Трамп на „Truth Soсial“ се претстави како американски и в.д. претседател на Венецуела - Канал 5

Свет

Трамп на „Truth Soсial“ се претстави како американски и в.д. претседател на Венецуела

Американскиот претседател Доналд Трамп денеска на својата социјална мрежа Truth Social објави слика - симулација на неговата страница на Википедија, на која е напишано дека тој е и вршител на должноста претседател на Венецуела.

Трамп на „Truth Soсial“ се претстави како американски и в.д. претседател на Венецуела

На сликата што Трамп ја сподели на мрежата е напишано дека тој е 45-ти и 47-ми претседател на САД, но и вршител на должноста претседател на Венецуела - од јануари 2026 година.

Британскиот весник Индипендент проценува дека станува збор за шега на сметка на привремената претседателка на Венецуела, Делса Родригез, која ја презеде функцијата откако американските сили го нападнаа Каракас на 3 јануари и го заробија шефот на државата, Николас Мадуро, и неговата сопруга, Силија Флорес.

Мадуро беше однесен во Њујорк, каде што му се суди по обвиненија за наркотероризам. Мадуро се изјасни за невин на суд и инсистираше дека сè уште е законски лидер на Венецуела.

По кратката воена операција во Каракас, Трамп објави дека Вашингтон ќе „управува“ со Венецуела сè додека земјата не се стабилизира доволно за да одржи слободни и фер претседателски избори.

Американските власти потоа објавија дека вакуумот во власта во Венецуела привремено ќе биде пополнет од „мал комитет“ предводен од американскиот државен секретар Марко Рубио и дека Трамп ќе биде „силно вклучен“.

Вашингтон ја предупреди Делса Родригез дека треба да соработува со комитетот, а Трамп потоа рече дека се откажал од втор бран напади врз Венецуела затоа што привремената претседателка го правела она што се очекувало од неа.

Трамп разговараше за управувањето со природните ресурси на Венецуела со раководители од големите американски нафтени компании, но извршниот директор на ЕксонМобил, Дарен Вудс, му рече дека смета дека земјата „не е погодна за инвестиции“ во овој момент. Трамп вчера им рече на новинарите дека „веројатно нема да го вклучи Ексон“ затоа што „не му се допаднал нивниот одговор“.

Американскиот претседател вчера, преку неговаста мрежа ѝ се закани и на Куба, објавувајќи дека во иднина нема да може да смета на поддршката од Венецуела и дека Рубио би можел да биде назначен за следниот лидер на оваа комунистичка земја во Карипското Море.

„Куба живееше многу години од големи количества нафта и пари од Венецуела. Куба, пак, им обезбедуваше „безбедносни услуги“ на последните двајца венецуелски диктатори, но повеќе нема“, напиша Трамп.

Тагови: Венецуела Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тероростички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Најмалку пет лица се убиени, а десет се ранети во пукотница во близина на главниот плоштад во полскиот град Краков, јавува ТВН 24, а пренесува Ројтерс.

Тероростички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Полскиот премиер Доналд Туск напиша на X дека полицијата го истражува инцидентот и дека добива информации од Министерството за внатрешни работи.

Според Би-Би-Си, меѓу ранетите има и полицајци.

Според полицијата, луѓето биле застрелани на случаен избор од маж кој отворил оган со автоматско оружје од автомобил.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Поддржувачите на Албанската демократска партија денес започнаа марш од седиштето на партијата до кабинетот на премиерот, како дел од протестот против владата, објави албанскиот „Евроњуз“.

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Демонстрантите, предводени од пратениците Фламир Нок, Агрон Џекмарк и други, се придружија на студентските протести составени од млади луѓе од различни градови во земјата.

Тие ги повикаа граѓаните, професорите и другите да им се придружат, нагласувајќи дека продолжуваат да ги отфрлаат повеќекратните понуди за дијалог од албанскиот премиер Еди Рама.

YouTube video

Рама, исто така, создаде онлајн платформа чија цел, како што изјави, е да служи како простор за комуникација првенствено со студентите, но и со другите граѓани.

Според него, платформата е „функционален мост“ отворен 24 часа на ден, преку кој можат да се испраќаат прашања, критики и предлози.

Тој рече дека нема забранети прашања и дека сака да разговара со студентите.

Академиците постојано го отфрлаат повикот на Рама за дијалог, кој беше придружен со предлог за одржување состаноци пред зградата на владата.

Платформата предвидува одржување на доверливоста на корисниците, додека пристапот се остварува преку идентификација на порталот е-Албанија.

„Се очекува пораките од пошироко значење да добијат јавни одговори, додека индивидуалните проблеми ќе бидат проследени до надлежните институции“, пишува „ Albanian post “.

Тагови: Албанија Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција размислува за создавање стратешки резерви на жито

Француската влада разгледува можност за формирање стратешки резерви на жито поради растечката меѓународна нестабилност и потребата од поголема сигурност во снабдувањето со храна. 

Франција размислува за создавање стратешки резерви на жито

Министерката за земјоделство Ани Женвард побарала до крајот на месецот да ѝ бидат доставени конкретни предлози.

Франција имала стратешки резерви на храна по Втората светска војна, но системот бил укинат во 1950-тите години. Сега властите повторно ја разгледуваат оваа можност.

Според РТЛ, во земјата има околу 4.500 силоси за жито, чии капацитети би биле доволни за покривање на основната потрошувачка во период од еден месец во случај на воен судир. Сепак, нивните сопственици немаат ограничувања за извоз на житото, објектите не се оградени ниту обезбедени, а нивните адреси се јавно достапни.

„Денес стратешки резерви се создаваат низ цела Европа, во секоја европска држава освен Франција. Тоа е чисто лудило“, изјави за РТЛ Ерик Тироен, претседател на Здружението на производители на жито АГПБ. Тој оцени дека безбедноста на снабдувањето со храна е исклучително важна и дека резервите се неопходни.

Тагови: жито Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер