Трамп: Мировниот план за Украина е флексибилен, Москва се согласи на отстапки, а конечниот рок е „кога сè ќе заврши“ - Канал 5

Свет

Трамп: Мировниот план за Украина е флексибилен, Москва се согласи на отстапки, а конечниот рок е „кога сè ќе заврши“

Американскиот претседател Доналд Трамп изјави дека е оптимист за мировниот план за Украина и притоа се откажа од крајниот рок, поставен до Киев за прифаќање на предлогот. 

Трамп: Мировниот план за Украина е флексибилен, Москва се согласи на отстапки, а конечниот рок е „кога сè ќе заврши“

Трамп најави напредок во преговорите, нагласувајќи дека Москва се согласила на отстапки и дека целата рамка е флексибилна, опишувајќи ја како „само мапа“.

Трамп им изјави на новинарите во претседателскиот авион „Ер Форс Еден“ на пат кон Флорида, каде што ќе го прослави Денот на благодарноста, дека преговарачите постигнуваат напредок во консултациите со Русија и Украина. Во врска со рокот, Трамп рече дека нема поставено фиксен краен рок.

- Крајниот рок за мене е, кога сè ќе заврши, потенцираше Трамп и забележа дека „на сите им е преку глава од борби во овој момент“.

Американскиот претседател пред новинарите го бранеше првичниот предлог на САД од 28 точки, опишувајќи го како „само мапа“, а не како финализиран план. - Ја земаа секоја од 28-те точки, а потоа дојдоа до 22 точки. Многу од нив беа решени, и всушност решени многу поволно, рече тој.

Првично претставената американска рамка наиде на критики во Европа и во Украина дека е силно наклонета во корист на руските интереси, предизвикувајќи стравувања дека администрацијата на Трамп може да ја принуди Украина да потпише мировен договор. Киев и Вашингтон сега соопштија дека украинската Влада се согласила со клучните точки од ревидираната рамка.

Прашан за загриженоста дека Украина може да биде притисната да направи прекумерни територијални отстапки, Трамп рече дека земјата за која станува збор „веројатно ќе биде заземена од Русија и онака“ во наредните месеци. Тој додаде дека и Москва ќе направи отстапки, вклучително и прекин на борбите и воздржување од заземање „повеќе земја“, но не прецизираше какви отстапки.

Тој, исто така, забележа дека се чини дека Русија има предност во војната и дека е во интерес на Украина да постигне договор. Во моментов се водат преговори со европските земји за безбедносните гаранции за Украина.

Трамп претходно најави дека специјалниот пратеник на САД, Стив Виткоф, ќе отпатува за Москва на средба со претседателот Владимир Путин, додека претставникот на Пентагон, Даниел Дрискол, ќе одржи паралелни разговори со Украина. Средбата во Москва би можела да се случи следната недела, со можно учество на зетот на Трамп, Џаред Кушнер.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активен е пожарот во с.Грешница во Македонски Брод, под контрола се пожарите во депонијата Делчево и во гостиварско

До 7 часот и 30 минути денеска на територијата на Македонија се регистрирани вкупно 23 пожари на отворен простор, од кои еден е активен, два се под контрола, а 20 пожари се изгаснати.

Активен е пожарот во с.Грешница во Македонски Брод, под контрола се пожарите во депонијата Делчево и во гостиварско

Информира утрово Центарот за управување со кризи. Активен е пожарот во местото Стојанова населба во село Грешница во општината Македонски Брод, каде што гори ниска вегетација, деградирана шума и грмушки.

Под контрола е пожарот на депонијата во Делчево и пожарот во гостиварското село Паталишта, каде што е зафатена ниска вегетација и нискостеблеста шума.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Двајца мртви, вклучувајќи го и вооружениот напаѓач, во пукотница во училиште во Тајланд

Во пукотница во училиште во Тајланд двајца се убиени, вклучувајќи го и вооружениот напаѓач,, соопштија официјални лица.

Двајца мртви, вклучувајќи го и вооружениот напаѓач, во пукотница во училиште во Тајланд

Еден наставник е убиен, а најмалку четири други лица се повредени од ученик кој отворил оган во училиштето пред да се самоубие, соопштија властите.

Полицијата ги потврди жртвите и рече дека осомничениот вооружен напаѓач извршил самоубиство. Меѓу повредените има еден наставник и четворица ученици, рече тој.инцидентот се случил северно од бангкок. Во февруари во слично вакво пукање еден наставник почина, а еден ученик беше повреден во јужен тајланд, откако вооружен човек отвори оган во училиште .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нов најскап трансфер во историјата на Реал Мадрид, Јан Диоманде станува „Крал“

Реал Мадрид го потврди трансферот на Јан Диоманде од РБ Лајпциг, со што е финализиран договор што би можел да стане најскапиот во историјата на клубот.

Нов најскап трансфер во историјата на Реал Мадрид, Јан Диоманде станува „Крал“

Преодниот рок влегува во својата завршна фаза, а на фудбалскиот пазар секојдневно се склучуваат интересни зделки. Реал Мадрид го потврди трансферот на Јан Диоманде од РБ Лајпциг, со што е финализиран договор што би можел да стане најскапиот во историјата на клубот.

Реал Мадрид и РБ Лајпциг постигнаа договор за трансферот на Јан Диоманде. Клубот во официјално соопштение потврди дека 19-годишното крило потпишало договор со важност до јуни 2033 година. Фабрицио Романо претходно објави фотографија од Диоманде како патува за Мадрид со своите агенти, а вкупната вредност на трансферот, вклучувајќи ги и бонусите, се проценува на 140 милиони евра.

Доколку се потврдат овие бројки, Диоманде ќе стане најскапиот играч во историјата на Реал, надминувајќи ги Џуд Белингем (127 милиони евра) и Еден Азар (120,8 милиони евра).

Минатата сезона, фудбалерот од Брегот на Слоновата Коска забележа 36 настапи, 13 гола и 10 асистенции за Лајпциг, а „Трансфермаркт“ ја проценува неговата вредност на 90 милиони евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер