Свет

Трета жртва од коронавирусот во Италија , градовите во карантин, продавниците празни

Коронавирус е откриен во кон средината на неделата во Италија, а денес веќе има над  150 луѓе кои се заразени.

Според последните информации, заразени се 152 лица. Ова ја направи Италија трета земја во светот.

Досега, три лица починале од вирусот.

Третата жртва почина денес, жена која била болна од карцином. Таа веќе била во лоша здравствена состојба, а се заразила и со коронавирус.

Една од главните непознати е кој е нултиот пациент за ширењето на вирусот. Поточно, лицето кое за прв пат се разболело и заразило многу мина е 38-годишник кој е на интензивна нега.

Тој ја зарази својата бремена сопруга и пријателите.

За него се верува дека го добил вирусот од пријател кој бил во Кина со кого вечерал пред неколку недели. Тој пријател кога се вратил во Италија, бил тестиран и било откриено дека нема коронавирус.

Затоа, сега се истражува дали е можно тој да бил болен без симптоми, или дека бил пример за асимптоматско ширење на вирусот.

Од 152 заразени, 25 се на интензивна нега. Во меѓувреме, се очекува бројот на пациенти да продолжи да се зголемува бидејќи постојано се вршат тестови.

Во Ломбардија, Венето, Емилија-Ромања и Пиемонте, училиштата и факултетите се затворени до 1 март. Нема часови, а пабовите, дискотеките и кафулињата се затвораат во 18 часот . После тоа, нема да им биде дозволено да им служат на гостите, рече гувернерот Џулио Галера.

Во меѓувреме, според ТГком, блокирани се патиштата во Лодиџиано.

Ќе бидат оградени како црвена зона од која никој нема да смее да влегува или да замине во наредните две недели.

Оние кои се обидат да излезат ќе се соочат со судско гонење. Во исто време, од Италија пристигнуваат фотографии од празни полици во продавниците и луѓе со маски кои чекаат во ред за да купат намирници.

Италијанскиот премиер Конте рече дека тие веќе направиле 4.000 тестови за коронавирус. Тој додаде дека Италија решила да оди со поригорозни мерки и максимална претпазливост.

Конте рече дека излегува дека Италија сега е најинфицирана земја во ЕУ, но дека може да бидат и некои други земји доколку се направат поригорозни тестирања.

Сепак, тој додаде дека е изненаден од експлозијата на бројот на случаи. „Ние сè уште мора да бидеме внимателни“, заклучи тој.

Живот

Маж прави акробации со бебе - сите се шокирани: Ти требаат часови по родителство (ВИДЕО)

На социјалните мрежи кружи видео на кое маж, наводно таткото, прави „акробации“ со бебе, држејќи го за нозе и раце.

Бројни корисници на Инстаграм и Твитер жестоко ја критикуваа сцената, а лекарите предупредија на можни последици, пишува Daily Mail.

Во видеото кое трае 35 секунди, го гледаме мажот како го ниша бебето напред-назад, над главата и меѓу нозете, а луѓето истакнаа дека тоа претставува „опасност не само за неговите зглобови, туку и за мозокот“.

Видеото е придружено со порака „врска меѓу татко и дете“, но многу корисници беа вознемирени од сцената, што е јасно од нивните коментари.

Д-р Стјуарт Фишер, лекар по интерна медицина и поранешен педијатар во одделот за итни случаи, исто така реагира:

„Мислам дека е морално и легално да се направи КАТ скен или МРИ, што можеби нема да покаже микроскопски повреди на мозокот.

Експертите предупредуваат дека овој тип на игра потенцијално може да доведе до синдром на потресено бебе, бидејќи мозокот на таа возраст е исклучително подложен на повреди.

Дополнително, кревањето на бебето за раце или нозе, без поддршка за грбот, може да доведе до исчашување на зглобовите.

Останува нејасно колку е старо бебето, но се верува дека има околу една година.

„Ова е ментална болест и каква, дали е важно? Ова може да се смета за кривично дело. Тој не разбира каква скапоцена дарба има. Му треба, во најмала рака, долготрајна инструкција и советување“, заклучи др. Стјуарт Фишер.

Корисниците го критикуваа и однесувањето на човекот, со илјадници коментари на мрежите.

„Ова не може да биде легално.Кутрото дете“, „Ти требаат часови за родителство. Ова е толку ужасно“, гласеа некои од пораките.

Од друга страна, поединци тврдат дека родителите така си играле со нив без да имаат никакви (здравствени) проблеми.

Се огласи на Твитер тренерот на познатиот УФЦ борец Конор Мек Грегор. Тој го сподели видеото и коментира:

„Каква глупост. Дури и да сфатите погрешно еднаш во 1.000 пати, тоа е трауматска повреда плус потрес на мозокот. Колку луѓе ќе го повторат ова за неколку лајкови и ќе го повредат своето дете? Можеби не требаше да споделам. Не правете го ова“, напиша Џон Кафеа.

Македонија

Комисија за здравство на ВМРО-ДПМНЕ: Не се откажуваат, МЗ турка реновирање на операциски сали

Не се откажуваат до последно, повторен обид на министерството за здравство да протурка реновирање на операциски сали и фаворизира одредени фирми

Министерството за здравство повторно ја објавува постапката за јавна набавка на проектирање и изведба на реконструкција и реновирање на операциски сали, нивни пред простории и ходници со машински соби во УКЦ Мајка Тереза - хируршки клиники по принципот „клуч на рака“.

Истата пред само месец и половина Државната комисија за жалби по јавни набавки ја поништи од причина што Министерството за здравство изготвило тендерската документација која не е во согласност со Законот за јавни набавки и истата доведува до дискриминација на економските оператори и ограничување на пазарната конкуренција.

Повторената постапка објавена е на ден 24.04.2024 година, неработен ден прогласен со одлука на Влада поради одржување на прв круг претседателски избори.

Во тендерската документација за економска способност на економските оператори се бара минимум 550.000.000 денари со ДДВ вкупен приход во последните три години за секоја година поединечно.

Ова е целосно неосновано.

Прво, затоа што во финансиските извештаи приходот се искажува без ДДВ (ДДВ-то е обврска на друштвото да го плати спрема државата).

Второ, зошто не е објавена проценетата вредност на набавката за да може да се утврди дали овој услов е согласно Законот за јавни набавки? (Според Законот за јавни набавки - Договорниот орган не смее да бара минималниот годишен приход да изнесува двојно повеќе од проценетата вредност на набавката), објави на фб Комисија за здравство на ВМРО-ДПМНЕ.

Македонија

Дафина Стојаноска: Мора да бидеме гласни, за да не станеме невидливи

Дафина Стојаноска синоќа на митинзите во Гостивар и Тетово порача:

Мора да почнеме поинаку да функционираме и да не молчиме пред неправдите. Мора да се обелоденуваат сите криминали и скандали. Мора да бидеме гласни, за да не станеме невидливи. Криминалот е тој кој треба да биде замолчен. Доста е!

На 8-ми мај народот доаѓа по своето, по она што Али и Груби му го одзедоа, по она што Заев, Таче и Стево му го продадоа. На 8 мај нема уценети и поткупени. Никој повеќе не им се плаши, ниту ги сака нивните гнасни пари. Сите до денар ќе му го вратат на народот, како што ќе му ја вратат и државата. Доста долго остана во нивно заложништво. Нема повеќе сила, ниту пара која ќе го сокрие криминалот на ДУИ и СДСМ. Време е за слобода и правда. Време е за нов Претседател на Република Македонија и за нова Влада.

Гласајте за професори а не за криминалци, се наведува во партиското соопштение.

притисни ентер