Треба ли да се исклучуваат полначите од штекер кога не полнат? - Канал 5

Магазин

Треба ли да се исклучуваат полначите од штекер кога не полнат?

Како работи полначот?

Треба ли да се исклучуваат полначите од штекер кога не полнат?

Д-р Глен Фаривар од Одделот за електротехника и електронско инженерство од Универзитетот во Мелбурн објаснува дека не сите полначи се исти, но типичен полнач зема наизменична струја (AC) од ѕидниот штекер и ја претвора во нисконапонска еднонасочна струја (DC) погодна за батеријата на вашиот уред. Овој процес на конверзија бара неколку електронски компоненти, вклучувајќи трансформатор, исправувач, филтри и контролни кола.

Дали полначите користат електрична енергија дури и кога не полнат?

Краткиот одговор е да. Иако станува збор за многу мала количина, уредот кој е секогаш вклучен во струја сепак троши одредена енергија. Овој феномен се нарекува „вампирска потрошувачка или потрошувачка во состојба на мирување. Дел од таа енергија се користи за напојување на контролните кола во самиот полнач, додека остатокот се губи како топлина.

Иако потрошувачката на еден полнач е занемарлива, кога ќе ги соберете сите полначи и други електронски уреди во домаќинството што се постојано вклучени, како што се телевизорите, годишната потрошувачка може да стане забележлива.

Сепак, добрата вест е дека модерните полначи се дизајнирани да ја минимизираат оваа потрошувачка. Многу од нив имаат паметни компоненти за управување на напојувањето што ги држат во состојба на мирување или „sleep“ начин на работа сè додека на нив не се поврзе уред што треба да се полни.

Дали постои безбедносен ризик?

Висококвалитетните и сертифицирани полначи од реномирани производители се генерално многу безбедни за употреба. Сепак, со текот на времето, тие исто така се трошат, а повремените скокови на напонот во електричната мрежа можат дополнително да ги оптоварат нивните внатрешни компоненти и да го скратат нивниот животен век. Но, благодарение на подобрениот дизајн, ова кај современите уреди не треба да биде алармантно.

Вистински проблем претставуваат евтините, несертифицирани полначи. Тие често немаат соодветна заштита од прегревање и преголем напон и во одредени околности можат да претставуваат сериозна опасност од пожар. Затоа експертите советуваат таквите полначи да се избегнуваат.

Кога е време за нов полнач?

Постојат неколку јасни знаци кои укажуваат дека треба да го замените полначот. Ако забележите дека загрева повеќе од вообичаено, испушта необични звуци или е физички оштетен, тогаш време е за нов. Таквиот полнач не треба да го оставате вклучен во струја.

Заклучок: нема потреба панично да го исклучувате секој полнач штом уредот ќе се наполни. Кај модерните и висококвалитетни модели, ризикот е минимален, а потрошувачката во мирување е занемарлива. Меѓутоа, ако не ви е проблем да го исклучите, долгорочно ќе ја намалите непотребната потрошувачка на енергија и ќе му го продолжите животниот век.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменската влада започнува голема воена кампања за повторно освојување на сите области во земјата контролирани од Хутите

Јеменската влада, поддржана од Саудиска Арабија и меѓународно призната, соопшти дека започнува голема воена кампања за повторно освојување на сите области во земјата контролирани од Хутите, поддржани од Иран.

Јеменската влада започнува голема воена кампања за повторно освојување на сите области во земјата контролирани од Хутите

Вооружените сили на владата ќе продолжат со офанзивата „сè додека земјата не се ослободи од стисокот на терористичката милиција“, изјави јеменскиот претседател Рашад Ал-Алими во телевизиско обраќање.

Портпарол на војската подоцна ги повика Хутите да го положат оружјето.

Хутите, го држат главниот град на Јемен, Сана, и огромни делови од северозападот, каде што живее поголемиот дел од населението, од 2014 година. Тие досега издржаа серија напади во текот на годините од страна на Саудиска Арабија, Емиратите и нивните западни сојузници, и го осовременија своето оружје со помош на Иран.

Движењето минатиот месец започна изненадувачка офанзива со која го освои стратешкиот теснец Баб Ел-Мандеб,на Црвеното море за само неколку недели, давајќи им на Хутите нова предност над меѓународната поморска рута.Тој напредок, исто така, отвори нов фронт во пошироката американско-израелска војна започната во февруари против Иран кои вклучуваа задушување на транспортот на нафта низ Ормутскиот теснец.,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црногорскиот претседател донесе тениски рекет во Ватикан, Папата: Ѓоковиќ е Србин

Црногорскиот претседател Јаков Милатовиќ викендов билпримен во аудиенција кај папата Лав XIV за време на неговата официјална посета на Светата Столица.

Црногорскиот претседател донесе тениски рекет во Ватикан, Папата: Ѓоковиќ е Србин

„Папата Лав XIV би бил првиот папа во историјата што би ја посетил Црна Гора. За време на разговорите било потврдено пријателството меѓу Црна Гора и Светата Столица, како и заедничката посветеност на мирот, меѓусебното почитување и достоинството на секое човечко суштество“, соопштија од Кабинетот на претседателот на Црна Гора.

Милатовиќ истакна дека оваа година се одбележуваат 140 години од Конкордатот меѓу Кнежевството Црна Гора и Светата Столица, 20 години од воспоставувањето дипломатски односи и 15 години од потпишувањето на Основниот договор. За време на средбата, посебно внимание било посветено на натамошното зајакнување на соработката, вклучително и на отворањето на Апостолска нунцијатура во Подгорица.

На крајот од средбата, претседателот Милатовиќ му подарил на папата специјално изработен тениски рекет со црногорски државни симболи, рачно изработен филигран инспириран од добротската чипка и репродукција од првата страница на Конкордатот меѓу Кнежевството Црна Гора и Светата столица од 1886 година.

Милатовиќ му подарил тениски рекет на папата поради неговата страст кон тенисот.

При врачувањето на подарокот, тој го споменал тенисерот Новак Ѓоковиќ. „Тој се изјаснува како Србин“, одговори папата. „Тој исто така е многу наклонет кон Црна Гора“, одговорил Милатовиќ.

Тагови: Папата Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер