Свет

Трамп ќе го одликува Руди Џулијани со Претседателски медал на слободата

Трамп го нарече Џулијани „најголемиот градоначалник во историјата на Њујорк и подеднакво голем американски патриот“.

Американскиот претседател Доналд Трамп синоќа објави дека ќе го додели Претседателскиот медал на слободата на поранешниот градоначалник на Њујорк, Руди Џулијани. Одлуката следува само два дена откако Џулијани беше хоспитализиран по сообраќајна несреќа во Њу Хемпшир.

Претседателскиот медал на слободата се смета за највисоко цивилно признание во САД. Тој традиционално се доделува на личности што дале исклучителен придонес во напредокот, вредностите или безбедноста на земјата, во светскиот мир или во други значајни општествени и јавни заложби.

Во објава на Трут Соушл, Трамп го нарече Џулијани „најголемиот градоначалник во историјата на Њујорк и подеднакво голем американски патриот“. „Детали за времето и местото ќе бидат соопштени дополнително“, напиша тој.

Џулијани беше градоначалник на Њујорк од 1994 до 2001 година и беше нарекуван „Сеамерикански градоначалник“ по неговата улога во справувањето со нападите на 11 септември 2001 година.

Во последните години, тој работеше како адвокат и ја поддржуваше кампањата на Трамп за оспорување на резултатите од претседателските избори во 2020 година. Во 2023 година, Џулијани призна дека дал клеветнички изјави за двајца изборни работници во Џорџија, лажно обвинувајќи ги дека се обидуваат да помогнат во „кражбата“ на изборите во корист на демократот Џо Бајден. Во јануари годинава, федерален судија го прогласи за виновен за непочитување на судот поради тоа што не доставил информации за својата имотна состојба кои би можеле да се искористат за исплата на пресудата за клевета.

Во саботата навечер, автомобилот во кој патувал Џулијани бил удрен одзади со голема брзина. Тој се здоби со полесни повреди и беше задржан во болница. Неговиот портпарол Мајкл Рагуса соопшти на социјалните мрежи дека „се чувствува добро и одлично се опоравува“, додавајќи дека судирот „не бил насочен напад“.

Тагови: Доналд Трамп Руди Џулијани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска продолжува судењето за дискотеката „Пулс“

Денеска продолжува судењето за дискотеката „Пулс“.

Судскиот процес го води судијката Дијана Груевска-Илиевска, а обвинението го застапува тим од 15 јавни обвинители.

Пожарот во дискотеката „Пулс“ во Кочани се случи на 16 март 2025 година за време на концерт на групата ДНК. Во трагедијата загинаа 63 лица, а над 200 беа повредени, што претставува една од најтешките несреќи во поновата историја на државата,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

МНТ: Награда за режија за Нела Витошевиќ и три признанија за „Змеј“ на меѓународната сцена

Претставата „Змеј“, во режија на Нела Витошевиќ и продукција на Младинско гледалишче од Љубљана (МГЛ), освои три награди на Меѓународниот фестивал „Театар на раскрсница“.

Жирито, предводено од Ирфан Менсур, ѝ ја додели наградата за најдобра режија на Нела Витошевиќ. Признанието за најдобра сценографија му припадна на Игор Васиљев, а за најдобра костимографија беше наградена Јелена Проковиќ.

Витошевиќ ја истакна важноста на заедничкиот придонес на сите учесници во создавањето на претставата, упатувајќи благодарност до директорката на МГЛ, членовите на жирито, актерскиот ансамбл, како и до авторскиот и техничкиот тим. Таа нагласи дека успехот е резултат на посветеноста и соработката на целата екипа.

Најновата режија на Витошевиќ во нејзиниот матичен театар, Македонскиот народен театар, е претставата „Три сестри“ - современо сценско читање инспирирано од истоименото дело на Чехов, кое наиде на одличен прием кај публиката.

Интересот за претставата го потврдува и исполнетата сала на секоја изведба, позиционирајќи ја како едно од најактуелните остварувања на репертоарот на МНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Николоски - Акташ: Македонија и Турција имаат одлична соработка, економијата, туризмот и поврзувањето се областите од интерес на двете земји

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ.

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ, на која беа разгледани билатералните односи меѓу двете земји, како и можностите за унапредување на меѓусебната соработка.

Посебен акцент беше ставен на трговската размена и економската соработка, особено во областа на транспортната политика и инфраструктурното поврзување.

На средбата, министерот ги претстави развојните политики на Владата и плановите за подобрување на инфраструктурната поврзаност во регионот.

Николоски нагласи дека Македонија претставува поволна дестинација за инвестиции и претставува порта за поврзувањето со Централна Европа.

Во таа насока, беше истакнато дека присуството на голем број турски компании кои инвестираат во земјава претставува потврда за развиените пријателски односи меѓу двете држави, како и за потенцијалот за натамошно унапредување на економското партнерство.

Соговорниците ја потврдија важноста на продолжувањето на соработката меѓу Македонија и Турција во повеќе области, со посебен акцент на економијата, поврзувањето на граѓаните и развојот на туризмот.

Во делот на туризмот, беше нагласено дека постојат огромни потенцијали за поврзување меѓу двете земји, со цел поттикнување на туристичките посети и продлабочување на меѓусебните врски.

Средбата претставува можност за зајакнување на партнерството меѓу Македонија и Турција, во интерес на економскиот развој, новите инвестиции и унапредувањето на севкупните билатерални односи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.