Трајановски: Дрисла станува закана по здравјето на скопјани, потребна e итна реакција, граѓаните немаат време за чекање - Канал 5

Македонија

Трајановски: Дрисла станува закана по здравјето на скопјани, потребна e итна реакција, граѓаните немаат време за чекање

Кандидатот за градоначалник на СДСМ за општина  Аеродром, д-р Александар Трајановски, денеска при теренската посета на депонијата Вардариште остро реагираше на состојбата со депониите Дрисла и Вардариште. 

Трајановски: Дрисла станува закана по здравјето на скопјани, потребна e итна реакција, граѓаните немаат време за чекање

Тој ја обвини владата на ВМРО ДПМНЕ, дека еколошката безбедност на Скопје е во целосен колапс.

Трајановски при денешната посета на Вардариште, на која што беше и претседателот на СДСМ, Венко Филипче, изјави дека постои ризик од експлозии поради тоа што депонијата се уште чади.

„Гасењето со пена не функционира, има постојан ризик од експлозии поради акумулација на метан, а нема ниту механизација, ниту транспарентност. Ова не е само еколошки проблем. Ова е прашање на јавна безбедност мора власта веднаш да реагира за спречување на катастрофа од Дрисла и Вардариште“, изјави Трајановски.

При тоа Трајановски посочи дека СДСМ има конкретно и одржливо решение за Вардариште кој вклучува воведување механизација за покривање на отпадот со земја затворање на жариштата за елиминирање на кислород и влага, систем за извлекување и согорување на метанот, формирање стручен штаб со експерти за управување со отпад.

„Недозволиво е Советот на Град Скопје каде мнозинството го има ВМРО-ДПМНЕ да молчи за вакава еколошка катастрофа додека граѓаните се гушат. Ова е сериозна закана за здравјето на граѓаните, скопјани немаат време за чекање и лажни ветувања. Потребна е итна реакција“, рече Трајановски додавајќи дека советничката група на СДСМ Во Град Скопје веќе има побарано итно свикување на седница на Советот.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба најави економски реформи по модел на Кина и Виетнам

Куба објави планови за реформа на својата економија по примерот на социјалистичките пазарни економии на Кина и Виетнам.

Куба најави економски реформи по модел на Кина и Виетнам

Куба објави планови за реформа на својата економија по примерот на социјалистичките пазарни економии на Кина и Виетнам, при што претседателот Мигел Дијаз-Канел изјави дека планираното отворање ќе овозможи поголемо учество на приватниот сектор на местото на силно државно контролираната планска економија.

Тој рече дека се планирани и измени во земјоделскиот сектор, како и реструктурирање на државниот апарат. Покрај тоа, некои економски активности кои претходно беа забранети за приватните бизниси во иднина ќе бидат дозволени, но не соопшти дополнителни детали. Владата на САД го зголеми економскиот притисок врз Куба во изминатите месеци преку серија санкции, со цел да изнуди политички и економски реформи на островот.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

ЕУ ќе почне пристапни преговори со Украина и Молдавија

Европската Унија в понеделник ќе почне формални преговори за членство со Украина и Молдавија, откако беше укината блокадата од страна на Унгарија.

ЕУ ќе почне пристапни преговори со Украина и Молдавија

Кипар, кој во моментов претседава со советот на Европската Унија, соопшти дека земјите-членки постигнале договор за заеднички став во врска со првата фаза од преговорите, со што се комплетирани сите неопходни подготовки. Украинскиот претседател Володимир Зеленски преку социјалните мрежи им се заблагодари на партнерите во ЕУ. „Украина го прави она што е потребно, и важно е што и еу си го држи својот збор“, напиша тој. Украинскиот претседател додаде дека почетокот на преговорите претставува „значајна политичка и морална поддршка за државата и украинскиот народ“. Претседателката на Молдавија, Маја Санду, исто така ја поздрави одлуката со објава на Х, пишувајќи: „ние ја завршивме работата и ќе продолжиме да спроведуваме реформи“.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп изјави дека во американски напад е убиен лидерот на нарко-картелот „Трен де Арагва“

Американскиот претседател Доналд Трамп изјави дека во напад на САД е убиен лидерот на транснационалната криминална група „Трен де Арагва“.

Трамп изјави дека во американски напад е убиен лидерот на нарко-картелот „Трен де Арагва“

„По моја наредба, јужната команда на САД изврши брз и смртоносен напад за успешно елиминирање на Нињо Гереро, озлогласениот лидер на ’Трен де Арагва‘, една од најкрволочните терористички организации на планетата земја“, соопшти Трамп во објава на својата платформа Truth social, која содржеше и видео на кое наводно е прикажан нападот. Трамп додаде дека „оваа акција беше координирана во блиска соработка со нашите пријатели во Венецуела, со кои работиме многу добро“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер