе слушнам дека сè уште ме ословуваат како секс симбол, се чувствувам малку лудо. Малку сум поласкана, тоа не личи на мене, но ми се допаѓа. За мене, поимот икона отсекогаш означувал некој кој оставил трага и обележал нешто што ги покренало или инспирирало луѓето, или тоа имало позитивно влијание. И во тој поглед се чувствувам навистина горда што сум ставена во категорија што би била поврзана со тоа“, изјави Деми.
Професионалниот готвач Даниел Хум, кој е 13 години помлад од Деми, е одговорен за нејзината блескава насмевка која говори повеќе од 1.000 збора. Ова не е невообичаено за актерката бидејќи беше во брак со актерот Ештон Качер, кој е 15 години помлад од неа.
Потсетуваме дека Деми Мур и Брус Вилис беа во брак од 1987 г. до 2000 г. Од овој брак тие ги имаат ќерките Румер, Скаут и Талула. Актерката пред бракот со Брус Вилис зад себе имаше уште еден брак.