Макрон и Трамп се согласиле за прашањата поврзани со трговските договори, кризата со Иран и пожарите во Амазонија , соопштија од канцеларијата на францускиот претседател.
На тој импровизиран ручек, францускиот претседател „создаде услови за добар степен на договор во рамките на групата (Г7) со тоа што добил појаснување од Доналд Трамп„ за битни прашања “, вклучувајќи ги сличностите и разликите“, додаде Елисејската палата пред официјалниот почеток на Самитот во Бијариц.
Трамп по ручекот во објавата на Твитер напиша: „Штотуку го завршив ручекот со францускиот претседател @ EmanuelMacrone“, но наскоро ја поправи грешката во „@EmmanuelMacron“. „На нашите две држави им се случуваат многу добри работи. Имајте одличен викенд со другите светски лидери“, додаде тој на својот Твитер што го следат повеќе од 60 милиони луѓе.
Иако разликите со САД би можеле да го поткопаат трговското и климатското единство на Г7, францускиот претседател сакаше да му ги „изложи“ на својот американски колега француските и европските позиции за „да ги намали тензиите со САД“, забележа еден советник.
Во врска со Иран, Доналд Трамп „потврди дека не сака војна, туку договор“, пренесува Елисејската палата.
Што се однесува до Амазон, „имаме големи допирни точки“ и Макрон истакна дека тој не сака да води „политика против Болсонаро, туку корисен дијалог“.
Земјите на Г7 може да најават утре мерки за да му помогнат на Бразил во борбата против огромните шумски пожари во Амазонија.
Што се однесува до француските вина што Трамп сака да ги оданочува, Макрон му рече дека „не треба да има никаков конфликт околу тоа“ и дека „не треба да се доведе во врска дигиталниот данок во интерес на Франција, САД и големите економии“.