Трамп: Златни карти ќе добиваат и руски олигарси, меѓу нив има многу добри луѓе - Канал 5

Свет

Трамп: Златни карти ќе добиваат и руски олигарси, меѓу нив има многу добри луѓе

Американскиот претседател Доналд Трамп изјави дека руските олигарси потенцијално би можеле да аплицираат за билет од 5 милиони долари преку новата програма која нуди пат до американско државјанство за богатите странци.

Трамп: Златни карти ќе добиваат и руски олигарси, меѓу нив има многу добри луѓе

„Познавам некои руски олигарси кои се многу добри луѓе“, рече Трамп како одговор на прашањето дали ќе се квалификуваат за златен билет, додавајќи дека тоа е можно и дека може да го добијат.

„Тие не се толку богати како порано, мислам дека сега можат да си дозволат 5 милиони долари“, се пошегува Трамп.

Трамп и американскиот секретар за трговија Хауард Лутник објавија план за издавање златни картички кои ќе им овозможат на богатите странци легално да престојуваат во САД, заменувајќи ја постоечката програма за странски инвеститори.

„За околу 5 милиони долари, новите визи ќе обезбедат привилегии за зелена карта плус пат до државјанство“, рече Трамп.

„Генерално кажано, луѓе со пари и луѓе што создаваат работни места“, додаде тој. Зелената карта им овозможува на странците да живеат и работат во САД.

Олигарсите се богати и политички поврзани бизнисмени кои профитираа од постсоветската приватизација на Русија, често користејќи го своето влијание врз политиката, медиумите и клучните индустрии.

Некои од најпознатите руски олигарси се Роман Абрамович, Олег Дерипаска и Алишер Усманов, кои се најдоа под санкции и контроверзии поради нивните врски со Кремљ.

Во својот последен говор во Овалната канцеларија во јануари, поранешниот американски претседател Џо Бајден предупреди на растечката ултра богата „олигархија“ во Америка која ја загрозува американската демократија, повикувајќи ги американските граѓани да ги бранат институциите од „моќните сили“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо се поблиску до 1000 гол

Најплатениот светски фудбалер, Поругалецот Кристијано Роналдо и во 41 година од животот, се уште е вистинска машина за голови. 

Роналдо се поблиску до 1000 гол

Португалскиот фудбалер на 41-годишна возраст покажа дека сè уште е фудбалски феномен.

Тој стигна до 985 гола на официјални натпревари и сега го делат само 15 гола од неверојатната бројка од 1.000! Во победата на Ал Наср над Ал Холуд (5:2), португалскиот напаѓач го постигна својот 67-ми хет-трик во кариерата.

Роналдо досега има постигнато 57 хет-трика на клупско ниво, како и уште десет во дресот на португалската репрезентација. Особено е интересно што ова е првпат тој да постигне три гола на еден натпревар уште од мај 2024 година.

Неговата статистика низ акариерата е скоро неверојатна . Тој има постигнато најмногу голови во дресот на Реал Мадрид, каде што ја затресе противничката мрежа 450 пати.

Следуваат 146-те гола за португалската репрезентација, додека за Манчестер Јунајтед постигна 145 гола. Тој стигна до бројката од 138 гола во Ал Наср, 101 за Јувентус, а пет пати се запиша во листата на стрелците за Спортинг Лисабон.

Во текот на својата кариера, Португалецот постигна 11 таканаречени „совршени хет-трикови“ – ситуации во кои на еден натпревар постигнал голови со десната нога, со левата нога и со глава.

На Роналдо сега му недостасуваат само 15 гола до бројката од 1.000, а меѓу активните фудбалери, најблиску до него е Лионел Меси, кој според горенаведената статистика има 934 гола.

Роберт Левандовски има 707 гола, Луис Суарез 616, додека Карим Бензема има 524.

Од фудбалерите кои се сè уште во полна играчка форма, Хари Кејн има 527 гола, Килијан Мбапе 428, а Ерлинг Халанд 335.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужасна несреќа во Германија: Училиштен автобус премина преку кружен тек и удри во ѕид од куќа

Училиштен автобус, во кој се наоѓале околу 20 деца, утрово удрил во ѕид од куќа во Бад Олдеслое, во германската покраина Шлезвиг-Холштајн. 

Ужасна несреќа во Германија: Училиштен автобус премина преку кружен тек и удри во ѕид од куќа

Точниот број на повредени лица, како и сериозноста на нивните повреди, сè уште не се познати.

Несреќата се случила околу 07:20 часот на улицата Зилцберг, кога, од засега непознати причини, автобусот преминал преку кружен тек и удрил во ѕид од куќа, пренесува „Билд“.

По судирот, возачот останал заглавен во автобусот, а една жена и неколку патници се здобиле со повреди, потврди полицијата.

Точниот број на повредени лица сè уште не е утврден.

На местото на настанот се наоѓаат екипи на итната помош, пожарникари и полиција, а просторот е ограден.

Извор: Б92

Тагови: автобуска несреќа Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Кејт Мидлтон откри дека го обожавала Горан Иванишевиќ: „Бев фасцинирана од него“

Британската принцеза Кејт Мидлтон откри дека, додека растела, била голем обожавател на хрватскиот тенисер Горан Иванишевиќ, признавајќи дека тој ја фасцинирал. 

Кејт Мидлтон откри дека го обожавала Горан Иванишевиќ: „Бев фасцинирана од него“

Принцезата од Велс зборуваше за својата љубов кон тенисот уште во 2017 година, во документарниот филм на Би-Би-Си „Сју Баркер: Нашиот Вимблдон“, а нејзините изјави повторно го привлекоа вниманието на јавноста.

Осврнувајќи се на своето детство, Кејт откри дека Вимблдон заземал посебно место во нејзиното растење.

„Секогаш го следев Вимблдон. Тој беше дел од моето растење. Мислам дека е неверојатно важен дел од англиското лето и дека ги инспирира младите луѓе, исто како што ме инспирираше и мене кога бев помлада“, сподели принцезата.

Меѓу тенисерите што особено уживала да ги гледа, таа го издвои Горан Иванишевиќ.

„Го обожавав Горан Иванишевиќ; бев фасцинирана од него. Истото важи и за Пит Сампрас, Андре Агаси и Штефи Граф“, призна Кејт, како што пренесува CdM.

Сопругата на Принцот Вилијам, принцезата Кејт Мидлтон уште од детството гаи љубов кон тенисот, а денес е редовен гостин на Вимблдон, каде што често им ги врачува трофеите на победниците.

Во истиот документарен филм, таа откри и дека нејзината мајка, Керол Мидлтон, има свој омилен тенисер.

Станува збор за швајцарскиот ас Роџер Федерер, кон кого нејзината мајка – како што низ шега призна Кејт – чувствува посебна наклонетост. Принцезата додаде дека нејзината мајка веројатно нема да се налути поради ова откритие, напоменувајќи дека Федерер можеби веќе е свесен за тоа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер