Тоа го соопштил за телевизија „CBS” политичкиот аналитичар Јен Бремер, а пренесе „Спутник“.

Според зборовите на Бремен, инцидентот се случил при крајот на самитот додека лидерите на државите се обидувале да извршат притисок на Трамп, тој да го потпише заедничкото соопштение.

На крајот Трамп изјавил дека се согласува да го потпише документот.

„После тоа тој стана, ја стави рака во џебот од сакото и извади две бонбони “starburst” и ги фрли на масата и и рече на Меркел: Еве Ангела, да не речеш дека никогаш ништо не давам“ – изјавил Бремер, нагласувајќи дека разговарал со многу претставници на делегациите кои учествувале на самитот во Канада.

Аналитичарот не изјавил каква била реакцијата на Меркел на овој инцидент. Според неговите зборови, “очигледно“ е дека во овој момент двајцата лидери не се почитуваат и нивните лични односи се “нарушени“.

На изминатиот самит на Г7, кој е одржан во Канада во почетокот на месецот, дојде до раздор во единството на државите по важни економски, политички и меѓународни проблеми.

Претседателот на САД, Доналд Трамп порано го напушти состанокот и го стави под знак прашање неговиот резултат, изјавувајќи дека САД нема да го поддржи завршното соопштение на Г7.