Свет

Трамп вечер во Конгресот ќе говори за состојбата на нацијата

Американскиот претседател Доналд Трамп вечер во Конгресот ќе го одржи своето традиционално обраќање за состојбата на нацијата, во чувствителен момент од неговото претседателствување, обележан со намалување на рејтингот.

Американскиот претседател Доналд Трамп вечер во Конгресот ќе го одржи своето традиционално обраќање за состојбата на нацијата, во чувствителен момент од неговото претседателствување, обележан со намалување на рејтингот, растечката загриженост поради потенцијалниот конфликт со Иран и високите трошоци за живот, објави британската агенција Ројтерс.

Говорот во ударниот термин вечер во 21 часот по вашингтонско време ќе биде втор на Трамп откако се врати на власт во јануари 2025 година.

Тој говор му нуди на Трамп можност да ги убеди гласачите да ги задржат републиканците на власт, кои ги контролираат двата дома на Конгресот со тесно мнозинство, и тоа пред изборите закажани за крајот на годината на половина од мандатот на американскиот претседател.

Говорот на Трамп доаѓа во услови на спротивставени политички интереси на домашно и меѓународно ниво, со значителни превирања во последните денови. Меѓу нив се одлуката на Врховниот суд на САД за укинување на таканаречените „реципрочни“ царински мерки кои се во центарот на реформата на Трамп на трговската политика на Вашингтон, како и податоците кои покажуваат дека американската економија доживеала поголемо забавување во четвртиот квартал, додека инфлацијата се забрзала.

Дополнително, операциите на Министерството за внатрешна безбедност се практично во застој поради спор меѓу републиканците и демократите во Конгресот околу агресивната антиимиграциска стратегија на администрацијата на Трамп, по двете спорни фатални пукотници во Минеаполис во кои биле вклучени агенти на федералната Служба за имиграција и царина (ICE). Трамп, исто така, се бори да го надмине скандалот околу објавувањето на милиони документи на Министерството за правда поврзани со покојниот финансиер и осуден сексуален престапник Џефри Епштајн, со кого поранешниот магнат за недвижности некогаш одржувал пријателство.

Иако отворено се залагал за Нобелова награда за мир, фалејќи се со своите мировни способности и формирајќи свој Комитет за мир, шефот на Белата куќа сè уште се чини дека се приближува кон воен конфликт со Иран, заканувајќи му се на Техеран со напад ако не постигне договор со Вашингтон за неговата нуклеарна програма.

Американскиот претседател, кој одлучи да распореди дополнителни воени бродови на Блискиот Исток, разгледува неколку опции за Иран, вклучително и промена на режимот, според претставници на американската администрација.

Можно е Трамп да го искористи своето обраќање пред Конгресот јавно да се заложи за воена интервенција во Иран.

Двајца неименувани претставници на Белата куќа изјавија дека Трамп вечер ќе се фали со разните мировни договори за кои тврди дека посредувал, дури и кога војната во Украина, за која американскиот претседател претходно рече дека може да заврши за само 24 часа, влегува во својата петта година.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло со мала до умерена облачност

Времето утре ќе биде сончево и многу топло со мала до умерена облачност.

Ќе дува слаб до умерен, а наместа повремено засилен ветер од северен правец.

Во Скопје, сончево и многу топло со мала до умерена облачност. Ќе дува слаб до умерен, а во делови од котлината повремено засилен ветер од северен правец.

Во четврток и во петок попладне ќе биде нестабилно со пороен дожд, грмежи и засилен ветер. Локално ќе има услови за невреме со пообилен пороен дожд за кратко време, силен ветер и наместа појава на град. Температурата ќе опадне за неколку степени. Во деновите од викендот и почетокот на новата седмица времето ќе биде стабилно, а дневната температурата ќе биде во постепен пораст.

УХМР

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР и Фондот за здравствено осигурување: Надминат проблемот со здравственото осигурување на вработените

Министерството за внатрешни работи и Фондот за здравствено осигурување информираат дека проблемот со здравственото осигурување на вработените во МВР е надминат и дека тие повторно можат непречено да ги користат здравствените услуги.

Во текот на денот, двете институции беа во континуирана координација и, во соработка со Управата за јавни приходи, ги презедоа потребните активности за утврдување и отстранување на причините што доведоа до привремен прекин во остварувањето на правата од здравственото осигурување.

По преземените активности, состојбата е нормализирана и овозможено е непречено користење на правата од здравственото осигурување за вработените во Министерството за внатрешни работи.

МВР и Фондот за здравствено осигурување ќе продолжат со координирани активности за изнаоѓање системско решение кое ќе овозможи во иднина непречено функционирање на здравственото осигурување и навремено остварување на правата од здравственото осигурување за сите вработени.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Андраш Бака, судијата што му се спротивстави на Орбан е нов претседател на Унгарија

Унгарскиот парламент попладнево го избра поранешниот претседател на Врховниот суд, Андраш Бакa, за нов претседател на земјата..

Бака беше избран на оваа претежно церемонијална позиција со гласовите на владејачката десничарска партија тиса, а пратениците од опозициската ФИДЕС не гласаа. Претседателската функција остана празна минатиот месец по разрешувањето на Тамаш Суљок, кој беше голем сојузник на Орбан. Бака во 2012-та беше разрешен од позицијата прв човек на Врховниот суд, откако јавно го критикуваше потегот на тогашниот премиер за намалување на старосната граница за пензионирање на судиите. Западните медиуми пишуваат дека неговиот мандат претставува симболичен чекор во напорите на премиерот Петер Маѓар да ги демонтира упориштата на моќта на Орбан.

Тагови: Андраш Бака

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.