Трамп: Бајден дозволи во САД да влезат десетина милиони илегални криминалци - Канал 5

Свет

Трамп: Бајден дозволи во САД да влезат десетина милиони илегални криминалци

Претседателот на САД, Доналд Трамп го обвини неговиот претходник Џо Бајден дека е корумпиран и оти дозволил влез на „десетина милиони илегални странци-криминалци“ во земјата.

Трамп: Бајден дозволи во САД да влезат десетина милиони илегални криминалци

Трамп на сопствената мрежа „Трут соушл“ (Truth Social) објави дека Бајден дозволил во САД да влезат „стотици илјади осудени убијци, силувачи, киднапери, дилери на дрога и терористи“.

- Победив на избори во историска пресвртница, а републиканците освоија мнозинство и во Претставничкиот дом и во Сенатот, во голема мера затоа што се обврзавме да ја затвориме границата, што и го направивме, и ја почнавме најголемата масовна депортација на нелегални криминалци-странци во американската историја, наведе Трамп.

Според него „депортацијата е во тек“, а во градовите и сојузните држави раководени од републиканците, овие операции, кои ги спроведува Службата за имиграција и царини (ИЦЕ) се одвиваат мирно и непречено, бидејќи на локалните службеници за спроведување на законот им е дозволено да соработуваат со своите федерални колеги“.

- На пример, во петте републикански држави Тексас, Џорџија, Флорида, Тенеси и Лујзијана, ИЦЕ уапси 150.245 криминалци – нелегални странци минатата година – без никакви протести, немири или хаос. Зошто? Затоа што локалната полиција и ИЦЕ соработуваат и работат заедно, посочи Трамп.

Тој додаде дека градовите и државите раководени од демократите одбиваат да соработуваат со ИЦЕ и ги поттикнуваат левичарските агитатори да ги попречуваат операциите за апсење на „најлошите од најлошите“.

- Со тоа, демократите ги ставаат нелегалните криминалци-странци над граѓаните кои плаќаат даноци и ги почитуваат законите и создаваат опасни околности за сите вклучени. За жал, двајца американски граѓани ги загубија животите како резултат на овој хаос предизвикан од демократите, потенцира Трамп.

Тој ги повика гувернерот на Минесота, Тим Волц, и градоначалникот на Минеаполис, Џејкоб Фреј, како и другите демократски гувернери и градоначалници, да соработуваат со федералната администрација, а Конгресот на САД веднаш да донесе закон со кој ќе се стави крај на политиката на така наречени „безбедни градови“ за имигрантите.

Трамп истакна дека Волц и Џејкоб „треба да им ги предадат на федералните власти сите криминалци и нелегални имигранти кои моментално се затворени во нивните државни затвори и центри за притвор, заедно со сите нелегални криминалци со активни налози или познати криминални досиеја, за итна депортација“.

Во Минеаполис повеќе денови се одржуваа протести, откако на 7 јануари агент на ИЦЕ ја уби Рене Гуд. Пред три дена, во истиот град, од припадник на ИЦЕ, убиен е Алекс Прити.

Во меѓувреме, неименуван извор наведе дека американското Федерално истражно биро (ФБИ) формираше Центар за раководење со ризикот во Минеаполис. ФБИ ќе ангажира агенти кои имаат искуства во истражувањето на социјалните медиуми, за поефикасно да се собираат разузнавачки податоци за групите кои протестираат против присуството на федералните имиграциски службеници во градот.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Посетата на Претседателот на Европскиот совет, Антонио Кошта, претставува значајна потврда дека Република Македонија успешно ја спроведува реформската агенда и испорачува конкретни резултати во процесот на европска интеграција.

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Движењето ЗНАМ за Наша Македонија ја поздравува пораката што произлегува од оваа посета, дека реформите се препознаени, а напредокот на државата е видлив и признаен од европските институции.

Тоа е потврда дека Македонија чекори во вистинска насока и дека вложените напори даваат резултати.

Денес Македонија е препознаена како една од најуспешните земји во регионот во спроведувањето на реформските процеси. Особено значајно е што токму ресорите предводени од кадри на ЗНАМ се меѓу клучните носители на реформскиот напредок, институционалната модернизација и ефикасното спроведување на владините политики.

Министерството за правда и Министерството за јавна администрација, предводени од министри на ЗНАМ, покажаа дека реформите не се само декларативна заложба, туку конкретна акција што носи мерливи резултати.

Со професионален пристап, одговорност и јасна визија, тие успеаја да реализираат политики кои ја зајакнуваат правната држава, ја модернизираат администрацијата и ги доближуваат институциите до европските стандарди.

Овие резултати денес се препознаени и од нашите европски партнери, што претставува дополнителен поттик за уште посилно темпо на реформи и развој.

Но едновремено, како што реформите и резултатите не смеат да бидат доведени во прашање, така не смеат да бидат доведени во прашање ниту македонското достоинство, идентитет и националните интереси.

Токму затоа заштитата на националното достоинство останува нашата црвена линија.

Остануваме доследни на ставот дека европската интеграција мора да биде процес заснован на вредности, критериуми и заслуги, а не процес на постојани билатерални условувања.

Македонија припаѓа во Европската Унија поради својата европска определба, својата култура, историја и вредности, но пред се заради реформите што ги спроведува и резултатите што ги постигнува.

Движењето ЗНАМ цврсто стои на позицијата дека членството во Европската Унија мора да биде резултат на исполнети критериуми и успешни реформи, а не на нови политички барања кои ги надминуваат европските принципи и стандарди.

Нашата поддршка за европската иднина на Македонија е недвосмислена, но исто така недвосмислена е и нашата определба дека нема да прифатиме политика на уцени, диктати и бесконечно поместување на целта.

Македонија останува посветена на европскиот пат, со крената глава и со самодоверба. Ќе продолжиме да спроведуваме реформи, да испорачуваме резултати и да ја градиме европската иднина на државата, но едновремено ќе останеме цврсти во одбраната на националното достоинство, кое за нас претставува непремостлива црвена линија.

Движењето ЗНАМ за Наша Македонија ќе продолжи да биде двигател на реформите, чувар на националните интереси и силен глас за европска Македонија која напредува врз основа на сопствените успеси, а не под товарот на нови условувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер