Тренираат атлетика на фудбалско игралиште, но носат медали од Светските олимписки игри - Канал 5

Живот

Тренираат атлетика на фудбалско игралиште, но носат медали од Светските олимписки игри

Тренираат атлетика на фудбалско игралиште, но носат медали од Светските олимписки игри за лица со попреченост

Тренираат атлетика на фудбалско игралиште, но носат медали од Светските олимписки игри

Иако атлетика тренира на фудбалско игралиште на лето и спортска сала во зима, Агрон Хајредини од Тетово стигна до златен медал во јуни на Светските олимписки игри за лица со попреченост кои беа во Берлин, Германија. Еден месец по успехот заедно со тренерот Ифраим Љута ги сретнавме како продолжуваат со тренирањето, пак на фудбалскиот терен кај Универзитетот во Тетово.

Тие се среќни што имаат каде да тренираат и помошта што ја добиваат од Универзитетот, но велат, замислете што би се направило кога би имале и атлетска патека во Тетово.

- Ова е стадион кој е со трева и не е рамен, а Агрон има телесен проблем на едната нога, па површината му создава дополнителна тешкотија. Фала на Господ што немаме проблеми досега но на овој терен секогаш е ризично да се тренира. Од друга страна, ова е единствен терен и ние сме благодарни што Универзитетот не остава тука да тренираме. За атлетиката треба атлетски стадион. Атлетска патека со сите стандарди за трчање ни треба. Градот не е мал, голем е интересот но поради условите децата полека и се откажуваат, зошто не можат да ги поднесат на вакви услови на тренинзите. Имаат други избори за некои други спортови, па се определуваат друго да тренираат, вели Ифраим Љута, атлетски тренер.

Тој заедно со тренерот Елмедин Мустафи преку Здружението „Активен живот“ - Тетово за права на лица со посебни потреби, цела година ги одржува атчасовите за спортување на лицата со посебни потреби и соработуваат со Специјална Олимпијада. Како во Берлин така и пред четири години во Абу Даби имаат освоени медали на Светските олимписки игри за лица со попреченост. Годинава Агрон освои медал во категорија скок во далечина од место, а се натпреваруваше и на трката на 50 метри.

- Во Берлин беше многу добро, јас се чувствувам најдобро кога спортува, за малку ќе успеев да земам и втор медал на трката на 50 метри. Златниот медал го освоив во мојата возрасна категорија каде што имаше 16 натпреварувачи од целиот свет. Ова беше добра прилика за нови познанства и пријателства со луѓе од целиот свет, изјави Агрон.

Секоја сабота на овој терен летово, а во другите месеци се работи во спорската сала на средното текстилно училиште.

- Во таа сала колку толку има некои минимални услови. Таму во зима повеќе се тренира, во лето нормално ни треба надвор го користиме овој терен и комбинираме. Реално не сме Сомалија, но секогаш кога ќе бидат подобри услови ќе имаме многу повеќе спортисти. Без услови помалку спортисти се вклучуваат. Ако има потреба подобри услови ќе биде квантитетот поголем. Локалната власт е задолжена бидејќи локалната власт живее од таксите од граѓаните и ако има тендери за да ги земаат паркинзите, тогаш ќе треба има тендери за да се одржуваат и да се градат спортски стадиони. Фактички мора да има некоја рамноправно владеење, да не бидат дискриминирани посебно младите, бидејќи без спорт ние не можеме да многу здраво општество. Тоа е докажано, со векови, цел свет гледаме колку е развиен спортот, обаснува Ифраим Љута.

Атлетскиот тренер освен Агрон ја предводеше и атлетичарката Јулијана Петровска од Скопје која исто така освои сребро во атлетската дисциплина скок во далечина од место. Македонскиот тим во Берлин освои пет медали, од кои едно злато, две сребра и две бронзи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Шок во Мадрид пред вечерашното Ел Класико- Мурињо остана без клучен играч

Реал Мадрид претрпе голем удар само неколку часа пред вечервашното Ел Класико против Барселона. 

Шок во Мадрид пред вечерашното Ел Класико- Мурињо остана без клучен играч

Мадридскиот клуб официјално објави дека Тибо Куртоа (34), нивниот прв голман и еден од најважните играчи, нема да игра во најголемото шпанско дерби. Причината е грипот, поради кој белгискиот репрезентативец се откажа од тимот во последен момент.

„Куртоа ќе го пропушти вечервашниот натпревар помеѓу Реал Мадрид и Барселона во 10-то коло од првенството поради грип. Илиа Волошин ќе го замени во тимот“, објави Реал Мадрид на својата официјална веб-страница.

Тоа е голем проблем за тренерот Жозе Мурињо, кој е без еден од своите најсигурни играчи пред еден од најважните натпревари во сезоната. Куртоа е стандарден прв голман за Реал, а неговиот квалитет и искуство доаѓаат до израз особено во најголемите натпревари.

Мурињо мора да ги промени плановите во последен момент

Се очекува Куртоа да биде заменет од украинскиот репрезентативец Андриј Лунин (27). Тој веќе покажа дека може успешно да го замени Белгиецот, особено во сезоната 2023/24, кога одигра важна улога во освојувањето на шпанското првенство и Лигата на шампионите од страна на Реал.

Сепак, отсуството на Куртоа е сериозен хендикеп за Мадрид. Белгиецот е еден од најдобрите голмани во светот со години, а пред натпреварот против Барселона, неговата способност да се брани и да го држи тимот во игра е особено важна.

Реал влегува во дербито шест бода зад лидерот Барселона, кој досега ги доби сите девет лигашки натпревари. Тимот на Ханси Флик би ја зголемил предноста на девет бода со победа, додека Реал би ја намалил разликата на само три бода со евентуална прослава.

Ел Класико ќе се игра вечерва од 21:00 часот на Камп Ноу.

Тагови: Жозе Мурињо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Раде Шербеџија се јави од Бродвеј со порака до гласачите во Србија (ВИДЕО)

Актерот Раде Шербеџија ги поддржа студентите во Србија и ги повика граѓаните да гласаат. 

Раде Шербеџија се јави од Бродвеј со порака до гласачите во Србија (ВИДЕО)

Тој го објави ова со видео од Њујорк што го објави на Фејсбук, придружувајќи им се на бројни познати личности кои јавно го поддржаа студентското движење.

Шербеџија се јави од Бродвеј во раните утрински часови и коментираше за големиот интерес за изборите кај луѓето од овие области кои живеат во САД.

„Млади, стари, со насмевка на лицето“

„Рано е утро во Њујорк, јас сум на Бродвеј. Сонцето изгрева. Синоќа имаше многу од нашиот свет тука, низ цела Америка - Лос Анџелес, Чикаго, Њујорк. Млади, стари, со насмевка на лицето, самоуверени и одлучни, и токму така“, рече Шербеџија.

На крајот од видеото, тој ги повика граѓаните да излезат на гласачките места. „Ако сè уште не сте, излезете и гласајте. Студентите победуваат!“, рече тој.

Висока излезност на изборите во Србија

Да ве потсетиме дека денес во Србија се одржуваат предвремени парламентарни избори, кои претставуваат важен политички тест за владата на Александар Вучиќ. Политичката опција што произлезе од студентските протести што започнаа по падот на балдахинот на железничката станица во Нови Сад во ноември 2024 година, кога загинаа 16 лица, учествува на изборите.

Според податоците за излезноста до 16 часот, 56,6 процент од гласачите излегле на гласање, значително повеќе отколку во исто време на неколку претходни избори.

Голем интерес за гласање е забележан и кај српските граѓани во странство. Стотици луѓе се собраа преку ноќ во Њујорк, долги редици се формираа во Лос Анџелес, а некои гласачи во Азија и Австралија патуваа илјадници километри за да го дадат својот глас.

Тагови: Раде Шербеџија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Избори во Бразил: Болсонаро испрати остра порака од гласачкото место

Бразилскиот претседателски кандидат Флавио Болсонаро, откако гласаше во вториот круг од претседателските избори на гласачко место во Рио де Жанеиро, изјави дека „дојде време за промени“.

Избори во Бразил: Болсонаро испрати остра порака од гласачкото место

„Дојде време за вистински промени. Бразил не може да издржи уште четири години на својот сегашен пат“, рече Болсонаро, објави „Глобо“.

Синот на поранешниот бразилски претседател Жаир Болсонаро беше придружуван од неговата сопруга Фернанда Антунес Болсонаро.

Болсонаро и сегашниот бразилски претседател Луиз Инасио Лула да Силва, левичар, се натпреваруваат во вториот круг.

Тие имаат спротивставени идеолошки ставови за односите меѓу САД и Бразил, климатските промени, социјалната заштита и други прашања.

Победата на Болсонаро би означила поместување кон десно за најнаселената земја во Латинска Америка и нејзината најголема економија.

Избирачките места се отворија во 8 часот наутро и ќе се затворат во 17 часот по бразилско време.

Во првиот круг, Болсонаро освои 2,2 милиони гласови повеќе од Лула.

Во Бразил, гласањето е целосно електронско, што значи дека гласовите се бројат побрзо отколку во другите земји.

Тагови: Болсонаро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер