Радеска: Обвинителството да отвори истрага – Мицкоски и Клековски го загрозија здравјето на граѓаните на Гостивар
2Радеска: Обвинителството да отвори истрага – Мицкоски и Клековски го загрозија здравјето на граѓаните на Гостивар
СветТрамп поради мигрантите сака да го активира ретко користениот закон од 1807 година На неговиот прв ден назад во Белата куќа, американскиот претседател Доналд Трамп потпиша извршна наредба за прогласување вонредна состојба на јужната граница на САД поради илегалната миграција.На неговиот прв ден назад во Белата куќа, американскиот претседател Доналд Трамп потпиша извршна наредба за прогласување вонредна состојба на јужната граница на САД поради илегалната миграција и побара од неговите високи функционери да проценат дали треба да се активира ретко користениот закон од 19 век. Ова е Законот за востание од 1807 година, кој му дозволува на претседателот да користи воени сили за извршување полициски должности во Соединетите Држави. Американските медиуми јавуваат дека министерот за одбрана Пит Хегсет и министерката за внатрешна безбедност Кристи Ноем, на кои Трамп им ја довери проценката на ситуацијата, ќе ги објават препораките подоцна оваа недела. Откако се врати на власт, Трамп силно се фокусираше на сузбивање на илегалната имиграција, а бројот на гранични премини моментално е на најниско ниво во последните 25 години. Меѓутоа, со активирање на овој закон, претседателот би можел дополнително да ги прошири своите овластувања. Што е Законот за бунт од 1807 година? Тој закон од 19 век му дозволува на претседателот да користи активни воени сили за да ја контролира американската територија. Ова ја вклучува Националната гарда, дел од вооружените сили на САД што вообичаено е распоредена за домашни итни случаи и катастрофи. Американските претседатели можат да го користат тој закон доколку веруваат дека има „незаконски опструкции, немири или собири“ против владата што го прават „невозможно спроведувањето на законот преку стандардни судски процедури“. Кога ќе се активира законот, воените сили можат да извршуваат низа задачи, од сузбивање на граѓански немири и спроведување на судски наредби, до апсење и притворање. Бидејќи законот е напишан нашироко и без јасни насоки за условите за употреба, претседателите имаат широки овластувања во одлучувањето дали да ја ангажираат војската во домашните операции. Зошто Трамп сака да го користи овој закон? За време на неговата изборна кампања, Трамп вети жестока борба против илегалната имиграција, нарекувајќи ја ситуацијата на јужната граница „национална вонредна состојба“ која поефективно ќе се реши со користење на овој закон. На неговиот прв ден на функцијата во јануари, тој побара „препораки за дополнителните мерки неопходни за целосна оперативна контрола на јужната граница, вклучително и можното повикување на Законот за бунт од 1807 година“. Администрацијата веќе покрена низа драстични мерки поврзани со границите, вклучително и голема операција за депортација и контроверзниот потег за префрлање на наводните членови на венецуелски банди во затвор во Ел Салвадор, одлука што во моментов се оспорува пред судовите. Во исто време, американската гранична полиција забележала само 8.300 апсења на мигранти, што е најниско ниво на илегални преминувања од 2000 година. Како се користеше законот во минатото? Законот за бунт е користен само неколку пати во американската историја. Абрахам Линколн го користел за време на бунтот на јужните држави во Американската граѓанска војна, а претседателот Улис С. Грант го активирал против насилството на расистичката милитантна организација Кју Клукс Клан по војната. Во 20 век, претседателот Двајт Ајзенхауер го искористил за да обезбеди воен пристап до црните ученици во средното училиште во Литл Рок, Арканзас, откако гувернерот одбил да ја спроведе федералната наредба за десегрегација. Најновата употрееба беше во 1992 година за време на големите немири во Лос Анџелес, по ослободувањето на четворицата бели полицајци обвинети за претепување на Афроамериканецот Родни Кинг. Тогашниот претседател Џорџ Буш постариот испрати маринци и армија, како и членови на Националната гарда. Дали има некакви ограничувања? Американската влада традиционално ја ограничува употребата на воена сила на територијата на САД, особено против сопствените граѓани. Законот наречен Posse Comitatus Act од 1878 година беше донесен токму за да се ограничи способноста на војската да врши полициски должности. Во турбулентни ситуации, федералните држави обично распоредуваат Национална гарда. По враќањето на власт, Трамп ги прошири своите овластувања со прогласување национални вонредни состојби, што му дава на претседателот пристап до дополнителни ресурси и овластувања. Ги искористи за воведување царини, но и контроверзни потези поврзани со имиграцијата. Во март, откако прогласи вонредна состојба, Трамп го активираше ретко користениот Закон за надворешни непријатели од 1798 година за да ги депортира мигрантите за кои вели дека се членови на банди, но Врховниот суд на САД неодамна привремено ја блокираше таа одлука. Доколку Трамп одлучи да го активира Законот за бунт, се уште не е јасно какви правни предизвици го чекаат.Тагови: Доналд Трамп мигранти Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиРКЕ: Цената на дизелот се зголемува за 1 денар, бензините поевтинуваат за 2 денари по литар13:01Се уште трае борбата со огнената стихија во кавадаречко08:53Епидемиолошката состојбата во Гостивар останува стабилна – велат од министерството за здравство15:00Вечерва во 21 часот и 54 минути почувствуван земјотрес во Скопје и околината08:56 Од крушевската република до АСНОМ – денес се одбележува 2. август празникот што ги обединува историјата и идеалите15:00
Од крушевската република до АСНОМ – денес се одбележува 2. август празникот што ги обединува историјата и идеалите15:00
МакедонијаМЗ: Состојбата во Гостивар се следи – намален вкупниот број прегледиМинистерството за здравство информира дека епидемиолошката состојба во Гостивар континуирано се следи од надлежните здравствени институции.Во текот на 3 август се регистрирани вкупно 78 прегледи, што е за шест помалку во споредба со претходниот ден, кога биле евидентирани 84 прегледи. Во однос на западнонилската треска, на Клиниката за инфективни болести е евидентиран еден нов сомнителен случај. Во тек се потребните испитувања за лабораториска потврда или исклучување на заболувањето. Министерството за здравство, во координација со надлежните здравствени установи, продолжува внимателно да ја следи состојбата и навремено ќе ја информира јавноста за сите нови релевантни податоци.Тагови: Гостивар Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаРадеска: Обвинителството да отвори истрага – Мицкоски и Клековски го загрозија здравјето на граѓаните на ГостиварИма нов, сериозен момент во скандалот со загадената вода во Гостивар.Власта официјално потврди присуство на бактеријата Pseudomonas aeruginosa во водата. Водата што ја прогласија за „техничка“ и дека може да ја користат граѓаните има бактерија. Страшно! Тоа значи дека граѓаните на Гостивар се капеле со бактерија која претставува ризик по здравјето. Кожни инфекции и бројни други сериозни заболувања и други инфекции предизвикува оваа бактерија. Ова е врв на институционалниот колапс и уште еден здравствен скандал. Системот на Мицкоски и Клековски целосно потфрли во својата основна задача, наместо да го заштити здравјето на граѓаните го загрози. Затоа Мицкоски и Клековски се кријат зад Тошковски и Ангелов, луѓе кои не се стручни за ова и само создаваат забуна и грижа кај граѓаните. Сѐ уште Владата не достави официјален документ со кој се потврдува дека водата што граѓаните на Гостивар ја користат повеќе од една недела е технички исправна. Единствена „потврда“ беше изјавата на Мицкоски. Ништо повеќе. Со признанието за присуство на бактерија се потврдува дека капењето не било дозволено, а граѓаните се капеа. И повторно се врши хиперхлорирање. Кога се прави хиперхлорирање - капењето не е дозволено исто така поради високото ниво на хлор. Концетрацијата на хлор мора да се спушти на дозволени вредности за да може да се користи. Министерот Клековски најавуваше дека од оваа недела водата ќе може да се пие. Мицкоски рече дека има бактерија. Сега и официјално е потврдено: присутна е опасната бактерија Pseudomonas aeruginosa, која има сериозни последици по здравјето на човекот. Ова е страшна информација. Обвинителството мора веднаш да отвори истрага, мора да има кривична одговорност за: • Христијан Мицкоски; • Сашо Клековски; • Сите одговорни лица во институциите кои молчеа и не презедоа мерки додека беше загрозено здравјето на илјадници граѓани. Одговорноста не може и не смее да се избегне. Обвинителството мора да покаже дека законот важи за сите и веднаш да отвори истрага за овој тежок скандал. Прес конференција на Елена Радеска, СДСМТагови: Радеска Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиРКЕ: Цената на дизелот се зголемува за 1 денар, бензините поевтинуваат за 2 денари по литар13:01Се уште трае борбата со огнената стихија во кавадаречко08:53Епидемиолошката состојбата во Гостивар останува стабилна – велат од министерството за здравство15:00Вечерва во 21 часот и 54 минути почувствуван земјотрес во Скопје и околината08:56 Од крушевската република до АСНОМ – денес се одбележува 2. август празникот што ги обединува историјата и идеалите15:00
Од крушевската република до АСНОМ – денес се одбележува 2. август празникот што ги обединува историјата и идеалите15:00
МакедонијаРКЕ: Цената на дизелот се зголемува за 1 денар, бензините поевтинуваат за 2 денари по литарТрговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 1,24% во однос на одлуката од 27.7.2026 година. Референтните цени на нафтените деривати на светскиот пазар во споредба со претходната пресметка бележат намалување кај бензините во просек за 2,069%, кај дизелот зголемувањето е во просек за 4,806%, кај екстра лесното масло зголемувањето е во просек за 0,930% и кај мазутот намалување во просек за околу 4,787%. Курсот на денарот во однос на доларот во изминатиот период по кој беа формирани цените со претходната пресметка е повисок за 0,1423%. Од 05.08.2026 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС - 95 91,00 (денари/литар) Моторен бензин ЕУРОСУПЕР БС - 98 93,00 (денари/литар) Дизел гориво ЕУРОДИЗЕЛ БС (Д-Е V) 99,50 (денари/литар) Масло за горење Екстра лесно 1 (ЕЛ-1) 98,50 (денари/литар) Мазут М-1 НС 46,419 (денари/килограм) Во денешната одлука е применет намален износ на акцизата од 2,00 ден/лит кај бензините ЕУРОСУПЕР БС-95 и ЕУРОСУПЕР БС-98 и намален износ на акцизата од 4,00 ден/лит кај ЕУРОДИЗЕЛ (Д-Е V). Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 2,00 ден/лит. Малопродажната цена на ЕУРОДИЗЕЛ (Д-Е V) се зголемува за 1,00 ден/лит. Малопродажната цена на Екстра лесното масло за домаќинство (ЕЛ-1) се зголемува за 0,50 ден/лит. Малопродажната цена на Мазутот М-1 НС се намалува за 1,680 ден/кг. Напоменуваме дека ова се максималните цени на нафтените деривати од 00:01 часот на 05.08.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени. РКЕТагови: горивата РКЕ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook