Трамп: Војната во Иран ќе заврши многу брзо, исклучително силни напади во наредните недели - Канал 5

Свет

Трамп: Војната во Иран ќе заврши многу брзо, исклучително силни напади во наредните недели

 Американскиот претседател Доналд Трамп изјави дека воена мисија во Иран ќе заврши „многу брзо“, дека досега се постигнати „убедливи победи“, и оти САД „исклучително силно“ ќе го нападнат Иран во наредните две до три недели.

Трамп: Војната во Иран ќе заврши многу брзо, исклучително силни напади во наредните недели

Трамп во обраќањето до нацијата од Белата куќа рече дека САД ќе ги уништат сите ирански електрани и дека ќе ги гаѓаат нафтените постројки, доколку со иранските лидери не се постигне договор.

- Од почетокот на операцијата „Епски бес“ јасно ставив до знаење дека ќе продолжиме додека нашите цели во целост не се остварат. Благодарение на напредокот што го постигнавме, вечерва можам да кажам дека сме на добар пат наскоро, многу брзо, да ги исполниме сите американски воени цели. Ќе ги удриме исклучително силно во наредните две до три недели. Ќе ги вратиме во камено доба, каде што и им е местото – изјави Трамп.

Трамп ја потсети Америка дека минатите војни – Првата светска војна, Втората светска војна, Корејската војна, Виетнамската војна и војната во Ирак – траеле со години, додека очекува оваа операција наскоро да заврши.

- Во оваа воена операција, толку моќна, толку брилијантна, сме против една од најмоќните земји веќе 32 дена, а земјата е уништена. Во меѓувреме, разговорите се во тек. Промената на режимот не беше наша цел. Никогаш не сме рекле промена на режимот. Но, до промена на режимот дојде поради смртта на сите нивни првобитни водачи. Сите се мртви. Новата група е помалку радикална и многу поразумна – оцени Трамп.

Тој истакна дека САД, ако „не биде постигнат договор, ќе го насочат погледот кон клучните цели“, и дека американската војска би можела „многу силно и веројатно истовремено да ја погоди секоја нивна електрана“. Трамп се закани дека во случај да не биде постигнат договор, ќе ги гаѓа постројките на иранската нафтена индустрија.

- Во изминатите четири недели, нашите вооружени сили остварија брзи, одлучни, убедливи победи на бојното поле. Победи какви што малку кој некогаш видел. Никогаш во историјата на војувањето непријателот не претрпел толку јасни и разорни загуби од големи размери за само неколку недели. Нашите непријатели губат, а Америка, како што беше случај пет години под мое претседателство, победува, и сега победува повеќе од кога било претходно – изјави Трамп.

Тој рече дека иранската морнарица е уништена и дека „драматично е намалена“ способноста на земјата да лансира ракети и дронови, како и дека „клучните стратешки цели“ на војната се „близу до завршување“. Трамп им оддаде признание на 13-те американски војници кои загинаа во судирот со Иран на Блискиот Исток.

- Ги дадоа своите животи во оваа борба за да спречат нашите деца некогаш да се соочат со нуклеарен Иран. Ги поздравуваме и сега мораме да им оддадеме почит така што ќе ја исполниме мисијата за која ги дадоа своите животи – изјави Трамп.

Американскиот претседател рече дека без оваа интервенција во Иран, „најнасилниот и најсуровиот режим на светот би бил слободен да ги спроведува своите кампањи на терор, присила, освојување и масовни убиства зад нуклеарниот штит“.

Трамп додаде дека „не би имало ниту Близок Исток ниту Израел во овој момент“ доколку не го раскинел нуклеарниот договор со Иран од времето на поранешниот американски претседател Барак Обама, и наведе дека Иран бил „на прагот“ да создаде нуклеарно оружје и дека претставувал егзистенцијална закана за САД и за „слободниот свет“.

Тој рече и дека иранските официјални лица „исто така брзо граделе огромни резерви на конвенционални балистички ракети“ и дека наскоро би имале ракети кои би можеле да стигнат до цели во САД, Европа и „практично на кое било друго место на земјата“. Тој кажа дека Иран е одговорен за високите цени на гасот и дека другите земји мора да ја „заземат“ Ормуската Теснина.

- Многу Американци се загрижени поради неодамнешниот раст на цените на бензинот дома. Овој краткорочен пораст е во целост резултат на терористичките напади на иранскиот режим врз комерцијални танкери за нафта и врз соседните земји кои немаат никаква врска со судирот – истакна Трамп.

Тој додаде дека земјите кои во голема мера зависат од Ормуската Теснина, главната нафтена рута која Иран ја затвори од почетокот на судирот, „мора да се грижат за тој премин“ и да „отидат до теснецот и едноставно да го заземат“.

Трамп им предложи на земјите кои не можат сами да купат доволно гориво, поради затворањето на Ормуската Теснина, да го купат од САД. Според него, кога судирот ќе заврши, „теснецот природно ќе се отвори“.

Трамп во своето прво обраќање до нацијата во ударен термин од почетокот на војната во Иран на 28 февруари, сигнализираше дека сака наскоро да ја заврши војната и изрази оптимизам во врска со индиректните разговори меѓу САД и Иран кои се одржаа во последните денови.

YouTube video

Американскиот претседател ги пофали сојузниците на САД на Блискиот Исток, вклучувајќи го Израел и неколку арапски држави, и не го критикуваше директно НАТО, откако во последните денови изрази фрустрации кон алијансата поради тоа што земјите-членки одбиле да им помогнат на САД да ја отворат Ормуската Теснина, низ која се транспортира една петтина од светските резерви на нафта.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Босанката Мирнеса украла над милион евра од фирма во Германија, па ја пуштиле на слобода- парите не се пронајдени

Мирнеса С, попозната по прекарот Мики, која украла дури 1,25 милиони евра од германска компанија за готовински трансфер во Штутгарт, повторно е во центарот на вниманието. 

Босанката Мирнеса украла над милион евра од фирма во Германија, па ја пуштиле на слобода- парите не се пронајдени

Откако отслужила дел од тригодишната затворска казна, таа била ослободена на почетокот на 2025 година, но најголемата мистерија во случајот останува нерешена - каде завршиле парите што исчезнале пред повеќе од четири години?

Кражбата се случила на 14 октомври 2022 година, кога Мирнеса, која во тоа време била вработена во компанијата за готовински трансфер, однела огромна сума пари од просториите на компанијата, објави 24 сата.

Според информациите што подоцна ги објавија медиумите, таа ги ставила парите во спортска торба, ја покрила со крпи и го напуштила своето работно место. Бидејќи имала пристап до парите како вработена, кражбата била извршена без класичен грабеж или употреба на сила.

Нејзиното исчезнување предизвикало обемна потрага од страна на германската полиција, која понудила награда од 37.500 евра за информации што довеле до нејзино апсење. Мирнеса, сепак, доброволно се предаде на властите во Германија на почетокот на 2023 година, откако преку својот адвокат го најави своето пристигнување на аеродромот во Штутгарт.

Во јули истата година, таа беше осудена на три години затвор за кражба, а за време на постапката тврдеше дека нејзиниот тогашен партнер Роберт С. го смислил целиот план и ја убедил да учествува во кражбата. Според неа, таа добила само 20.000 евра од вкупната сума.

Нејзиниот поранешен партнер, од друга страна, ги негираше обвинувањата дека ја организирал кражбата и тврдеше дека само играл улога на возач.

Случајот достигна нов епилог во февруари 2026 година, кога Роберт С. беше осуден на три години и девет месеци затвор за учество во кражбата. Судот, исто така, нареди конфискација на приносите од криминал во износ од 1,25 милиони евра, но парите не беа пронајдени ни тогаш. Пресудата не беше конечна во времето на објавувањето на извештајот.

Мирнеса се појави и како сведок на судењето на нејзиниот поранешен партнер, каде што зборуваше за желбата да започне нов живот. Иако е повторно слободна, прашањето за судбината на парите останува неодговорено.

Во последните месеци, таа привлече внимание и на социјалните мрежи, каде што се појавува во хумористични видеа со босанскиот инфлуенсер Сермед Мактоуф.

Иако двајцата поминаа низ судски процес и добија затворски казни, повеќе од еден милион евра сè уште не се пронајдени, а останува непознато кој во моментов ги контролира парите од една од најпознатите кражби во Германија.

Тагови: Германија парите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Холанѓанец си го убил таткото и го исекол телото на 238 парчиња, а потоа направил нешто пострашно

Холандските обвинители побараа 12-годишна затворска казна за маж кој го убил својот татко, а потоа го исекол неговото тело на 238 парчиња!

Холанѓанец си го убил таткото и го исекол телото на 238 парчиња, а потоа направил нешто пострашно

Осомничениот ги ставил останките од својот татко во 19 вреќи за ѓубре, кои ги чувал во два замрзнувачи и кутија за складирање повеќе од три години.

