Трајковски се прости од репрезентацијата: Заминувањето боли - Канал 5

Фудбал

Трајковски се прости од репрезентацијата: Заминувањето боли

Еден од најдобрите фудбалери во Македонија, Александар Трајковски, објави крај на својата репрезентативна кариера.

Трајковски се прости од репрезентацијата: Заминувањето боли

Поранешниот играч на Хајдук, а сегашен 33-годишен напаѓач на Локомотива Загреб, се збогува со националниот дрес преку емотивна објава на социјалните мрежи, истакнувајќи дека одлуката не била лесна.

Трајковски беше дел од генерацијата што испиша историја со пласманот на Европското првенство, а навивачите особено ќе го паметат по победничкиот гол против Италија во 92-та минута од полуфиналето на Светското првенство. Во финалето за пласман на Светското првенство, Португалија беше подобра (2:0).

Емотивно збогување

Неговата одлука следеше по големо разочарување бидејќи селекторот Гоце Седлоски не му даде ниту една минута во натпреварот од плејофот за квалификациите за Светското првенство против Данска во Копенхаген (4:0). Искусниот голгетер на тој начин застана на 98 настапи за репрезентацијата, само два помалку од самиот Седлоски, и нема да ја достигне посакуваната „стотка“.

Трајковски ја завршува својата репрезентативна кариера како трет Македонец со најмногу настапи, зад Горан Пандев (122) и Седлоски (100), додека со 24 гола, тој е веднаш зад Горан Пандев (38). Во својата објава, Трајковски истакна дека носењето на националниот дрес никогаш не било само обврска за него, туку чест, гордост и огромна одговорност. Ја пренесуваме неговата порака во целост.

„Денес стојам пред вас со срце полно со емоции... Од првиот ден кога го облеков дресот, знаев дека тоа не е само обврска - туку чест, гордост и одговорност што не може да се опише со зборови. Да ја претставувам мојата земја, мојот народ, моето семејство... Тоа е нешто што се чувствува, а не се објаснува. Секој повик во националниот тим беше како првиот за мене. Истата возбуда, истата трепет, истата желба да дадам се од себе“, започна Трајковски.

„Секој натпревар беше борба, секој гол - момент што засекогаш ќе го носам во моето срце. Но, повеќе од сè, ќе ги паметам луѓето, моите соиграчи кои станаа браќа, кои веруваа во мене и сите оние кои беа дел од ова патување. Имаше и тешки моменти... Порази што болеа, но и победи што нè научија што значи вистинска радост. Во сите тие моменти, едно нешто никогаш не се промени - љубовта кон дресот и желбата да се даде максимумот за нашата земја. Сепак, во изминатиот период, чувствувам дека мојот труд и посветеност не беа доволно ценети.

Посебна благодарност до навивачите - вие бевте наша сила кога беше најтешко, нашиот ветер на грб кога ни беше најпотребен. Ова не е лесна одлука... Заминувањето боли, но во исто време носи гордост. Гордост што имав чест да бидам дел од оваа репрезентација и да го носам овој дрес со срце. Националната репрезентација не е само тим - тоа е семејство.“

„Ви благодарам на сите за довербата, поддршката и љубовта во текот на сите овие години. Ви благодарам што ми овозможивте да го живеам мојот сон. Со крената глава и полно срце... се пензионирам. Со почит, Александар Трајковски“, заклучи тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран планира атентат на еден од синовите на премиерот на Иразел Нетанјаху

Во дел од светските медиуми денес се појавуваат нови информации за атентатот врз Јаир Нетанјаху, синот на израелскиот премиер Бенјамин Нетанјаху, додека тој живеел на Флорида.

Иран планира атентат на еден од синовите на премиерот на Иразел Нетанјаху

Според порталот „Њузмакс“ (Newsmax), израелските разузнавачки служби ги известиле американските власти за ова кон крајот на минатата година.

Според извор запознаен со истрагата, ирански оперативци веќе биле во областа на Мајами и го следеле движењето на Јаир Нетанјаху, вклучително и во неговата резиденција во Халандејл Бич.

Јаир Нетанјаху (35), кој имаше постојано обезбедување од израелските служби, веднаш ја напуштил Флорида по предупредувањето и се вратил во Израел, оставајќи ги своите лични работи во САД, соопшти изворот.

Во понеделникот, во интервју за израелскиот Канал 14, израелскиот премиер потврди дека Иран се обидел да убие еден од неговите синови, но не прецизираше за кој син станува збор.

„Иран целеше кон еден од моите синови. Се обидоа да го убијат“, изјави Нетанјаху. Нетанјаху има двајца синови, Јаир и Авнер. Авнер живее во Израел, додека Јаир помина подолг период во областа на Мајами, каде што стана познат како конзервативен политички коментатор и јавен бранител на својот татко.

Израелскиот Канал 12 објави дека некои медиуми со месеци знаеле за планот за атентат, но дека неговото објавување претходно било спречено од воената цензура.

Тагови: Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: Пред почеток на учебната година Владата со конкретни мерки ги поддржува семејствата, ранци, тетратки, пенкала, моливи, боици по пониски цени

​Владата предводена од ВМРО-ДПМНЕ продолжува со конкретни мерки кои директно значат грижа и поддршка за граѓаните и за семејниот буџет.

Стојаноски: Пред почеток на учебната година Владата со конкретни мерки ги поддржува семејствата, ранци, тетратки, пенкала, моливи, боици по пониски цени

Во таа насока со почетокот и на оваа нова учебна година Владата донесе одлука за намалување на цените на училишниот прибор, мерка која ќе трае заклучно со 30-ти септември годинава.

Со одлуката трговците на големо се задолжуваат да ги намалат цените на училишниот прибор за најмалку 10%. Истовремено трговците на мало се задолжуваат да обезбедат намалување на цените од најмалку 15%.

Ова е конкретна и директна поддршка за семејствата во период кога родителите имаат зголемени трошоци за подготовка на своите деца за новата учебна година.

За семејствата со повеќе од еден ученик ова ќе значителна помош и заштеда на семејните буџети.

Мерката опфаќа широк спектар производи. Практично се што им е потребно на учениците за учебната година ќе можат да го набават со намалени цени почнувајќи од ранци и ташни, тетратки, блокови, колажи, моливи и пенкала, боици, пластелинни, теста за моделирање, фломастери, линијари и дидактички материјали, како и многу други производи неопходни за почетокот на учебната година.

Целта на Владата предводена од ВМРО-ДПМНЕ е јасна.

Родителите да можат да го обезбедат потребниот училишен прибор за своите деца по пониски и попристапни цени.

Ова е трета година по ред каде што пред почетокот на учебната година Владата воведува училишна кошничка со единствена цел да им го олесни месец септември на родителите и семејствата, да ги заштеди семејните буџети и да го заштити животниот стандард на граѓаните.

Септември и почетокот на учебната година треба да биде момент на среќа и убаво расположение како на учениците што се враќаат во училишните клупи, така и за родителите кои треба да ги подготват своите деца со сите потребни материјали за на училиште, а не моменти на грижа и на стрес како да се намерат трошоците.

Токму затоа Владата продолжува со политики кои носат конкретна корист за граѓаните и директно придонесуваат за заштита на животниот стандард.

YouTube video

Бојан Стојаноски, пратеник на ВМРО-ДПМНЕ

Тагови: Бојан Стојаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото:Иванка Трамп знае и да сурфа

Една од најмоќните жени во светот покажа скриен талент и ги воодушеви фановите на социјалните мрежи.

Фото:Иванка Трамп знае и да сурфа

Иванка Трамп замина на нов одмор со семејството, каде што ужива во своето омилено хоби, а фотографиите од одморот фуриозно се проширија на социјалните мрежи.

44 годишната Иванка која е ќерка на американскиот претседател Доналд Трамп, покрај тоа што привлекува внимание на јавноста со својот изглед, во последно време фасцинира и со своите спортски вештини.

Таа очигледно е љубител на адреналински возбудувања, бидејќи поголемиот дел од летото го помина сурфајќи, а својот талент го покажа и за време на семејниот одмор во Костарика, каде што често патува.

Претходно Иванка со семејството летуваше на Исланд, а сега, е време за нови авантури во потоплите краишта.

Иванка ги искористи брановите и ги покажа своите вештини на зелената даска, а притоа одлично се забавуваше со својот инструктор. Таа носеше горен дел од костим за нуркање и црн долен дел од костим за капење

Тагови: Иванка Трамп костарика

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер