Трендафилов чекаше во ССМ, од владата не знаат кого чекал – средба Мицкоски-УПОЗ закажана за в четврток - Канал 5

Македонија

Трендафилов чекаше во ССМ, од владата не знаат кого чекал – средба Мицкоски-УПОЗ закажана за в четврток

ССМ утре на состанок ќе одлучи кога ќе го одржи следниот протест и најавените блокади на пратениците, откако денеска информираа дека претставник од Владата не дошол во Работничкиот дом да ја потпише спогодбата за минимална плата од 600 евра.

Трендафилов чекаше во ССМ, од владата не знаат кого чекал – средба Мицкоски-УПОЗ закажана за в четврток

ССМ утре на состанок ќе одлучи кога ќе го одржи следниот протест и најавените блокади на пратениците, откако денеска информираа дека претставник од Владата не дошол во Работничкиот дом да ја потпише спогодбата за минимална плата од 600 евра и зголемување на останатите плати за 100 евра. Претседателот на ССМ, Слободан Трендафилов, најави дека доколку и по блокадите нема слух за барањата, ќе следуваат блокади на министрите во Владата и генерален штрајк до крајот на месецот. Како крајна мерка, синдикатот ќе собира 10.000 потписи за да стане овластен предлагач и да поднесе иницијатива за намалување на платите на пратениците за 80%.

-Паднаа маските, пропаднаа лагите кои ги истакнуваа изминатиот период и како ССМ им укажуваме на работниците дека нема оваа Влада приоритет да се зголемат платите. Ќе одлучиме во колку часот и кој ден ќе ги оневозможиме, односно ќе ги блокираме пратениците да дојдат на работа со возила, патем да наплатат патни трошоци.. Не се исклучува можност ниту протест, односно блокада на Владата кога ќе се одржува седница за да и министрите поминат покрај работниците,- вели Слободан Трендафилов – претседател на ССМ .

Од Владата изјавата на Трендафилов ја оценија како лажен наратив и обид за создавање на лажна слика за социјалниот дијалог. Од таму соопштија дека веќе во четворток е закажана средба со претставници на синдикатот на УПОЗ.

-Не знаеме кого Трендафилов чекал, сместувајќи се во празна сала, но едно е кристално јасно, социјалниот дијалог за нас е сериозна и одговорна државна политика, а не средство за политички театар и парадерство пред камери. Јавноста треба да знае дека средбата на премиерот Мицкоски со претставници на синдикатот УПОЗ е закажана. – Влада на РМ.

На средбата за три дена синдикатот и премиерот треба да се договорат за потпишување на нов колективен договор, со кој околу 7,800 државни службеници ќе добијат зголемување на платата од 40%, во период од две години. Од УПОЗ велат дека ќе биде прифатена секоја понуда која е поволна за службениците , но додаваат дека ги подржуваат и сите наредни чекори на ССМ за создавање подобри услови за живот за сите останати работници во државата.

-Доколку во таа понуда има одредби кои не се добри за работниците, односно треба работниците да се откажат од од веќе стекнато право, таква понуда нема да се прифати од наша страна. Од барањето за 600 е не се отстапува, тоа е барање за сите работници во државата,- Трпе Дејановски – УПОЗ.

Во меѓувреме, минималната плата во Словенија порасна на 1.000 евра. Од тамошното Министерството за труд објаснуваат дека законот предвидува минималецот да биде од 20 до 40 отсто над минималните трошоци за живот и дека новиот износ е усогласен со инфлацијата од 2,7 отсто.

YouTube video

Тагови: ССМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер