Трамп: Не верувајте додека не видите, но нешто добро можеби се случува токму сега - Канал 5

Свет

Трамп: Не верувајте додека не видите, но нешто добро можеби се случува токму сега

„Не верувајте додека не видите, но нешто добро можеби се случува токму сега – напиша американскиот претседател Трамп на социјалната мрежа „Truth Social“ ден по разговорите во Женева кои Вашингтон и Киев ги оценија како позитивни.

Трамп: Не верувајте додека не видите, но нешто добро можеби се случува токму сега

Разговорите меѓу двете страни продолжуваат и денеска, но на техничко ниво. Сепак, покрај сигналите дека има некаков напредок детали за сега не се познати. Белата Куќа по состанокот, објави заедничка изјава на двете страни во која се наведува дека како резултат на разговорите подготвена е ажурирана и подобрена верзија на рамката за мир, а државниот секретар Марко Рубио посочи дека секој конечен договор ќе биде усогласен меѓу Трамп и Зеленски.

-Целта беше да се земат тие 28 точки или 26 точки во зависност од тоа за која верзија станува збор бидејќи тоа продолжува да еволуира, и да се обидеме да ги стесниме на тие кои се уште се водат како отворени прашања. Го постигнавме тоа на многу значаен начин. Очигледно, како секој финален договор, ќе треба да биде усогласено меѓу претседателите и има неколку прашања на кои мора да продолжиме да работиме. Но, мислам дека извештајот за денеска е дека денешниот ден се исплатеше и веројатно е најпродуктивниот ден кој сме го имале по ова прашање.- Марко Рубио – Државен секретар на САД

Клучен проблем од американскиот мировен план за украинскиот претседател Зеленски е давањето територии на Русија. Во видео обраќање на „Кримската платформа“ Зеленски предупреди дека на овој начин би се создал опасен преседан. Најави дека ќе Украина ќе продолжи да соработува со САД и ЕУ за ставање крај на војната, но повика да се почитуваат и принципите врз кои почива меѓународното право.

-Путин сака правно признавање на она што го украл, да го прекрши принципот на територијален интегритет и суверенитет. Тоа е главниот проблем. / Клучно е да се поддржат принципите врз кои стои Европа, дека границите не можат да се менуваат со сила, дека воените криминалци не смеат да и побегнат на правдата и дека агресорот мора во целост да плати за војната што ја почна. - Володимир Зеленски – Претседател на Украина

И додека САД и Украина го ажурираат текстот на мировниот план, официјален Кремљ тврди дека се уште нема добиено никакви информации, но дека ситуацијата внимателно ја следат.

-Не, сè уште не сме добиле никакви информации. Секако, внимателно ги следиме медиумските извештаи што пристигнуваат во текот на изминатите неколку дена, вклучително и од Женева. Но, сè уште не сме добиле ништо официјално.- Дмитри Песков – Портпарол на Кремљ

Во меѓувреме, Ројтерс го објави и Европскиот мировен план за Украина како одговор на американскиот план од 28 точки. Во него, дел се корегирани, а точката 3 која се однесува на проширувањето на НАТО е целосно избришана. Според европскиот предлог, Киев нема да и предаде територии на Русија, и нема де факто признавање на окупирана територија, а замрзнатите руски средства се предлага да бидат одмрзнати откако Русија ќе плати надомест на штета. Во европската верзија, не не се споменува ниту рокот од 100 дена за одржување на избори кој е наведен во американскиот план, туку се наведува тие да се организираат што е можно поскоро.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Трајков: Италија е значаен партнер во европскиот реформски процес

Заменик министерката за европски прашања, Викторија Трајков, оствари средба со амбасадорот на Република Италија, Паоло Палминтери и заменикот амбасадор Морено Зела, заменик-шеф на мисијата во Италијанската амбасада во Скопје.

Трајков: Италија е значаен партнер во европскиот реформски процес

Во фокусот на средбата беа реформите што Македонија ги реализира во рамки на Реформската агенда 2024–2027, како и тековните активности на институциите насочени кон исполнување на европските стандарди.

Заменик-министерката ги презентираше реализираните реформи и приоритетите за следниот период, истакнувајќи дека институционалната посветеност и конкретните резултати се од особено значење за напредокот во процесот на европска интеграција.

Соговорниците разговараа и за можностите за продлабочување на соработката и за искористување на искуствата и експертизата на Италија во областите релевантни за реформската агенда.

Беше потврдена заедничката определба за продолжување на отворениот дијалог и институционалната соработка во интерес на европската перспектива на Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Освојувачка на Вимблдон суспендирана до 2030 година сега ужива на Бали !

Чешката тенисерка Маркета Вондроушова, шампионка на Вимблдон во 2023 година, доби четиригодишна суспензија поради одбивање на допинг-тест надвор од натпреварување во декември 2025 година. 

Освојувачка на Вимблдон суспендирана до 2030 година сега ужива на Бали !

Меѓународната агенција за интегритет во тенисот ја објави одлуката на 22 јуни 2026 година, а суспензијата трае до 21 јуни 2030 година. Во меѓувреме, Вондроушова поднесе жалба до Судот за спортска арбитража, кој во август потврди дека ја примил нејзината жалба.

Причини за суспензијата Вондроушова објасни дека одбила да даде примерок бидејќи во тоа време била под значителен физички и психички стрес. Таа изјави дека службеното лице за тестирање пристигнало околу 20:00 часот и дека, поради околностите и – според нејзините зборови – недоволната идентификација, стравувала за својата безбедност.

Независен трибунал не ги прифати овие аргументи како доволно оправдување за одбивањето на тестот. За време на суспензијата, на Вондроушова ѝ е забрането да се натпреварува, да тренира играчи или да присуствува на официјални турнири под покровителство на ITF, WTA, ATP, Грен слем турнирите и националните федерации.

Додека го очекува исходот од својата жалба, Вондроушова слободното време го поминува на Бали. Таа објави фотографии од одморот на социјалните мрежи, вклучително и некои во бикини.

Овие слики особено ги истакнуваат бројните тетоважи на нејзиното тело – по кои чешката тенисерка е позната – како и нејзината одлично дефинирана фигура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски призна - следува тоа што го најавивме, нов ребаланс и ново задолжување

Само околу два месеца по последниот ребаланс, Мицкоски повторно најавува можност за ново прекројување на народната каса. Нема пари. 

СДСМ: Мицкоски призна - следува тоа што го најавивме, нов ребаланс и ново задолжување

Мицкоски признава дека има помалку пари од приходи, дека се зголемува дефицитот.

Обидот целиот буџетски проблем да се оправда со намалениот ДДВ за горивата е класична манипулација. Владата не се откажа од акцизата и не го намали ДДВ на горивата на 5%. Проблемот е многу поголем.

Затоа дефицитот на крајот на годината ќе биде над 900 милиони евра!

Претседателот Филипче веќе со месеци предупредува дека состојбата со државата каса е катастрофално лоша поради арамиските политики на Мицкоски и дека буџетската дупка се зголемува.

Тотален дебакл на сите економски политики на Мицкоски.

Очигледно следува нов ребаланс а со тоа со сигурност и ново задолжување, нов арамилук врз грбот на народот.

Сè што најавивме се случува. Задолжувањето од 1,3 милијарди евра е веќе на хартија.

За две години оваа власт го задолжи народот со 4 милијарди евра. Половина од долгот на државата во изминатите 35 години арамијата го направи за само 2 години. Јавниот долг е веќе околу 11 милијарди, околу 60 проценти од БДП-то.

Долговите растат а пари за поголеми плати и пензии нема. Граѓаните ја плаќаат цената за криминалната организирана група, ВМРО и арамијата Мицкоски.

Скопје, 01.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер