Скијање

Трагедија на тренинг, млада скијачка од Словенија падна под камион!?

Младата словенечка скијачка Хана Јамник трагично загина во Норвешка, соопшти Скијачкиот сојуз на Словенија.

19-годишната Хана која беше репрезенативка на Словенија загина на подготовките за новата сезона во Норвешка.

Деталите за тоа што се случи не се објавени, но се вели дека Јамник загинал како последица на „трагичен инцидент“. Норвешките медиуми јавуваат дека Словенката утрото на 11 август паднала под камион во тунелот на автопатот 523 во 8 часот и 41 минути додека тренирала на ролери.

Тешко повредената Хана со хеликоптер била пренесена во клиничкиот центар во Ставангер, но за жал таму и покрај напорите лекарите не можеле да и помогнат.

Камионџијата веднаш бил обвинет за прекршување на сообраќајните правила, но тој не ја признава вината и тврди дека тоа што се случило е трагична несреќа, пренесува Б92.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Во Тетово се уапсени 12 бугарски државјани

Полициската станица Тетово соопштува дека вчера (24.06.2026) во 15:15 часот во зграда во изградба на улицата „Тодор Циповски Мерџан“ во Тетово, полициски службеници од Полициската станица Тетово лишиле од слобода 12 државјани на Република Бугарија.

Полициската станица Тетово соопштува дека вчера (24.06.2026) во 15:15 часот во зграда во изградба на улицата „Тодор Циповски Мерџан“ во Тетово, полициски службеници од Полициската станица Тетово лишиле од слобода 12 државјани на Република Бугарија на возраст меѓу 34 и 66 години, кои работеле во зградата.

„Кај лицата е утврдено нерегуларно и непријавено дејствување на ова подрачје“.

„Тие се приведени во Полициската станица Тетово за понатамошна постапка и против нив ќе бидат поднесени соодветни пријави согласно Законот за странци“, велат од Полициската станица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Возете внимателно, Safe City профункционира и во околината на Охрид

СВР Охрид ја известува јавноста, посебно возачите на моторни возила дека од денеска, современиот систем за сообраќаен надзор „Безбеден град“ (Safe City), кој, официјално стартуваше од 01.02.2026, постепено се воведува и на подрачјето на СВР Охрид.

Денеска, по извршеното финално тестирање, стручни екипи ги ставија во функција безбедносни камери на автопатската делница кај Ново село, општина Дебрца. Во наредниов период, се очекува проектот „Безбеден град“ да профункционира и на патниот потег помеѓу селата Горенци и Требеништа, на останатите пофрекфентни сообраќајници и на коридорите 8 и 10 на подрачјето на СВР Охрид. Уредите се поставени, тие си уште не вршат санкционирање, бидејќи се наоѓаат во фаза на завршна техничка проверка и тестирање. Системот „Безбеден град“, ќе овозможи засилена и постојана сообраќајна контрола, ќе придонесе за намалување на сообраќајните незгоди, ќе врши детекција на прекршоци во сообраќајот, ќе значи зголемување на сообраќајната дисциплина и значително повисок степен на безбедноста во сообраќајот.

Апелираме, возачите да ги почитуваат сообраќајните правила и прописи а посебно да внимаваат на дозволената брзина на движење која, на оваа автопатска делница изнесува 100 километри на час.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Малата Ана се избори со најтешката болест- победничкото ѕвонче повторно заѕвони (ВИДЕО)

Нова радосна вест од Универзитетската клиника за детски болести.

Победничкото ѕвонче повторно силно заѕвони — за Ана, нашата мала хероина, која храбро ја помина и ја освои една од најтешките битки.

Секое ѕвонење е победа на детската храброст, на семејната љубов и на посветеноста на здравствените работници.

На Ана ѝ посакуваме многу здравје, среќа, насмевки и безгрижно детство.

Браво, Ана! Твојата победа денес е радост за сите нас, објавија на ФБ од Министерството за здравство.

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.