Трамп во интервју за Си-Би-Ес: Си Џинпинг ги разбира последиците од евентуална кинеска инвазија на Тајван - Канал 5

Свет

Трамп во интервју за Си-Би-Ес: Си Џинпинг ги разбира последиците од евентуална кинеска инвазија на Тајван

Американскиот претседател Доналд Трамп изјави дека кинескиот претседател Си Џинпинг ги разбира „последиците“ од потенцијална кинеска инвазија на Тајван, но одби да прецизира дали САД ќе ја бранат островската нација во случај на напад.

Трамп во интервју за Си-Би-Ес: Си Џинпинг ги разбира последиците од евентуална кинеска инвазија на Тајван

Трамп ова го соопшти во интервју што денес го емитуваше американската телевизија Си-Би-Ес (CBS).

-Ќе знаете доколку тоа се случи, а тој го разбира одговорот на ова прашање, одговори американскиот претседател кога беше прашан дали САД би интервенирале во случај на потенцијален воен напад од страна на Пекинг врз Тајван, додавајќи дека кинескиот лидер ги разбира „последиците“ од таквата интервенција.

Пекинг го смета Тајван за отпадник и своја територија, а Вашингтон ѝ дава најголема поддршка на оваа земја.

Трамп рече дека Тајван не бил споменат за време на неговата средба со Си Џинпинг во Јужна Кореја во четвртокот.

Американскиот претседател во интервју снимено во петокот и емитувано денеска во емисијата „60 минути“ на Си-Би-Ес, изјави дека не може да ги „открие своите тајни“, прецизирајќи дека „другата страна е информирана“.

Автономијата на Тајван е една од причините за тензиите меѓу Кина и САД, а Трамп и Си се чинеше дека ја избегнуваат за време на состанокот, фокусирајќи се на ублажување на трговската војна меѓу Вашингтон и Пекинг.

Тагови: Доналд Трамп Си Џинпинг Си-Би-Ес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Вардар против Мт Мелсунген на домашен терен ја завршува сезоната во ЕХФ Лигата на шампионите

Македонскиот ракометен шампион Вардар вечерва од 18-45 часот во Јане Сандански  ја затвара сезоната на европската сцена. противник на црвено црните е силниот германски преставник Мт Мелсунген.

Вардар против Мт Мелсунген на домашен терен ја завршува сезоната во ЕХФ Лигата на шампионите

Црвено-црните пред домашната публика ја затвораат европската сезона.

РК Вардар 1961 денес, 28 октомври, од 18:45 часот, во СЦ „Јане Сандански“ го пречекува германскиот МТ Мелсунген во натпреварот од шестото, последно коло од групната фаза на ЕХФ Лигата на шампионите.

Црвено-црните ќе се борат за втора победа во европската елита, со желба сезоната да ја заокружат со триумф пред своите навивачи. Поддршката од трибините ќе биде дополнителен мотив за Вардарци да го дадат максимумот и да се обидат да му се реваншираат на германскиот тим за поразот од 33:31 на првиот меѓусебен дуел во Касел, кога Вардар до самиот крај беше во игра за позитивен резултат.

Како горд партнер и силен поддржувач на РК Вардар 1961, Видеолотарија Касинос Австрија е повторно со црвено-црните и во овој нивен европски предизвик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јавните обвинители денеска избираат нов шеф на Обвинителството за организиран криминал и корупција

Јавните обвинители денеска избираат нов шеф на Обвинителството за организиран криминал и корупција.Вкупно 187 обвинители со право на глас ќе избираат меѓу петмина кандидати.

Јавните обвинители денеска избираат нов шеф на Обвинителството за организиран криминал и корупција

Во трката се Фатон Азизи, Трајче Пеливанов, Лидија Раичевиќ, Искра Хаџи Василева и Јован Цветановски.

Гласањето е тајно и ќе трае од 8 до 16 часот. По завршувањето, резултатите ќе бидат сумирани на јавна седница.

Кандидатите во своите програми најавија борба против корупцијата и перењето пари.Меѓу приоритетите се и зајакнување на истражните капацитети и финансиските истраги.

Се најавуваат и поголема ефикасност и независност на Обвинителството. Изборот се спроведува поради истекот на мандатот на актуелниот шеф Ислам Абази.

Тој беше избран на функцијата во октомври 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп му одобрил влез во САД на бразилскиот сенатор Флавио Болсонаро по неговиот пораз на претседателските избори

Американскиот претседател Доналд Трамп му одобрил влез во САД на бразилскиот сенатор Флавио Болсонаро.Одлуката доаѓа по неговиот пораз на претседателските избори во Бразил, пренесува Си-Ен -Ен.

Трамп му одобрил влез во САД на бразилскиот сенатор Флавио Болсонаро по неговиот пораз на претседателските избори

Според американски извори, визи добиле членовите на неговото семејство.Болсонаро, според медиумските извештаи, веќе пристигнал во Соединетите држави.не е познато каде слетал, ниту дали директно разговарал со Трамп.

Во Бразил тој е под истрага за сомневања за корупција и перење пари.Врховниот суд му наредил да ги предаде пасошите во рок од 24 часа.Болсонаро претходно негираше дека има намера да избега од земјата.Трамп изјави дека би го одобрил неговото доаѓање, критикувајќи го изборниот процес.

На изборите Болсонаро загуби од левичарскиот претседател Луис Да Силва кој освои повеќе гласови во вториот круг од гласањето.

Заминувањето на Болсонаро предизвика политички реакции и шпекулации за неговата иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер