Трет пораз на Македонија на Евробаскетот , БиХ подобра од црвено жолтите со 62-54 - Канал 5

Кошарка

Трет пораз на Македонија на Евробаскетот , БиХ подобра од црвено жолтите со 62-54

Лошата игра во решавачката четврта четвртина беше клучна за третиот неуспех на нашата најдобар кошаркарска репрезентација на ЕП во Словенија .

Трет пораз на Македонија на Евробаскетот , БиХ подобра од црвено жолтите со 62-54
И покрај поразот се уште ги задржавме шансите за пласман во втората рунда , но за да се оствари тоа ќе треба да ни се наредат многу други резултати ,а ќе биде потребно и утре да ја совладаме Летонија со повеќе од 10 кошеви разлика.
Кошаркарите на Босна и Херцеговина уште од стартот на средбата најавија дека попладнево имаат само една цел да се победи Македонија во 4 коло од Групата Б.
Избраниците на Пипан по маестралната игра против Србија во претходното коло денеска потфрлија во директната пресметка со конкурентот за место во следната фаза.
Босанките репрезентативци на теренот во Јесенице изгледаа и се бореа како повеќе да ја посакуваат победата од нивниот ривал Македонија.
Одбраната и денеска беше на солидно ниво иако имавме проблем да го спречиме офанзивниот скок на плејмејкерот на Босна Рајт, но потфрливме во офанзивата , го немаше никаде нашето главно оружје шутото погодивме за 3 тројки од 25 обиди. тоа посебно беше забележливо во последните 5 минути (52-52) кога му дозволивме на противникот со серија од 10-2 да стигне до толку посакуваниот триумф. Македонија денеска немаше трет расположен кошаркар во тимот. Антиќ и Меккејлеб додека имаа сила ја одржувавме резултатската неизвесност , дури последната делница ја отворивме со предност од 45-41 која не успеавме да ја зачуваме.
Денеска многу ни недостасуваа поените на браќата Стојановски , Гечевски, и Самарџиски кои делуваа како се уште да не се одморени од исцрпувачкиот дуел со Србија
Нашите кошаркари беа подобар противник во скоро 35 минути од средбата ,но на крајот потклекнаа и го претрпеа третиот пораз. Главни виновници за тоа се изненадувачки одличната колективна игра на Босна , и убиствените шутери Телетовиќ и Џедовиќ.
Најдобриот босански кошаркар Телетовиќ мечот го заврши со 22 поени, (4 погодни тројки), Џедовиќ реализираше 20 поени со 100% процентен шут за тројка 2/2 . За одбележување е секако и неверојатниот бек на БиХ Рајт кој со своите 185 сантиметри имаше неверојатни 15 скока , пет офанзивни.
Во нашиот национален тим Мекјелеб постигна 19 ,а капитенот Антиќ застана на 17 поени.
Но , сега ни се потребни ладни глави и добар одмор мораме итно да го заборавиме денешниот пораз од Би Х , бидејќи се уште имаме шанси за пласман во вториот круг, утре од 14 часот и 30 минути играме со Летонија и потребна ни е убедлива победа од повеќе од десетина коша. Покрај тоа ќе мора денеска и утре да навиваме и за Србија и Литванија за да ги победат нивните ривали и да ни помогнат да се пласираме во посакуваната втора фаза.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ерик Трамп објави фотографија од својот татко, луѓето мислат дека е вештачка интелигенција

Објава од Ерик Трамп на Инстаграм, која требаше да прикаже семеен момент од неговиот татко Доналд Трамп со неговите внуци, предизвика бројни реакции поради необичен детаљ.

Ерик Трамп објави фотографија од својот татко, луѓето мислат дека е вештачка интелигенција

Корисниците на социјалните мрежи веруваат дека фотографијата е дигитално изменета, а некои од нив се сомневаат дека е создадена со помош на вештачка интелигенција.

Ерик Трамп објави неколку фотографии од турнирот „LIV Golf“ што се одржа минатиот викенд во Националниот голф клуб Трамп во Бедминстер, Њу Џерси. Тој се појави на турнирот со своите деца, а на една од фотографиите Доналд Трамп е со две внучиња. Оваа конкретна фотографија стана предмет на дискусија на социјалните мрежи.

Вниманието го привлече стапалото видливо во позадина, кое не е јасно кому му припаѓа. Корисниците почнаа да споделуваат зголемени верзии на фотографијата на социјалните мрежи и предупредија на други можни неправилности, како што се чудни контури на мебел и деформации на лицата и телата на луѓето.

Сомнежи за автентичноста на фотографијата

Реакциите беа бројни. „Чија е таа нога?“ беше еден од коментарите на социјалната мрежа „X“, додека профилот „PatriotTakes“ праша: „Кој е избришан од фотографијата?“

Некои корисници веруваат дека станува збор за лошо уредување во Фотошоп. Други пак се сомневаат дека фотографијата е изменета со помош на алатки за вештачка интелигенција. Досега нема официјална потврда дали фотографијата е обработена, ниту пак имало независна проверка дали е креирана со помош на технологијата на вештачка интелигенција.

И уште една фотографија од Трамп под лупа

Во текот на истиот викенд, беше дискутирано и за друга фотографија од Доналд Трамп од голф теренот. Споредувајќи ја таа објава со други фотографии од настанот, некои корисници тврдеа дека изгледот на Трамп е дигитално изменет за да изгледа помлад, потенок и поелегантен.

Ерик Трамп не коментираше за деталите од семејната фотографија. Затоа, останува нејасно дали станува збор за дигитална обработка, употреба на вештачка интелигенција или само необичен агол на снимање.

Извор: Индекс.хр

Тагови: Доналд Трамп фотографија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Етна исфрла пепел и лава, аеродромот во Катанија е затворен

Илјадници туристи денес беа блокирани на Сицилија, бидејќи Етна продолжи да исфрла облаци од пепел по ерупцијата од минатата недела. Многу малку авиони успеаја да полетаат или слетат на најголемиот аеродром на островот во Катанија, јужно од Етна.

Етна исфрла пепел и лава, аеродромот во Катанија е затворен

Воздушниот сообраќај во Катанија е целосно прекинат до утре во 11 часот. Повеќе од 200 летови мораа да бидат пренасочени или откажани. Воздушниот сообраќај е во прекин петти ден во средината на туристичката сезона, а воздухопловните власти донесуваат одлуки за летовите со кратко известување. Аеродромот во Катанија моментално е под највисоко, црвено, ниво на тревога.

Патниците се обидуваат да се префрлат на аеродромот во Палермо. Се проценува дека околу 30.000 луѓе моментално се погодени. Многу туристи мораа да го продолжат својот престој на Сицилија, а сместувањето на островот е целосно резервирано. Некои спијат на аеродромот.

Италијанскиот актер Филипо Лагана објави на Инстаграм дека шатл-автобусот од Катанија до Палермо наплаќа 700 евра за патување од 200 километри. Возовите до Палермо, каде што е полесно да се фатат меѓународни летови, се преполни.

Етна исфрла пепел, камења и лава од петок

Најактивниот вулкан во Европа исфрла големи количини пепел и врели камења од петок. Според италијанскиот Национален институт за геофизика и вулканологија (INGV), густи лавински текови еруптираат од два отвори на надморска височина од 2.360 и 2.750 метри.

Нов отвор се отвори преку ноќ на надморска височина од околу 1.900 метри. Етна, која е висока повеќе од 3.300 метри, е внимателно следена поради нејзините чести ерупции.

Извор: Индекс.хр

Тагови: Етна Катанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

ОН предупредува: 2,4 милиони девојчиња во Авганистан немаат право на образование

Пет години откако Талибанците ја презедоа власта во Авганистан, околу 2,4 милиони девојчиња сè уште немаат пристап до средно образование.

ОН предупредува: 2,4 милиони девојчиња во Авганистан немаат право на образование

Обединетите нации го обновија својот повик за итно враќање на нивното право на образование, а УНЕСКО, агенцијата за образование на ОН, вели дека исклучувањето на жените и девојчињата од образовниот систем е сериозно кршење на нивните фундаментални права, објавува АП.

Хода Џаберијан, координаторка на УНЕСКО за образование во вонредни ситуации, го објасни обемот на проблемот на видеоконференција со новинарите. „Авганистан останува единствената земја во светот каде што на девојчињата и жените официјално им е забрането да посетуваат средно училиште и универзитет. Пет години не се само привремено прекинување на образованието, туку речиси целото средно училиште на едно дете“, рече таа денес.

„УНЕСКО продолжува да повикува на итно и безусловно враќање на правата на девојчињата и жените на средно и високо образование. Ова е непроменливо. Тоа е фундаментално човеково право и, повторуваме, нема замена за него“, нагласи Џаберијан.

Две децении напредок се превртени

Талибанците ја презедоа власта на 15 август 2021 година, за време на повлекувањето на силите на САД и НАТО по дваесет години војна. Тие брзо им забранија на девојчињата да одат во средни училишта, а потоа ги проширија ограничувањата на високото образование, вработувањето и другите сектори, речиси целосно исклучувајќи ги жените од јавниот живот. Тие ја задржаа оваа забрана и покрај апелите од ОН, хуманитарните организации и неколку исламски земји, објаснувајќи дека тоа е внатрешно прашање на државата.

Џабериан потсети дека овие ограничувања го превртеа две деценискиот напредок во образованието. Додека пристапот до образование за девојчињата беше исклучително ограничен во 2001 година, до 2021 година речиси еден милион девојчиња беа запишани во средни училишта. „Авганистан постигна огромен напредок во проширувањето на пристапот до образование за девојчињата. За жал, голем дел од тој напредок сега е целосно избришан“, рече таа.

Учење базирано во заедницата како алтернатива

И покрај ограничувањата, УНЕСКО продолжува да го поддржува образованието во Авганистан преку програми за писменост и развој на вештини што се спроведуваат во рамките на локалните заедници. Часовите често се одржуваат на јавни места или во домовите на наставниците. На терен работат повеќе од 1.000 наставници по писменост, од кои повеќето се обучени од УНЕСКО и неговите партнери.

„Додека се во сила ограничувањата, не смееме да ги напуштаме учениците во Авганистан. УНЕСКО работи со заедниците и нашите локални партнери за да го зачува секој можен пат кон учење“, рече Џабериан.

Извор: Индекс.хр

Тагови: Авганистан образование ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер