Трамп го нарече колумбискиот претседател „одличен“ по средбата во Белата куќа - Канал 5

Свет

Трамп го нарече колумбискиот претседател „одличен“ по средбата во Белата куќа

Американскиот претседател Доналд Трамп и претседателот на Колумбија, Густаво Петро, синоќа се сретнаа во Белата куќа за првпат по неколкунеделни меѓусебни обвинувања.

Трамп го нарече колумбискиот претседател „одличен“ по средбата во Белата куќа

Разговорите беа фокусирани на соработката за борба против трговијата со дрога. На заедничката прес-конференција по состанокот, Трамп изјави дека двајцата се согласуваат „многу добро“ и го опиша Петро како „одличен“. Колумбискиот лидер, сепак, задржа порезервиран тон, пренесе ДПА.

Забелешките на Трамп означија пресврт во неговата неодамнешна реторика. Само неколку недели претходно, републиканскиот претседател го опиша Петро како „болен човек“ кој сака да произведува кокаин и да го продава на Соединетите Американски Држави. Трамп синоќа рече дека неговото претходно непријателство произлегувало од тоа што не го познавал добро Петро, додавајќи дека двете страни сега работат на договор со цел да се намали протокот на илегална дрога во САД.

Говорејќи на прес-конференцијата, Петро рече дека постојат различни ставови за проблемот со трговијата со дрога. Наместо да спроведува тврд воен пристап против криминалните организации, Петро рече дека неговата влада сака да ги убеди земјоделците во Колумбија да одгледуваат легални земјоделски производи како кафе или какао наместо кока, додека истовремено презема решителни дејствија против финансиерите на меѓународната трговија со дрога.

- Тој не го промени својот начин на размислување за многу прашања, а ниту јас, рече Петро за Трамп, додавајќи дека „сојузите честопати се склучуваат меѓу противници кои наоѓаат заеднички јазик“.

Колумбија долго време е еден од најважните партнери на Вашингтон во Јужна Америка, но односите неодамна се заладија. Американската администрација минатата година ја класифицираше Колумбија како земја која не ги исполнува своите меѓународни обврски во борбата против илегалните дроги. САД, исто така, му воведоа санкции на Петро, тврдејќи дека тој не презема доволно одлучни акции против трговијата со дрога.

Петро, од своја страна, постојано укажуваше на големата вклученост на колумбиските безбедносни сили во борбата против трговијата со дрога. Во вторникот, Колумбија екстрадираше клучен трговец со дрога во САД.

Колумбија е најголемиот светски производител на кокаин. Според Обединетите нации, земјата учествува со околу 65 проценти од светската површина за одгледување кока, покривајќи повеќе од 250.000 хектари. Иако безбедноста се подобри по мировниот договор од 2016 година меѓу Колумбија и најголемата герилска група, ФАРК, делови од земјата сè уште се контролирани од илегални групи.

Тагови: Доналд Трамп Колумбија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер