Свет

Трамп: Со Карни имавме исклучително продуктивен разговор

Претседателот на САД, Доналд Трамп синоќа изјави дека неговиот прв разговор со новиот премиер на Канада, Марк Карни бил „исклучително продуктивен“.

Трамп наведе дека со Карни „се согласуваат за многу работи“ и дека веднаш по претстојните избори во Канада „ќе се сретнат за да работат на елементи од политиката, бизнисот и сите други фактори, кои на крајот ќе бидат одлични и за САД и за Канада“.

Американскиот претседател на Карни му се обрати со Марк, а не со „гувернер“, како што му се обраќаше на неговиот претходник, Џастин Трудо.

Карни истакна дека разговорите за „новите економски и безбедносни односи“ помеѓу двете соседни земји ќе почнат идниот месец, по парламентарните избори во Канада, што се закажани на 28 април.

Трамп неделава ја интензивираше трговската војна со Канада со најавата за воведување на царина од 25 проценти за увоз на автомобили и делови од Канада. Тој претходно воведе царини од 25 проценти на канадскиот челик и алуминиум, а се закани со високи царини за сите канадски производи, како и на производите од сите американски трговски партнери, што би требало да стапат во сила на 2 април.

Канада најави реципрочни мерки, а Карни, во синоќешниот телефонски разговор со Трамп, повтори дека ќе ги заштити канадските работници и економија.

Карни и Трамп се договориле канадскиот министер за меѓународна трговија Домини Ле Блан и американскиот секретар за трговија Хауард Лутник да ги интензивираат разговорите за решавање на моменталните проблеми.

Карни претходно изјави дека ќе разговара со Трамп ако тој го почитува суверенитетот на Канада.

Трамп за време на првиот претседателски мандат (2017-2021) повторно испреговара договор за слободна трговија со Канада и Мексико и тогаш го нарече „најмодерен, најбалансиран трговски договор во историјата на нашата земја, со најнапредната заштита на работниците досега“.

Тагови: Доналд Трамп канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.