Трамп најави санкции кон Индија поради врските со Русија- им воведува царини од 25 проценти - Канал 5

Свет

Трамп најави санкции кон Индија поради врските со Русија- им воведува царини од 25 проценти

Индија деенска изјави дека сака да склучи фер и избалансиран трговски договор со Соединетите Американски Држави, неколку часа откако американскиот претседател Доналд Трамп изјави дека ќе воведе царини од 25 проценти за индиските стоки.

Трамп најави санкции кон Индија поради врските со Русија- им воведува царини од 25 проценти

Трамп претходно во текот на денот најави нови економски мерки против Индија, обвинувајќи ја земјата за претерано високи царини и блиски врски со Русија, велејќи дека царина од 25 проценти ќе биде воведена за индискиот извоз од 1 август, со дополнителни казни за купување руска нафта и оружје. Индија подоцна потврди дека „ги забележала“ забелешките на Трамп и дека ќе „проучи“ што точно би значело тоа.

Американскиот претседател ја опиша Индија како земја со „најтешки и најоптоварувачки немонетарни трговски бариери од која било земја“, а истовремено го истакна трговскиот дефицит на САД со јужноазиската нација од 45,7 милијарди долари.

Индија беше меѓу првите што започнаа разговори со САД

Трамп објави нови царини од 26 проценти во април, пред да го одложи нивното спроведување. Во моментов, основната стапка на царина за индиските производи извезени во САД е 10 проценти. Во исто време, Белата куќа постојано ја предупредува Индија за високите царини за увоз од САД, речиси 39 проценти за земјоделски производи и понатамошно зголемување на царините од 45 проценти за растителни масла и околу 50 проценти за јаболка и пченка.

Најнаселената земја во светот, со 1,4 милијарди луѓе, Индија беше меѓу првите економски сили што започнаа трговски разговори со американската администрација пред неколку месеци, од кои првата фаза требаше да заврши до октомври.

Индија сака да ги заштити своите национални интереси

„Индија и Соединетите Американски Држави се вклучени во преговори за склучување фер, избалансиран и меѓусебно корисен билатерален трговски договор. Ние остануваме посветени на оваа цел“, соопшти индиската влада. Таа, исто така, ја изрази својата посветеност на заштитата на благосостојбата на индиските земјоделци и претприемачи.

Индија објави дека ќе преземе сите мерки за заштита на своите национални интереси, како што направи при потпишувањето трговски договори со други земји, од кои последниот беше потпишан со Велика Британија.

Тагови: Доналд Трамп Индија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Баба Дронијак (96) не се откажува од забавите во домот и покрај заканите за исфрлање

Дури и на 96 години, Лилијан Дронијак не се одмара.

Баба Дронијак (96) не се откажува од забавите во домот и покрај заканите за исфрлање

Популарната инфлуенсерка, позната како „Баба Дронијак“ на Инстаграм и ТикТок, неодамна сподели детали за инцидент во нејзиниот дом за стари лица во САД, тврдејќи дека менаџментот се заканил дека ќе ја исели поради организирање „диви забави“.

Лилијан стекна милиони следбеници споделувајќи хумористични анегдоти од нејзиниот живот, вклучувајќи ја и нејзината љубов кон дружењето со пријателите.

@grandma_droniak i cant believe this. i have to party #partygirl #nursinghome #drama #grandma ♬ original sound - grandma_droniak

Предупредување за бучава и алкохол

Во видео што го објави, таа покажа писмо што го добила од менаџментот на домот, во кое се наведува дека може да биде иселена поради забави и пиење.

„Ме исфрлаат од домот за стари лица. Го добив ова писмо. Во него пишува дека ќе ме исфрлат ако не престанам да се забавувам“, рече Лилијан. Во писмото се детално опишани правилата на домот: „Ви пишуваме поради бројни поплаки за бучава од вашата соба. Забавите не се дозволени и не ви е дозволено да им служите алкохол на другите жители. Ова е безбедносен ризик. Иако ги охрабруваме жителите да се дружат и да уживаат во активностите во заедницата, не можеме да дозволиме диви забави. Безбедносните снимки покажуваат луѓе како ја напуштаат вашата соба во 1 часот наутро минатиот вторник.“

Во писмото, исто така, се предупредува дека „континуираните инциденти од ваков вид“ може да резултираат со ограничен пристап до заедничките простории и „да доведат до понатамошно преиспитување на вашиот статус на престој во заедницата.“

И покрај предупредувањето, Лилијан не се откажа. Таа им рече на своите следбеници: „Плаќам 12.000 долари месечно за да живеам тука. Претпоставувам дека можам да се забавувам ако сакам.“ Таа додаде: „Моите пријатели доаѓаат вечерва. Ќе пиеме неколку пијалоци и ќе озборуваме. Не е забава, но стануваме гласни.“

Тагови: дом за стари лица Баба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тешки трговски разговори меѓу ЕУ и Кина, Брисел постави рок за договор

Еврокомесарот за трговија Марош Шефчович се сретна со кинескиот министер за трговија Ванг Вентао во Брисел, велејќи дека сака опипливи резултати од трговските разговори до октомври.

Тешки трговски разговори меѓу ЕУ и Кина, Брисел постави рок за договор

Разговорите беа „интензивни, фокусирани и конструктивни“, изјави Шефчович за новинарите во понеделник, додавајќи дека двете национални делегации ќе продолжат со разговорите во текот на вечерта.

„Сметаме дека до октомври нашите тимови имаат доволно време да постигнат опипливи резултати“, рече тој. Ванг го покани да го посети Пекинг во октомври.

Спротивни ставови

Шефчович инсистираше дека ЕУ сака разговорите да се фокусираат на растечкиот трговски јаз. „Кинескиот извоз во ЕУ продолжува да расте, додека нашиот пазарен удел во Кина продолжува да се намалува. Овој тренд не е одржлив и статус кво не е опција“, рече тој.

Шефчович рече дека двете страни формирале групи за да разговараат за трговскиот баланс, контролата на извозот, интелектуалната сопственост и реформата на СТО.

Кина ја уверува ЕУ дека контролата на извозот на ретки метали нема да ги наруши синџирите на снабдување на ЕУ, рече тој.

Лидерите на Европската унија побараа од Комисијата, задолжена за трговските односи на блокот, да ги оствари резултатите од дијалогот со Кина, бидејќи нејзиниот трговски суфицит со ЕУ достигна 360,6 милијарди евра во 2025 година, што претставува зголемување од 15 проценти во споредба со 2024 година. Суфицитот се зголеми за 10 проценти во првите четири месеци од оваа година.

Извор: Индекс.хр

Тагови: ЕУ Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Возач на камион изгуби контрола на патот во Петриња, речиси се судри со автобус (ВИДЕО)

Видео, очигледно снимено во Петриња, се шири на социјалните мрежи и го прикажува загрижувачкото, лудо возење на возач на камион.

Возач на камион изгуби контрола на патот во Петриња, речиси се судри со автобус (ВИДЕО)

Наводно на човекот му се слошило и откако видеото било снимено, излетал од патот.

Полицијата сè уште не дала коментар за несреќата.

На видеото, возачот го ниша камионот и речиси се судри челно со автобус што доаѓа од спротивната насока. „Не автобусот, не автобусот“, велат девојките што го снимаат видеото.

Возачот постојано преминува во спротивната лента и скршнува од патот кон тревната површина и тротоарот.

Девојките на видеото прашуваат каде се полицајците и кажуваат како ги повикале претходно.

@hrvojetremljan ♬ izvorni zvuk - Hrvoje Tremljan

Извор: Индекс.хр

Тагови: камион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер