Свет

Трамп го предупреди Иран дека му истекува времето, Израел разговара со САД за можно продолжување на нападите

„Часовникот за Иран отчукува и тие би требало што побрзо да се придвижат или од нив нема да остане ништо“ – напиша американскиот претседател Трамп во најновата драматична порака на неговата социјална мрежа Truth Social.

Објавата доаѓа во услови на подолг застој во дипломатските напори за изнаоѓање на некакво решение со Иран.

Неговото предупредување, и натаму не ги колеба властите во Техеран, според кои досегашните методи на САД, не вродиле со плод против нив. Иран соопшти дека нивните забелешки на американскиот мировен предлог ги доставиле до Вашингтон.

-Методите кои Америка ги користеше беше преку економски закани и притисок, но видовте дека во поглед на Исламската република Иран тие немаа никаков ефект. Тие (САД) не можат да не предомислат и да не обесхрабрат да се бориме за интересите на Иран. Ние ги следиме нивните движења и сме подготвени за секој потег и секое сценарио,- - Есмаил Багеи – Портпарол на иранското МНР.

Координација за евентуално продолжување на нападите најави и Израел. Израелскиот премиер Бенјамин Нетанјаху откри дека телефонски ќе разговара со Трамп, и додаде дека тие се подготвени за секое сценарио.

-Со внимание ја следиме ситуацијата со Иран. Ќе разговарам со нашиот пријател претседателот Трамп за впечатоците од неговото патување во Кина, но и за останатите работи. Има многу сценарија и ние сме подготвени за секое од нив,- - Бенјамин Нетанјаху – Премиер на Израел.

американскиот претседател и неодамна му се закани на Иран со порака дека цела една цивилизација ќе умре, по што следуваше кревко примирје кое се уште е на сила. Дел од високите партиски функционери од партијата на Трамп пак, повикуваат на удари врз иранската енергетска инфраструктура, бидејќи како што велат, статус-кво ситуацијата е неодржливо.

-Мислам дека статус – кво ситуацијата не повредува сите. Колку подолго теснецот е затворен, толку повеќе се обидуваме да постигнеме договор кој никогаш нема да се постигне, толку посилен Иран ќе биде. / Се уште има многу мети кои треба да бидат погодени и има работи со кои моежеме да ги повредиме, енергетската инфраструктура им е слабата точка-- Линдзи Греам – Сенатор од Џорџија.

Последниот развој на ситуацијата повторно ја крена цената на нафтата Брент и сега изнесува 110 долари за барел. Според некои проценки, светските компаниите до сега имаат претрпено загуби од најмалку 25 милијарди долари.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче пет пари не дава за Гостивар

Филипче пет пари не дава за Гостивар, прати дилери на дрога и насилници да прават инциденти во Ново Село.

СООПШТЕНИЕ, РЕАКЦИЈА НА СДС

Венко Филипче пет пари не дава за Гостивар, прати дилери на дрога и насилници да прават инциденти во Ново Село.

„Децата“ на Филипче, кои ги претставува како деца на Македонија во Ново Село, се лица кои се правосилно осудени на условни казни затвор за насилство и за кривично дело поседување дрога и наркотични средства.

Христијан Ефтимов, внук на Вице Заев и менаџер на неговата фирма „Тотал Инженеринг“, осуден на една и пол година условна казна затвор бидејќи заедно со Илија Стојанов крвнички тепале луѓе на плоштадот во Струмица.

Илија Стојанов, е условно осуден за кривично дело по член 215 став 1 од Кривичниот законик "Неовластено производство и пуштање во промет на наркотични дроги, психотропни супстанции и прекурсори" затоа што при полициски претрес кај него била пронајдена опојна дрога.

СДС има историја и генеза на соработка со луѓе со сомнително однесување, личности кои консумираат наркотични средства и криминалци. Токму затоа СДС денес е без доверба и без кредибилитет токму поради таквите политиките.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Во напредна фаза се и градежните работи на новиот кружен тек на Северен Булевар!

Во напредна фаза се и градежните работи на новиот кружен тек на Северен Булевар!- информира преку својот фејсбук, градоначалникот на Кавадарци, Митко Јанчев.

Во напредна фаза се и градежните работи на новиот кружен тек на Северен Булевар!

Посебна благодарност до Лидл за донацијата и поддршката во реализацијата на овој проект. Со заеднички сили продолжуваме да ја градиме модерна и функционална урбана средина.

Овој значаен инфраструктурен проект ќе придонесе за подобрување на сообраќајниот проток, зголемена безбедност и полесно движење за сите граѓани.

[✔️] Побрз сообраќај

[✔️] Поголема безбедност

[✔️] Подобра поврзаност

Продолжуваме со инвестиции во инфраструктурата – за подобро секојдневие на сите!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Алексеј Покушевски се сели во Русија

Репрезенативецот на Србија, Алексеј Покушевски има нов клуб.

24 годишниот Алексеј Покушевски е нов кошаркар на Локомотив Кубан, соопшти клубот.

Србинот се раздели со Партизан и му се приклучи на тимот на Локомотив Кубан предводен од Томислав Томовиќ, поранешен стратег на Звезда и помошник-тренер во националниот тим на Србија.

На 14-годишна возраст, како еден од најголемите европски таленти на своја возраст Покушевски се пресели во системот на атински Олимпијакос.

На само 17 години, популарниот Поко дебитираше во Евролигата и влезе во историјата на грчкиот гигант како најмлад играч што зачекорил на теренот во оваа елитна европска конкуренција.

Неговиот потенцијал беше забележан и од НБА-скаутите, па во 2020 година беше избран како 17-ти пик на драфтот.

Во најсилната лига во светот, тој мина четири сезони играјќи за Оклахома Сити Тандер и Шарлот Хорнетс. Во европската кошарка се врати во 2024 година, кога го облече дресот на белградски Партизан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.