Таа се натпреварувала во машка конкуренција на Универзитетот во Пенсилванија, но по промената на полот и` била дадена дозвола да се натпреварува во женска конкуренција. И сега доминира. Таа ги собори речиси сите рекорди што можело на универзитетските натпревари.
„Благодарение на настапите на Zippy Invitational на 200 и 500 слободно, Лиа Томас ќе има можност да стане првиот трансродов студент спортист кој ќе биде меѓу најдобрите пливачки во САД, па дури и на националниот шампион“, велат од Универзитетот од Пенсилванија.
Многумина сметаат дека Лиа нема право да се натпреварува во женска конкуренција бидејќи е физички доминантна над девојките. Снимката од една од трките и доминацијата што Томас ја покажува во базенот изгледа нереално.
Томас е првата трансродова жена која се натпреварува во рамките на NCAA од 2019 година, кога Натали Фахи од Илиноис се натпреварувала на конференцијата во долината Мисури.
На почетокот на оваа година, таа рече дека е благодарна за фактот што можела да продолжи да плива.
„Сфаќањето дека сум трансродова фрли сомнеж во работите во кои бев сигурна. Се прашував дали ќе можам да пливам ако го сменам полот и како тоа би изгледало“, рекла Томас во интервју за американските медиуми, додавајќи:
„Процесот што доведе до одлука да излезам во јавноста како трансродова личност и да ја чекам одлуката за мојот настап, ми донесе многу неизвесност во минатото, но сега сум среќна“.