Свет

Трамп од Шарм ел Шеик: Почна втората фаза од преговорите за Газа, Иран би можело да се приклучи

Американскиот претседател Доналд Трамп денес во Шарм ел Шеик изјави дека втората фаза од преговорите за решавање на конфликтот во Појасот Газа веќе е започната.

Американскиот претседател Доналд Трамп денес во Шарм ел Шеик изјави дека втората фаза од преговорите за решавање на конфликтот во Појасот Газа веќе е започната, додавајќи дека регионот на Блискиот Исток е во фаза на напредок и дека се надева дека Иран ќе се приклучи на процесот.

„Втората фаза започна, според нас. Фазите се меѓусебно поврзани и делумно се преклопуваат“, рече Трамп за време на состанокот со египетскиот претседател Абдел Фатах ел Сиси, објави Ал Џезира.

Трамп ја пофали улогата на египетскиот претседател во преговорите со Хамас, нагласувајќи дека Ел Сиси има многу важна улога.

„Соединетите Американски Држави целосно го поддржуваат“, рече американскиот претседател.

Зборувајќи за поширокиот контекст на случувањата на Блискиот Исток, Трамп изрази верување дека регионот е „во уникатен момент на напредок“, нагласувајќи дека Иран би можел да се приклучи на процесот доколку добие одредена поддршка.

„Верувам дека Иран ќе се приклучи. Им е потребна помош, и ако ја добијат, можат да бидат дел од овој процес“, рече Трамп.

Тој додаде дека без американските напади врз нуклеарните постројки на Иран, „договорот за Газа немаше да биде можен“.

Трамп, исто така, рече дека тимови се на терен во потрага по телата на израелските заложници во Газа, истакнувајќи дека „има многу урнатини во Појасот Газа“ и дека е потребна сеопфатна операција за чистење.

„Ќе видиме голем напредок на Блискиот Исток“, рече Трамп.

Египетскиот претседател Абдел Фатах ел-Сиси му се заблагодари на Трамп за неговата улога во посредувањето за прекин на огнот во Газа.

„Ова е извонредно достигнување и го цениме она што го постигна претседателот Трамп. Тој е единствениот лидер кој може да донесе мир во регионот“, рече Ел-Сиси.

Египетскиот претседател додаде дека е потребно да се обезбеди влез на хуманитарна помош во Газа и да се овозможи враќање на телата на израелските заложници на нивните семејства.

Тагови: Доналд Трамп Шарм ел Шеик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

‼️ Explosion sur la place De Brouckère, les infos que j’ai eu sur place et via les médias …

#explosion #incendie #bruxelles #Debrouckère #Incident pic.twitter.com/qaYLaL9hQA
— Yusuf Yildiz (@yyildiz1030) July 14, 2026

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.