Свет

Трамп: Доколку Маск ги финасира демократите, ќе се соочи со големи последици

Американскиот претседател Доналд Трамп изјави дека ќе има „сериозни последици“ доколку технолошкиот могул Илон Маск ги финансира демократските кандидати.

Американскиот претседател Доналд Трамп изјави дека ќе има „сериозни последици“ доколку технолошкиот могул Илон Маск ги финансира демократските кандидати да се натпреваруваат против републиканците кои ќе поддржат сеопфатен закон за даноци и трошоци.

„Ако го стори тоа, ќе мора да се соочи со последици за тоа. Ќе мора да се соочи со многу сериозни последици ако го стори тоа“, изјави Трамп за NBC News во телефонско интервју, но одби да сподели какви би биле тие последици.

Претседателот, исто така, рече дека нема желба да го поправи својот однос со Маск откако расправијата меѓу нив двајцата стана јавна претходно оваа недела. „Не“, рече Трамп кога го прашаа дали има желба да го стори тоа.

„Не можете да покажете непочитување кон канцеларијата на претседателот“

На прашањето дали мисли дека неговиот однос со извршниот директор на Tesla и SpaceX е завршен, Трамп рече: „Претпоставувам дека е така, да“.

Тој рече дека мисли дека Републиканската партија е пообединета од кога било досега. Потврди дека нема планови да разговара со Маск во скоро време. „Премногу сум зафатен со други работи. Немам намера да разговарам со него“, истакна тој.

Тој го обвини Маск дека покажува „непочитување кон функцијата на претседателот“. „Мислам дека тоа е многу лошо. Не можете да покажувате непочитување кон функцијата на претседателот“, додаде тој.

На X во четврток, Маск го критикуваше Трамп во серија објави, вклучувајќи ја и сега избришаната објава во која се истакнуваа поранешните врски меѓу претседателот и покојниот сексуален престапник Џефри Епштајн.

„Тоа се нарекува стара вест. Тоа се стари вести за кои се зборува со години. Дури и адвокатот на Епштајн рече дека немам никаква врска со тоа. Тоа се стари вести“, рече Трамп.

„Мислам дека Илон всушност ги истакна придобивките од законот“

Тој истакна дека нема да ги откаже федералните договори со компаниите на Маск. „Би ми било дозволено да го направам тоа, но не размислував за тоа“, рече тој. Тој изрази сомнеж дека противењето на Маск на контроверзниот закон ќе го загрози неговото усвојување.

„Републиканската партија никогаш порано не била толку обединета. Никогаш не била. Всушност е пообединета отколку што беше пред три дена“, рече тој. Тој е убеден дека контроверзноста ги принуди пратениците да ги видат придобивките од законот. „Мислам дека Елон всушност ги истакна придобивките од законот бидејќи луѓето кои не беа толку фокусирани почнаа да се фокусираат на законот и видоа колку е добар. Значи, во таа смисла, тоа беше одлична услуга. Мислам дека е штета што Елон е толку депресивен и со скршено срце“, заклучи тој.

Тагови: Доналд Трамп Илон Маск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед.

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

''Megan Fox'': Por la caripa que le quedó despues de tantas operaciones https://t.co/TceVR3CSNe
— Es tendencia en 𝕏 (@EsTendenciaEnX) October 8, 2026

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.