СДСМ: Скандал на повидок, со законски измени власта ја брише одредбата за уплата на 6% во вториот пензиски столб
1СДСМ: Скандал на повидок, со законски измени власта ја брише одредбата за уплата на 6% во вториот пензиски столб
3Тошковски на промоцијата на „One Stop“ на Ќафасан: Македонија го заокружува системот на заеднички гранични контроли со соседите надвор од Шенген-зоната
Удар врз тротинетите и електричните велосипеди, во Њујорк сакаат да ги забранат опасните батерии во становите
1Удар врз тротинетите и електричните велосипеди, во Њујорк сакаат да ги забранат опасните батерии во становите
МакедонијаТрајановски задоволен од реконструцијата на мостот на Вардар кај Башино СелоДиректорот на Јавното претпријатие за државни патишта Коце Трајановски кој вчера и денеска е на увид на изведбата на градежните работи за реконструкција на мостот на Башино Село на западниот влез во Велес.Директорот на Јавното претпријатие за државни патишта Коце Трајановски кој вчера и денеска е на увид на изведбата на градежните работи за реконструкција на мостот на Башино Село на западниот влез во Велес, изјави дека е задоволен од тоа како се одвиваат работите на санација овој мост и очекува работите да завршат согласно предвидениот рок од 21 до 25 јуни годинава. Тој информира дека во тек е изработка на проектот за изградба на нов мост на Вардар кај Речани на влезот во Велес, а на 50- тина метри подолу од постоечкиот, а ако сите процедури завршат на крајот на јуни ќе се распише тендер за неговата изградба. Трајановски најави и дека се планира наскоро да се изгради и обиколница околу Велес со што би се растеретил сообраќајот во градот посебно за жителите од Општина Чашка и приградските населби а кои сега се одвива низ градот. Тој денеска заедно со градоначалникот Марко Колев и пратениците, деканот на Градежниот факултет Горан Марковски и претставници на фирмата „Синтек Инженеринг“ ДООЕЛ Скопје, направи детален увид на градежните работи на мостот кои се одвиваат од долната страна каде што се столбовите и гредите, кои се зајакнуваат со арматура. Деканот на Градежниот факултет Горан Марковски, потенцира дека покрај сите зголемени мерки за безбедност на мостот тие како градежни стручњаци по првпат во Македонија поставиле траен 24 часовен мониторинг на мостот. Тој појасни дека неговите колеги од своите кабинети 24 часа го следат секое движење на мостот, со што е исклучена секоја опасност по мостот. Потенцира дека безбедноста во фаза на реконструкција на мостот е зголемена и дека со мониторингот на мостот ќе се продолжи и понатаму по завршување на неговата реконструкција. Марковски оцени дека со реконструкцијата овој мост ќе трае повеќе од 10 години, но тука ќе биде и изградбата на нов мост со кој ќе го растерети сообраќајот на постоечкиот мост. Директорот на ЈПДП Коце Трајановски, потсети дека на овој мост стар 54 години досега не се направила никаква санација,на овој важен мост на западниот влез во Велес, а поради што бил доведен во ваква катастрофална состојба која тие сега ја реконструираат, -Главната причина поради која настанало оштетување на мостот е водата која протекувала од горниот слој на столбовите и на гредите на мостот и со годините била оштетена таа хидроизолација на мостот и биле оштетени и гредите и столбовите на мостот. Главните работи се изведуваат на гредите и столбовите. Гредите се армираат и се појачуваат а воедно и столбовите со карбонска мрежа.И тие ќе имаат челична конструкција којашто ќе ги врзе столбовите едни со други, што е одлично решение на стручњаците од Градежниот факултет, потенцира Трајановски. Информира дека по завршување на санацијата, мостот ќе биде пуштен за сообраќај во двете насоки. Додаде дека моментално тие прават санација само на долниот дел на мостот, а потоа треба да се санира и горната површина на мостот и на крај да се асфалтира, а воедно да се реконструираат целосно и пешачките патеки на мостот. Кажа дека по сите процедури се плаира кон крајот на јуни да го објават тендерот за изградба на Нов мост на Вардар во Речени, а кој трае 60 дена и очекуваат некаде во септември годинава да изберат изведувач кој ќе почне со изградбата на нов мост на Вардар во близина на постоечкиот, а со што и трајно ќе го решат проблемот на Општина Велес . Градоначалникот Марко Колев истакна голема благодарност до ЈПДП за реконструкцијата на овој мост кој е во тешка состојба повеќе од 15 години,а кој се реконструира со подршка токму на оваа Влада и премиерот Христијан Мицковски и вицепремиерот Александар Николовски. Воедно се заблагодари и на деканот и градежните стручњаци од Градежниот факултет во Скопје,кој брзо интервенирале заедно со министерот за ватрешни работи за поскоро решавање на проблемот со цел да се спречи трагедија на мостот. Инаку од почетокот март годинава сообраќајот на мостот на Вардар кај Башино Село на влезот на еден од влезовите во Велес е регулиран со семафор од двете страни наизменично,по средната лента на мостот која е најбезбедна,додека долу се одвиваат градежните работи. Воедно на мостот е забрането движење на камиони потешки од 40 тони, а тоа се регулира со мониторингот, а и во соработка со екипи на СВР Велес,кои вршат редпвни контроли на сообраќајот на мостот.Тагови: мост Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаСДСМ: Скандал на повидок, со законски измени власта ја брише одредбата за уплата на 6% во вториот пензиски столбСкандал е на повидок. Власта на Мицкоски објави на ЕНЕР предлог-измени на Законот за пензиското и инвалидското осигурување. Со нив се предлага бришење на членот 120, односно на одредбата за уплата на 6% во вториот пензиски столб.Скандал на повидок, со законски измени власта ја брише одредбата за уплата на 6% во вториот пензиски столб Скандал е на повидок. Власта на Мицкоски објави на ЕНЕР предлог-измени на Законот за пензиското и инвалидското осигурување. Со нив се предлага бришење на членот 120, односно на одредбата за уплата на 6% во вториот пензиски столб. Што значи ова за граѓаните? Ако уплатата во вториот столб не се уреди со друга одредба во овој или во друг закон, сите придонеси би останале во првиот столб, во Фондот за ПИОМ. Ако остане вака, ова значи дефинитивно рушење на вториот пензиски столб. Криминалната власт ги доведува во ризик пензиските заштеди на повеќе од 650.000 граѓани кои членуваат во вториот пензиски столб. Фондот за ПИОМ е доведен во сериозно тешка финансиска состојба. Во Фондот недостигаат близу една милијарда евра. Во изминатите месеци ПИОМ не префрлил околу 50 милиони евра во вториот пензиски столб. На пратеничкото прашање каде се тие пари, власта не даде одговор. Ова се пари на работниците. Ги заработиле со својот труд и секој месец ги издвојуваат од своите плати за идните пензии. Христијан Мицкоски да излезе пред граѓаните и да одговори. Зошто се предлага бришење на членот 120? Каде ќе одат придонесите што сега се уплаќаат во вториот столб? Кој ќе одговара што ПИОМ со месеци нема префрлено 50 милиони евра иако му се законска обврска? Прес конференција на СДСМ, Маја Серафимовска -Борозан Скопје, 22.11.2026 СДСМКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиПрипадниците на Баталјонот на специјални сили евакуираа тешко повреден алпинист од непристапен терен во реонот на Демир Капија09:28Протестен марш во Охрид против насилството врз жените по случајот со 26-годишната Сара 15:00Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33МВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49
Припадниците на Баталјонот на специјални сили евакуираа тешко повреден алпинист од непристапен терен во реонот на Демир Капија09:28
Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33
БалканРегистриран земјотрес во Србија Земјотрес со јачина од 2,1 степен според Рихтеровата скала ја погоди околината на Горњи Милановац рано утринава, соопшти Републичкиот сеизмолошки завод на Србија. Според Заводот, земјотресот се случил околу 5 часот и 25 минути, на длабочина од 12 километри. Земјотреси со ваков интензитет не можат да предизвикаат поголема материјална штета во епицентралното подрачје. Сепак, жителите на овој дел од Србија го почувствувале потресот – најверојатно оние што биле најблиску до епицентарот – и го коментирале настанот на социјалните мрежи. „Има ли некој буден што се разбудил од земјотресот утрово?“, напиша еден корисник. „Јас бев буден, точно во 5:25“, потврди друг.Тагови: земјотрес Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаТошковски на промоцијата на „One Stop“ на Ќафасан: Македонија го заокружува системот на заеднички гранични контроли со соседите надвор од Шенген-зонатаНа граничниот премин Ќафасан денеска беше промовиран системот „One Stop“ за заедничка гранична контрола меѓу Македонија и Албанија, во присуство на македонскиот премиер, Христијан Мицкоски, и албанскиот премиер, Еди Рама.Со воведувањето на овој систем се заокружува процесот на воспоставување заеднички гранични контроли со соседните држави кои не се дел од Шенген-зоната, по успешната имплементација на моделот „One Stop“ со Република Србија и Република Косово. Станува збор за значаен чекор во модернизацијата на граничното управување, кој овозможува поедноставени процедури, побрз проток на патници и возила и намалување на времето на чекање на граничните премини, без притоа да се намалат безбедносните стандарди и контролите. Министерот за внатрешни работи Панче Тошковски истакна дека воспоставувањето на системот „One Stop“ со Албанија претставува исполнување на уште еден важен приоритет на Министерството за внатрешни работи, насочен кон олеснување на движењето на граѓаните и унапредување на регионалната поврзаност. „Со воведувањето на системот 'One Stop' со Република Албанија го заокружуваме она што го започнавме со Србија и Косово – воспоставување современ модел на заеднички гранични контроли со сите наши соседи надвор од Шенген-зоната. Нашата цел е едноставна: граѓаните да поминуваат побрзо, да нема непотребни задржувања, а граничните служби да работат поефикасно и покоординирано. Границите треба да бидат безбедни, но истовремено и функционални, особено во време кога мобилноста на граѓаните, туризмот и економската соработка постојано се зголемуваат“, истакна Тошковски. Дека ваквиот модел дава конкретни резултати покажува и досегашното искуство со Република Србија. На граничниот премин Табановце, каде што системот „One Stop“ беше воведен во јули 2025 година, времето на чекање во одредени периоди е намалено од неколку часа на околу 30 минути, и покрај зголемувањето на бројот на патници за 15 до 20 проценти. Позитивните искуства од заедничките контроли со Србија, како и од граничните премини Блаце – Хани и Елезит и Јажинце – Глобочица со Република Косово, претставуваат основа за натамошно унапредување на граничното управување и со Република Албанија. Со новиот систем на Ќафасан се овозможува координирано спроведување на граничните проверки на едно место, со што се избегнува непотребното повторување на процедурите и се создаваат услови за побрз и поефикасен премин на границата. Ова е особено значајно за граѓаните на двете држави, за туристите и за превозниците, имајќи го предвид интензивниот сообраќај на овој граничен премин, особено во летната туристичка сезона. Покрај олеснувањето на патувањето, системот придонесува и за подобра координација меѓу граничните служби, поефикасна размена на информации и зајакнување на прекуграничната соработка. Министерството за внатрешни работи продолжува со активности за модернизација на граничните премини, дигитализација на процедурите и унапредување на соработката со соседните држави, со цел обезбедување побрз проток на патници и стоки, повисоко ниво на безбедност и подобри услуги за граѓаните. Воведувањето на „One Stop“ со Албанија е уште еден конкретен резултат на регионалната соработка и потврда дека со заеднички решенија границите можат да станат побрзи, поефикасни и побезбедни.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter