Поранешниот американски претседател Доналд Трамп денеска се појави во жалбената постапка пред судот во Њујоркшто може да го чини контрола над кулата Трамп во Њујорк и други вредни имоти, одржувајќи го своето ветување дека ќе ја брани својата репутација во овој случај што тој го нарекува „лажен“.
Трамп, кој ја изгради својата политичка кариера како познат милијардер за недвижнини и мајстор на „уметноста на договорите“, доброволно се појави на судењето, кое за него е од големо значење.
Јавната обвинителка Летиција Џејмс ги обвинува Трамп и неговата компанија за измама на банки, осигурителни компании и други бизниси со постојано доведување во заблуда и фалсификување на финансиските извештаи за имотот на Трамп.
Судијата Артур Енгорон, кој независно ќе одлучува по жалбата во оваа постапка без порота, веќе во прв степен пресуди дека Трамп извршил измама во своето работење.
Обвинителката Џејмс, демократка, бара да го казни Трамп со 250 милиони долари и да му забрани да работи во Њујорк.
Пресудата на судечкиот судија од минатата недела, доколку биде потврдена во жалбената постапка, би можела да го принуди Трамп да се откаже од својот имот во Њујорк, вклучувајќи ја и кулата Трамп, деловната зграда на Волстрит, терените за голф и имотите во предградието на Њујорк.