„Тој го отстранил телото и ги лажел полицијата и луѓето околу него со години“, изјавил јавниот обвинител пред судот, објави Сан.

Тајмен В., 33, е обвинет за убиство на својот татко на 10 јануари 2021 година. Полицијата ги пронашла останките во куќата на осомничениот повеќе од три и пол години подоцна, во ноември 2024 година.

Обвинителството изнесе тврдења пред судот во Алкмар дека таткото и синот биле во насилен конфликт. Жртвата била удирана во главата осум пати со тврд предмет, можеби статуа на Буда, што самиот осомничен го споменал.

Според патолог од Холандскиот форензички институт (NFI), постои и можност жртвата да била задавена. Осомничениот тврди дека дејствувал во самоодбрана откако неговиот татко го нападнал со нож.

Обвинителството ја отфрли оваа верзија на настаните, нагласувајќи дека осомничениот не контактирал со полицијата по смртта на неговиот татко, туку им кажал на луѓето околу него дека заминал во странство.

Обвинителот посочи дека осомничениот се однесувал кон својот татко „на ужасен и крајно дехуманизирачки начин“. Психијатар и психолог процениле дека имал благо нарушен ментален капацитет, констатација што обвинителството ја прифатило.

Обвинетиот изјавил дека целосно го потиснал и самото убиство и криењето на телото, и дека неговите сеќавања за настанот се појавиле дури околу еден месец по неговото апсење. Меѓу другото, му е дијагностицирано гранично растројство на личноста.

Неговиот адвокат изјавил дека физичкото насилство се случило меѓу татко и син во неколку наврати и дека било взаемно.

Тој додаде дека неговиот клиент ја изгубил довербата во полицијата по претходен инцидент, кога неговиот татко го нападнал со секира, а полицајците не пристигнале веднаш на местото на настанот.

Тагови: татко телото

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Бран штрајкови се најавени во Италија за овој месец- запираат возовите, автобусите и авионите

Италијанските синдикати повикаа на национален штрајк во железничкиот, автобускиот и воздушниот транспорт за 20 и 21 ноември, на кој ќе му претходат неколку прекини на работата и протести на локално ниво.

Бран штрајкови се најавени во Италија за овој месец- запираат возовите, автобусите и авионите

Генералниот штрајк, свикан од Италијанската општа конфедерација на трудот (CGIL), ќе ги опфати сите транспортни сектори, и јавни и приватни, во текот на целиот ден на 20 ноември, објави денеска ADNkronos.

Во исто време, неколку закажани протести и локални штрајкови од следната недела се закануваат да го нарушат транспортот, создавајќи тешкотии за жителите на неколку италијански градови.

Утре Џенова ќе биде погодена од штрајк во транспортот организиран од синдикатот Cub Trasporti, додека синдикален протест ќе се одржи во Козенца на 10 ноември, што ќе го наруши и јавниот превоз.

Во Милано, штрајк на групацијата ATM е свикан за 13 ноември, што ќе доведе до прекини во јавниот превоз во тој град, како и во Монца и Бријанца, а истиот ден, јавниот превоз во Венеција исто така ќе биде засегнат во текот на целиот ден поради прекин на работата.

Штрајкови се планирани и во транспортниот сектор во Бари и Неапол во текот на ноември, соопшти агенцијата.

На национално ниво, критични денови за транспортот, од јавниот превоз до железницата, ќе бидат 20 и 21 ноември, кога штрајкот ќе влијае на железничкиот товарен транспорт, локалниот јавен превоз и железничкиот патнички транспорт, од 21 часот на 20 ноември до 20 часот на 21 ноември.

Што се однесува до секторот за воздушен транспорт, се очекуваат прекини за патниците што летаат на 22 ноември, кога вработените во неколку компании во Фиренца и Пиза ќе штрајкуваат, додека работниците во компанијата Енав во Варезе исто така ќе штрајкуваат.

Покрај транспортниот сектор, прекин на работата е повикан и за италијанските работници во кол-центрите да штрајкуваат на 11 ноември.

Синдикатите заеднички ја повикуваат владата да „обезбеди сериозна индустриска политика за секторот, како и да ги заштити работните места и приходите на работниците“.

Национален штрајк е закажан и за 16 ноември за приватните даватели на здравствени услуги, социјалните претпријатија, како и за регионалните и локалните власти, потсети агенцијата.

Во исто време, училиштата и универзитетите ќе бидат во центарот на широк протест во текот на денот на 20 ноември, свикан од синдикатите и здруженијата на работници во образованието на Италија.

Тагови: италија штрајкови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер