Свет

Трамп: Иран е воено слаб, но „добар“ во ширење лажни информации,НАТО се соочува со „многу лоша“ иднина ако не помогне околу Иран

Претседателот на Соединетите Американски Држави, Доналд Трамп, денеска изјави дека воено Иран е неефикасен и слаб, но „добар“ во објавување лажни информации.

„Иран одамна е познат како мајстор на медиумска манипулација и односи со јавноста. Воено се неефикасни и слаби, но се навистина добри во ‘хранење’ со лажни информации на медиумите што живеат од лажни вести. Сега вештачката интелигенција стана уште едно оружје на дезинформации што Иран го користи прилично успешно, имајќи предвид дека секојдневното се уништуваат“, вели Трамп во постот објавен на социјалната мрежа „Truth Social’.

Американскиот претседател го обвини Техеран дека прикажал лажни „камиказе чамци“ како отвораат оган кон разни бродови на море, што навидумм како што вели, „изгледа прекрасно, моќно и жестоко“, притоа посочувајќи дека тие чамци воопшто не постојат и оти сето тоа се лажни информации за да се прикаже колку е „силна“ веќе поразената иранска војска.

„Петте американски авиони-танкери што наводно биле соборени и тешко оштетени, според лажните извештаи на ‘The Wall Street Journal’ и други, сите се во употреба, со исклучок на еден кој наскоро повторно ќе лета. Објектите и бродовите прикажани како горат - се тоа се лажни вести, генерирани од вештачка интелигенција“, рече Трамп.

Според неговите зборови, Иран го прикажал американскиот носач на авиони „Абрахан Линколн“како неконтролирано гори во океанот.

„Не само што не гореше, туку кон него воопшто не беше ни пукано. Тое е свесно лажирана проказна, а медиумите што ја генерирале треба да бидат обвинети за предавство поради ширење лажни информации“, наведе тој.

Трамп заклучи дека Иран е десеткуван и оти единствените битки што ги добива се оние што ги создава преку вештачка интелигенција, а кои ги дистрибуираат корумпирани медиуми.

Трамп: НАТО се соочува со „многу лоша“ иднина ако не помогне околу Иран

Американскиот претседател Доналд Трамп сугерираше дека НАТО може да има „многу лоша“ иднина доколку сојузниците не помогнат да се осигури безбеден премин за комерцијалните бродови низ Ормускиот теснец, кој е од витално значење за глобалниот транспорт на нафта, јави доцна синоќа Фајненшл Тајмс.

- Сосема е соодветно луѓето кои се корисници на теснецот да помогнат да се осигури дека таму нема да се случи ништо лошо – го цитираше ФТ Трамп во осумминутниот телефонски разговор.

- Ако нема одговор или ако одговорот е негативен, мислам дека тоа ќе биде многу лошо за иднината на НАТО – изјави Трамп за ФТ, нагласувајќи дека, за разлика од Соединетите Американски Држави, Европа и Кина се силно зависни од нафтата од Заливот.

Само еден ден претходно, Трамп повика „многу земји“ да обезбедат воена поддршка за да помогнат во обезбедувањето сигурен премин за комерцијалните бродови низ теснецот.

Сообраќајот низ тесниот воден пат речиси колабираше поради безбедносни грижи по американско-израелските напади врз Иран и одговорот на Техеран. Околу една петтина од глобалните пратки на нафта вообичаено поминуваат низ теснецот секој ден.

- Ги удираме многу силно – рече Трамп за ФТ во врска со Иран, пренесе ДПА.

- Не им преостана ништо друго освен да прават мали проблеми во теснецот, но овие луѓе (сојузниците) се корисници и треба да ни помогнат во полициското обезбедување. Ние ќе им помогнеме. Но, и тие треба да бидат таму. Потребни се многу луѓе за да пазат на неколкумина – додаде американскиот претседател.

Трамп исто така навести дека САД „може да го одложат“ очекуваното патување во Кина на самит со кинескиот лидер Шји Џјинпинг, за кој медиумските извештаи укажуваа дека би можел да се одржи кон крајот на март.

- Мислам дека и Кина треба да помогне бидејќи Кина добива 90 отсто од својата нафта од теснецот – рече Трамп. „Би сакале да знаеме тоа пред тоа. Тоа (две недели) е долго време“, го цитираше ФТ американскиот претседател.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Можете ли да го користите телефонот додека се полни?

И дали треба да ја оставите батеријата целосно да се испразни пред повторно полнење?

Денес, толку сме приврзани за нашите паметни телефони што чувствуваме потреба да ги користиме дури и додека се полнат. Но, можеби се прашувате дали користењето на телефонот додека се полни може да влијае на животниот век на батеријата.

Краткиот одговор е не. Иако вашиот телефон може да се полни побавно ако не го оставите сам да го заврши процесот, користењето на телефонот додека се полни генерално не влијае на животниот век на батеријата. Ова во голема мера се должи на технологијата за полнење со бајпас и системите за дисипација на топлина.

Со полнењето со бајпас, кога ќе го вклучите телефонот во полнач и ќе продолжите да го користите, вашиот телефон ја пренасочува енергијата од полнењето на батеријата кон директно стартување на апликациите, ефикасно паузирајќи го полнењето. Ова обезбедува добро корисничко искуство, но исто така ја штити батеријата на вашиот телефон од топлина што може да ја оштети. Користењето на телефонот за тешки активности, како што е играње игри, може да предизвика уредот да се прегрее, па оваа функција помага да се спречи тоа.

Недостатокот е што кога ќе го исклучите телефонот по напорна активност како што е видео монтажа или играње игри, процентот на батеријата веројатно нема да се зголеми многу, ако воопшто се зголеми. Тоа е затоа што енергијата оди директно до уредот за да го напојува, а не до батеријата.

Еден од првите примери за премостено полнење беше на „Sony Xperia 1 II“ во 2020 година, наречен „Heat Suppression Power Control“. Денес, оваа функција е достапна на многу врвни паметни телефони од водечки брендови, вклучувајќи ги „Samsung“, „Google“, „Xiaomi“ и „ZTE“. Сепак, имајте на ум дека „Apple iPhone“ сè уште не ја поддржува оваа функција. Дури и без неа, вашиот телефон ќе се полни побавно ако го користите додека е на полначот. Ако забележите дека вашиот телефон се прегрева, престанете да го користите за да спречите оштетување на батеријата. Повеќето модерни телефони имаат напредно управување со батеријата и системи за дисипација на топлина кои помагаат во контролата на зголемувањето на температурата.

Значи, иако користењето на телефонот додека се полни не е лоша навика само по себе, добра идеја е да го избегнувате кога е можно. Ако треба да проверите порака, да се јавите некому, да фотографирате или да објавите нешто брзо – можете да го направите тоа без никакви проблеми. Кога треба да го користите за потешки задачи, внимавајте на прегревање, но не грижете се дека тоа ќе ја оштети батеријата на вашиот телефон. Телефонот едноставно нема да се полни со вообичаената брзина.

Заблудата дека не треба да го користите телефонот додека се полни е само еден од многуте митови за полнењето и продолжувањето на животниот век на батеријата. Друга заблуда е дека не треба да го оставате телефонот на полначот преку ноќ. Ова не е вистина. Иако ова значи дека мала количина „скриена“ електрична енергија се влече од штекерот, вашиот телефон нема да се „преполни“. Сите најнови телефони имаат вградени заштити што престануваат да се полни штом уредот достигне 100 проценти. Уште повеќе, многу паметни телефони ги учат вашите навики и го оптимизираат полнењето со забавување на полнењето на самиот крај за да ја зачуваат батеријата и во исто време да обезбедат телефонот да биде целосно наполнет до утрото.

Исто така, не треба да дозволите батеријата целосно да се испразни пред да се полни. Всушност, за да го продолжите животниот век на батеријата на вашиот телефон, подобро е да ја полните кога нивото на полнење е помеѓу 20 и 80 проценти, отколку да чекате целосно да се испразни.

Заклучок: Користењето на телефонот додека се полни не треба да ѝ наштети на батеријата, освен ако не предизвика прегревање. Сепак е добра идеја да ја ограничите употребата кога е можно - првенствено за да ја наполните батеријата што е можно побрзо, а не за да ја заштитите.

Извор: Б92

Фото: ВИ

Тагови: Батерија мобилен телефон

Шоу биз

На Џорџина и велат дека е дебела, одговорот на Роналдо е хит

Џорџина Родригез одговори на постојаните критики за нејзиниот физички изглед објавувајќи интимен разговор со Кристијано Роналдо.

Славниот пар испрати порака за важноста на љубовта кон себе и дека вредноста на една личност не треба да се мери според нејзиниот изглед или мислењата на другите.

Секое лето, откако ќе објави фотографии во бикини, социјалните мрежи се преплавени со коментари за тежината и облините на Џорџина Родригез. Овој пат, таа призна на Инстаграм дека јавниот притисок влијае и врз неа, но наместо директна конфронтација, реши да ги сподели своите мисли за естетскиот притисок и важноста на внатрешниот мир.

Поддршката на Роналдо

За време на одмор на брод, Родригез прочита негативни коментари за нејзините најнови фотографии и му призна на Кристијано: „Се грижам што сега ме нарекуваат дебела, бидејќи живеам според мојот имиџ“. Одговорот на Роналдо беше многу јасен: „Не живееш според својот имиџ. Живееш според тоа кој си. Совршена жена. Убава, со одлично тело, мајка, добра личност, успешна и некој што го живее животот со љубов. Што повеќе би можела да посакаш? Нормално е да ти завидуваат“.

View this post on Instagram

A post shared by Georgina Rodríguez (@georginagio)

Овие зборови длабоко ја трогнаа Родригез и ја потсетија што е навистина важно. Таа призна дека е горда на Кристијано за вредностите што ги отелотворува како татко и маж. Таа нагласи дека вредноста на една личност никогаш не може да зависи од нејзиниот физички изглед или од мислењата на странци.

Љубов кон сопственото тело

Џорџина нагласува дека не се плаши од промените во своето тело бидејќи тие значат дека таа продолжува да живее. За неа, вежбањето никогаш не било борба за губење тежина, туку извор на здравје, дисциплина и ментален мир. Таа изјави: „Ги сакам моите облини. Ја сакам слободата да живеам во телото што го избирам“.

Порака до идните генерации

Како мајка на шест деца, Џорџина нагласува дека нејзината најголема мотивација е примерот што им го дава на своите ќерки. Заедно со Кристијано, таа сака да ги научи дека вредноста на една личност не зависи од нејзиниот физички изглед, туку од вредностите што ги носи во себе. На крајот, таа рече: „За мене, вистинскиот успех никогаш не бил вклопување во стандард што никој не знае кој го измислил. Вистинскиот успех е да се живее во мир, да се биде опкружен со луѓе што ги сакам, да се ужива во семејството и пријателите и да се грижи за своето здравје.“

Фото: Инстаграм

Извор: Индекс.хр

Тагови: Кристијано Роналдо Џорџина Родригез

Свет

Падна снег во Нов Зеланд (ВИДЕО)

Антарктички студен бран погоди делови од Јужниот Остров на Нов Зеланд, носејќи снег на нивото на морето и ниски температури што ги затворија патиштата и го нарушија работењето на училиштата.

Снегот го покри Данидин, вториот по големина град на Јужниот Остров, поради што полицијата ги повика луѓето да избегнуваат секакви патувања освен неопходните, предупредувајќи на заледени патишта, објави Ројтерс.

„Полицијата утрово доби бројни пријави за сообраќајни несреќи низ Данидин, при што некои возила се лизнаа од патот. За среќа, немаше повредени“, соопшти полицијата на Нов Зеланд на социјалните медиуми.

Antarctic Polar Blast Brings Rare Sea-Level Snow to New Zealand | Asia One News

A powerful Antarctic polar blast has swept across parts of New Zealand's South Island, bringing rare snowfall to sea level and freezing temperatures that forced road closures and disrupted… pic.twitter.com/vGOvoHw6TF
— ASIA ONE NEWS (@AsiaOne_News) August 4, 2026

Скијачите и сноубордерите ги искористија снежните врнежи за да се тркаат по улицата Болдвин во Данидин, за која се вели дека е најстрмната станбена улица во светот, објавија локалните медиуми.

Посеверно, снег падна и на плажата Њу Брајтон во Крајстчерч, каде што беше видлив на песокот.

Времето предизвика откажување на сите автобуски услуги во градот, додека фериботските услуги помеѓу Северните и Јужните Острови се суспендирани поради силни ветрови и високи бранови.

Новозеландската метеоролошка служба соопшти дека се очекува студениот бран да трае уште два дена, со снег или лапавица што ќе паѓа речиси до нивото на морето низ источниот дел на Јужниот Остров.

Метеоролозите предупредија дека четврток наутро може да ги донесе најниските температури во годината во многу делови од Нов Зеланд.

Извор: Б92

Тагови: Нов Зеланд снег