Кошарка

Тренерот на Бостон е суспендиран на цела сезона поради „непристоен интимен однос“

Актуелниот НБА вицешампион Бостон Селтикс го суспендираше својот тренер Име Удока (45) за целата сезона 2022/2023. поради „прекршување на клупската политика“.

Удока имал „несоодветна интимна врска“ со член на персоналот на клубот, што е спротивно на кодексот на однесување на клубот иако врската била меѓусебно консензуална. Селтикс додадоа дека иднината на Удока во клубот по следната сезона ќе биде решена подоцна. Улогата на прв тренер ќе ја преземе помошникот на Удока, Џо Мазула.

„Им се извинувам на играчите, навивачите и на целата организација на Селтикс, како и на моето семејство што ги изневерив. Жал ми е што го доведов тимот во ваква тешка ситуација и ја прифаќам одлуката на клубот“, објави Удока.

По просечната играчка кариера, Удока најпрвин работеше како помошник тренер во Сан Антонио, Филаделфија и Бруклин, додека минатата сезона беше негова прва сезона како прв тренер на Бостон. Тој направи одлична работа таа прва година и го предводеше Бостон до големото финале, во кое Селтикси водеа со 2:1 против Голден Стејт, но потоа ја загубија битката за прстенот во НБА, откако три натпревари по ред ги добија играчите на Голден Стејт.

Свет

Украина соопшти дека во руските напади во областа Днепропетровск загинале најмалку осум лица

Во големиот руски ракетен напад врз централниот дел на регионот Днепропетровск загинаа најмалку осум лица, 21 лице се повредени и оштетена е инфраструктурата, соопштија утринава локалните власти.

Украинскиот претседател Володимир Зеленски рече дека во нападот се оштетени неколку ката од станбена зграда и железничка станица во регионалната престолнина Днепар, уште еднаш повикувајќи на дополнителни средства за противвоздушна одбрана.

„Русија мора да биде одговорна за својот терор и секој проектил, секој Шахед мора да биде соборен. Светот може да го гарантира тоа, а нашите партнери ги имаат потребните способности, рече Зеленски.

Украинските железници во државна сопственост соопштија дека рускиот напад намерно била насочен кон нејзината инфраструктура во регионот, при што биле повредени работници. Компанијата ја затвори својата станица во Днепар и ги пренасочи возовите што требаше да поминуваат низ градот. /МИА

Живот

„Најубава станбена зграда во светот“ се наоѓа во Хрватска

На наградите за архитектура „Биг си“ (Big See), зграда во Кутина, Хрватска, го доби престижното признание „Најубава станбена зграда во светот“ - од сите регистрирани во 2024 година.

Објектот е изграден во 2021 година, а вкупната негова квадратура е 1.969 квадратни метри. Главен белег на поголемите апартмани се кујните на предната страна, коишто може да се користат како трпезарии. Становите се прилично светли и имаат нетипично богат просторен стандард за современото домување, се наведува во описот.

Приземјето е малку повисоко од станбените катови и е целосно застаклено, поделено со врати, што му дава достоинство на јавен простор. На истото приземје, има и пекара и кафуле споени едно до друго.

Фото: БИГ СИ

Свет

Во Баварија уапсени двајца руски шпиони

Федералните обвинители уапсија вчера двајца осомничени руски шпиони во Баварија под сомнение дека шпионирале и планирале напади врз воени цели за да ја поткопаат поддршката за Украина, пишува денеска „Еурактив“.

Двајцата мажи се осомничени дека работеле за странска разузнавачка служба во „особено тежок случај“, соопшти обвинителството. Едниот е обвинет и за планирање на напади, пред се против воена инфраструктура и индустриски капацитети во Германија.

- Нашите безбедносни власти спречија можни експлозивни напади за да ја поткопаат нашата воена помош за Украина. Ова е сериозен случај на сомнителна активност на агент на криминалниот режим на Путин, изјави за новинарите министерката за внатрешни работи Ненси Фезер.

Според обвинителството, главниот обвинет бил во контакт со лице поврзано со руската тајна служба од октомври 2023 година.

Двајцата мажи, исто така, се вели дека извидувале неколку потенцијални цели, вклучително и американски бази, каде што собирале информации поврзани со нападот. /МИА