Трамп најави договор за Гренланд, Европа во неизвесност - Канал 5

Свет

Трамп најави договор за Гренланд, Европа во неизвесност

Постигната првична рамка за иден договор помеѓу САД и НАТО за иднината на Гренланд, а тарифите за европските држави се откажуваат, соопшти американскиот претседател Доналд Трамп.

Трамп најави договор за Гренланд, Европа во неизвесност

Постигната првична рамка за иден договор помеѓу САД и НАТО за иднината на Гренланд, а тарифите за европските држави се откажуваат, соопшти американскиот претседател Доналд Трамп по вчерашниот состанок зад затворени врати со генералниот секретар на НАТО, Марк Руте. Трамп не сподели детали за договорот, но според неговите најави, островот ќе се вклучи во американскиот план за противракетен систем „Златна купола„ а право на екстракција на неговите ретки земјени суровини ќе добие и Америка.

-Имаме концепт на договор, мислам дека ќе биде многу добар договор за САД и за нив. Ќе работиме заеднички на нешто кое се однесува на целосниот Арктик но и Гренланд. Се работи за безбедност, голема и силна безбедност и други работи. Ги откажавме (тарифите) бидејќи се чини дека имаме концепт на договор.

Договор за сопственост?

Малку е комплицирано, но ќе го објасниме понатаму.--Доналд Трамп, претседател на САД.

Трамп посочи дека овој договор ќе нема временско ограничување, односно како што рече, ќе трае вечно.

Руте пак изјави дека разговорите со Трамп биле фокусирани на поголемо присуство на НАТО во Арктичкиот регион а суверенитетот на Гренланд и експлоатација на минерали всушност не биле дискутирани за време на средбата. Преговорите за Арктичкиот остров ќе продолжат меѓу САД, Данска и Гренланд, потенцираше Руте. И Данската премиерка Мете Фредериксен ја поздрави оваа средба, но нагласи дека суверенитетот на островот не бил дел од преговорите.

ТОНСКО Марк Руте, генерален секретар на НАТО

Се договоривме седумте земји од крајниот север заедно со САД да го заштитуваат (Арктикот) од непријателите и во ова НАТО ќе биде многу вклучен.

Дали суверенитетот на Гренланд е обезбеден?

Знаеме дека данците се сосема отворени за можноста да имаат поголемо американско присуство на Гренланд и Гренланд е отворен за тоа. Сметам дека е добро овие дискусии да се одвиваат помеѓу нив, бидејќи јас не можам да преговарам од името на никој.

Иако Трамп увери дека ја исклучува употребата на сила за превземање на Гренланд и ги откажа тарифите, итниот состанок на европските лидери на која тие треба да усогласат заеднички одговор, ќе се одржи вечерва во Брисел. Според водечките светски медиуми, тензичната ситуација со Гренланд предизвикала промена на односот на Европската унија кон САД, која според тврдењата на медиумите, веќе не е сигурна дека САД е доверлив и сигурен партнер на ЕУ.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер