Трамп ќе го посети „Алигаторскиот Алкатраз“ - центар за притвор на мигранти во Флорида - Канал 5

Свет

Трамп ќе го посети „Алигаторскиот Алкатраз“ - центар за притвор на мигранти во Флорида

Американскиот претседател Доналд Трамп денеска ќе го посети новиот, оддалечен центар за притвор на мигранти во Флорида, соопшти Белата куќа.

Трамп ќе го посети „Алигаторскиот Алкатраз“ - центар за притвор на мигранти во Флорида

Објектот се наоѓа на писта во Националниот парк Еверглејдс во најјужниот дел од државата.

Белата куќа посочи дека новиот центар ќе биде исклучително безбеден, со оглед на фактот дека е „опкружен со алигатори“.

Објектот, кој се наоѓа 80 километри западно од Мајами, може да прими до 5.000 луѓе.

Создавањето на центарот предизвика протести поради неговото потенцијално влијание врз деликатниот екосистем во областа и критики дека Трамп сака да испрати остра порака до потенцијалните мигранти. Некои локални лидери на Индијанците, исто така, се спротивставија на изградбата на објектот, тврдејќи дека земјата е света.

Центарот се наоѓа во мочурлива област преполна со комарци, питони и алигатори.

Објектот веќе го доби прекарот „Алигаторски Алкатраз“, по митскиот затвор на остров во близина на Сан Франциско, Калифорнија, од кој бегството се сметаше за речиси невозможно.

На почетокот на мај, американскиот претседател ја објави својата намера повторно да го отвори Алкатраз.

Строгите гранични мерки и строгата имиграциска политика долго време се политички заштитен знак на Трамп.

Тагови: Доналд Трамп

Македонија

ЦУК: Вчера евидентирани рекордни 4.199 повици на бројот 112, најмногу за пожарна и за полиција

На единствениот број за итни случаи 112 вчера се регистрирани досега рекордни во еден ден 4.199 повици, објави Центарот за управување со кризи (ЦУК).

ЦУК: Вчера евидентирани рекордни 4.199 повици на бројот 112, најмногу за пожарна и за полиција

Од нив, 711 биле за услуга каде што биле активирани институции за интервенција.

За полицијата биле 286 повици или 40,2 отсто од вкупниот број, Итната медицинска помош преку бројот 112 била побарана 72 пати, што е 10,1 отсто од вкупниот број на повици, а за противпожарната служба биле 41,7 проценти од повиците, односно вкупно 297.

Центарот за управување со кризи добил 54 повици, а Автомото сојузот на Македонија два повика.

Тагови: ЦУК

Регион

Министерот за надворешни работи на Бугарија, го нарече Мицкоски „сeверномакедонски“ премиер

„Успеавме да спречиме ЕП да се користи за домашна политичка пропаганда на Мицкоски. Северномакедонскиот премиер очигледно не е возбуден од позитивниот развој на неговата земја, туку води битка со сугестии кои се неплодни.“

Министерот за надворешни работи на Бугарија, го нарече Мицкоски „сeверномакедонски“ премиер

За бугарските политичари вчерашното гласање за Извештајот на напредокот на Македонија, во Европскиот парламент е како победа. Министерот за надворешни работи на Бугарија, Георг Георгиев во интервју за БТВ се пофали дека неговата држава станала фактор во Европската Унија и во регионот, со став дека Македонија тоа треба да го има предвид.

Зборувајќи за премиерот Христијан Мицкоски, тој го нарече „северномакедонски“ премиер.

„Успеавме да спречиме ЕП да се користи за домашна политичка пропаганда на Мицкоски. Северномакедонскиот премиер очигледно не е возбуден од позитивниот развој на неговата земја, туку води битка со сугестии кои се неплодни.“изјави Георг Георгиев во интервју за БТВ .

Овој став на Георгиев доаѓа по извештајот на Европскиот парламент, од кој беа избришани зборовите „македонски јазик и идентитет“.

Тагови: Бугарија Христијан Мицкоски

Македонија

Герасимовски: Општина Центар го промовира културниот идентитет, пријавете се на повикот за афирмација на значајни личности и настани

Општина Центар објави Јавен повик за реализација на проектот „Одбележување на настани и личности“, со цел афирмација на македонската култура и историја.  

Герасимовски: Општина Центар го промовира културниот идентитет, пријавете се на повикот за афирмација на значајни личности и настани

„Во рамки на овој проект предвидено е организирање настани посветени на истакнати личности од Општина Центар, кои твореле и делувале во сите сфери на животот и оставиле трага во својата професија, како и одбележување на јубилеи на значајни настани од нашето културно и историско наследство. Преку ваквите настани се промовира автентичноста и богатата традиција на нашата општина“, посочи градоначалникот на Општина Центар, Горан Герасимовски.

На повикот може да се пријават поединци, здруженија и правни субјекти што работат во областа на културата, уметноста или маркетингот, со седиште или живеалиште во Општина Центар. Потребно е да имаат најмалку една година активно дејствување и искуство во организација на слични настани.

Заинтересираните можат да аплицираат по пошта на адреса: Општина Центар – Скопје, ул. „Михаил Цоков“ бр. 1, или лично во архивата (барака 6), од 09:00 до 15:00 часот

Рокот за пријавување e 5 дена од објавувањето на повикот на веб-страницата на Општина Центар, повеќе информации на https://www.centar.gov.mk/?p=25928

Општина Центар

Тагови: Општина Центар
притисни ентер