Трамп именува водителка на Фокс Њуз за привремена главна обвинителка на Вашингтон - Канал 5

Живот

Трамп именува водителка на Фокс Њуз за привремена главна обвинителка на Вашингтон

Американскиот претседател Доналд Трамп ја именуваше водителката на Фокс Њуз и поранешна обвинителка од Њујорк, Жанин Пиро, за привремена американска обвинителка во Вашингтон.

Трамп именува водителка на Фокс Њуз за привремена главна обвинителка на Вашингтон

Објавата дојде откако Трамп го повлече својот прв кандидат за таа функција, бидејќи ја изгуби клучната поддршка од републиканците во Сенатот, кој инаку ги потврдува таквите именувања.

Откако Трамп во 2020 година ги загуби изборите од Џо Бајден, Пиро изнесуваше неточни тврдења за изборните резултати, кои подоцна беа дел од тужбата против Фокс Њуз, која ја покрена компанија за изработка на гласачки машини. Тој случај заврши со спогодба во износ од над 787 милиони долари.

Трамп ја опиша Пиро како „моќен борец за жртвите на злосторствата“ во објава на социјалните мрежи во која го најави нејзиното именување. Тој не наведе дали Пиро (73) трајно ќе остане на таа функција.

Во објава на платформата Truth Social Трамп синоќа потсети дека Пиро претходно служела како републиканска окружна обвинителка во Вестчестер, Њујорк, како и дека работела како судијка. Тој ја пофали и нејзината работа на разни емисии на Фокс Њуз, кои ги опиша како „една од најгледаните телевизиски програми“.

Пиро е долгогодишен сојузник на Трамп. Во една од своите последни одлуки за време на првиот мандат, Трамп го помилува нејзиниот сопруг, кој децении претходно беше осуден за затајување данок. Пиро на оваа функција го заменува досегашниот привремен американски обвинител Ед Мартин, поранешен конзервативен подкастер, кого Трамп го именуваше во јануари годинава.

Мартин беше сменет откако републиканскиот сенатор од Северна Каролина, Том Тилис, клучен глас во Сенатот, рече дека нема да го потврди за постојан мандат, бидејќи постои „судир на мислења“ околу ставот на Мартин кон учесниците во немирите на 6 јануари во Капитол.

Тилис оваа недела изјави дека „нема толеранција за никој што влегол во зградата тој ден“. Мартин беше жесток критичар на истрагата за упадот во Капитол. За време на привремениот мандат, тој отпушти обвинители кои водеа случаи против учесниците во немирите.

Трамп во друга објава на социјалните мрежи порача дека Мартин ќе остане во Министерството за правда и ќе води „работна група за истражување на злоупотреба на овластувања“, која се занимава со истраги против службеници кои го истражуваа Трамп.

Откако повторно ја презеде должноста претседател, Трамп помилува и ги запре кривичните гонења против учесниците во немирите на 6 јануари, кога неговите поддржувачи насилно упаднаа во Капитол за да се обидат да ја спречат потврдата на победата на Бајден на изборите во 2020 година.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер