Трамп: Ќе продолжам да се борам за мир во Украина - Канал 5

Свет

Трамп: Ќе продолжам да се борам за мир во Украина

Вчера Трамп најави дека во наредните денови планира да учествува во разговори за војната, по неуспешната средба со Путин во Алјаска.

Трамп: Ќе продолжам да се борам за мир во Украина

Американскиот претседател Доналд Трамп изјави дека ќе продолжи да се залага за постигнување мирно решение меѓу Москва и Киев, и покрај зголемените сомнежи за можноста за директни преговори меѓу рускиот претседател Владимир Путин и украинскиот лидер Володимир Зеленски во блиска иднина.

„Нешто ќе се случи, но тие (Путин и Зеленски) сè уште не се подготвени за тоа. Но, нешто дефинитивно ќе се случи. Ние имаме намера да го овозможиме тоа , рече Трамп во интервју за телевизијата „Си-Би-Ес Њуз“.

Вчера Трамп најави дека во наредните денови планира да учествува во разговори за војната, по неуспешната средба со Путин во Алјаска.

Според официјален претставник на Белата куќа, се очекува Трамп денеска телефонски да разговара со Зеленски.

Од друга страна, Путин вчера изјави дека е подготвен да се сретне со Зеленски доколку украинскиот лидер дојде во Москва, но нагласи дека таква средба мора да биде внимателно подготвена и да донесе конкретни резултати. Украинскиот министер за надворешни работи ја отфрли можноста за преговори во руската престолнина.

Трамп во интервјуто за Си-Би-Ес изрази жалење за „масакрот“ меѓу Русија и Украина, додавајќи дека ќе продолжи да се бори за мирно решение. - Мислам дека ќе успееме да ги надминеме сите разлики. Искрено, мислев дека ќе биде полесно да се договорам со руската страна отколку со другите, но работите со нив се покажаа малку покомплицирани, рече тој.

Американскиот претседател изрази незадоволство што не може да ги запре борбите во Украина, кои започнаа со руската инвазија во февруари 2022 година. Првично, тој предвидуваше дека ќе ја прекине војната веднаш по стапувањето на функцијата во јануари.

Коментирајќи ги вчерашните снимки од заедничкото присуство на Путин, кинескиот претседател Си Џинпинг и севернокорејскиот лидер Ким Џонг-ун на парада во Пекинг, Трамп истакна дека има „добри односи“ со секој од нив. - Разбирам зошто го направија тоа. Сакаа да видам, и јас видов. Односите со сите нив mi се многу добри. Во следните две недели ќе видиме до кој степен се навистина добри, додаде тој.

Трамп нагласи дека не се стреми кон Нобелова награда за мир, туку само сака да стави крај на крвопролитијата во светот. - Не се борам за награди, туку за да престанат конфликтите, заклучи американскиот претседател.

Тагови: Доналд Трамп САД - Русија - Украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер