Трагедија на плажа во познато летувалиште: Шест ученици се удавија, 24 се повредени на училишна екскурзија - Канал 5

Свет

Трагедија на плажа во познато летувалиште: Шест ученици се удавија, 24 се повредени на училишна екскурзија

Според најновите извештаи, најмалку шест ученици се удавиле, а 24 други се повредени за време на училишна екскурзија на популарна египетска плажа.

Трагедија на плажа во познато летувалиште: Шест ученици се удавија, 24 се повредени на училишна екскурзија

Трагедијата се случила во Александрија, вториот по големина град во Египет, а службите за итни случаи брзо се упатиле на местото на настанот по пријавите за несреќа и ученици кои се борат за живот во водата, потврди Министерството за здравство во Каиро.

Сепак, шест деца се прогласени за мртви на плажата Абу Талат, популарна туристичка дестинација, и покрај големите напори на спасувачките екипи и распоредувањето на 16 амбулантни возила, објави „Дејли меил“.

Најмалку 24 деца се повредени, тројца од учениците биле згрижени на самата плажа, додека уште 21 биле однесени во болница. 13 од нив биле однесени во специјализирана болница во Агами, додека осум биле згрижени во Општата болница Амрија.

Халед Абдел Џафар, министерот за здравство и население, изјави дека сите итни медицински услуги се достапни за учениците и дека тој лично го следи одговорот на службите за итни случаи и обезбедувањето медицинска нега. Властите во Александрија потоа наредија затворање на плажата.

Низ целата област се поставени црвени предупредувачки знамиња за да се обесхрабри јавноста да влегува во морето поради опасни бранови и силни струи. Започната е истрага за училишната ексурзија, а службените лица испитуваат дали се преземени соодветни безбедносни мерки.

Трагичната несреќа се случува само неколку месеци откако шест туристи загинаа кога подморница потона во Црвеното Море. Сите жртви беа Руси, додека 39 туристи беа спасени.

Туристичката подморница, наречена „Синдбад“, превезуваше 45 туристи, вклучувајќи деца, кога несреќата се случи во близина на пристаништето на хотелот „Синдбад клуб“ во египетското одморалиште Хургада.

Во меѓувреме, најмалку 11 лица загинаа кога брод со 30 туристи, вклучувајќи Британци, потона во Црвеното Море во ноември.

Бродот наречен „Морска приказна“ исплови од пристаниште во близина на Марса Алам на петдневно нуркачко патување, со 44 лица на бродот, вклучувајќи 13 членови на екипажот.

Тројца Британци исто така загинаа откако избувна пожар на брод за нуркање покрај брегот на Марса Алам во Црвеното Море во Египет во јуни 2023 година.

Тагови: учениците екскурзија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Нестабилно време со дожд, грмежи и засилен ветер

Под влијание на циклонска активност од југоисток денес ќе имаме нестабилно време со дожд, грмежи и засилен ветер.

Нестабилно време со дожд, грмежи и засилен ветер

Локално процесите ќе бидат поинтензивни со пообилен пороен дожд, грмежи, силен ветер и појава на град. Минималната температура ќе биде во интервал од 14 до 20, а максималната ќе достигне од 27 до 35 степени.

Во Скопје времето ќе биде нестабилно со дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 17, а максималната ќе достигне до 32 степени.

Денес ќе се задржи нестабилно време со дожд, грмежи и засилен ветер. Поради големата енергија во атмосферата локално процесите ќе бидат поинтензивни со пообилен пороен дожд, силен ветер и појава на град. Во четврток и петок ќе има изолирана појава на нестабилност, а за време на викендот и почетокот на следната седмица времето ќе биде претежно сончево и топло.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Моника Зајкова и Бране Петрушевски во „Само вистина“

Вечерва во „Само вистина“ гости ќе бидат Моника Зајкова и Бране Петрушевски.

Моника Зајкова и Бране Петрушевски во „Само вистина“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 24. јуни 2026 година

Дневен хороскоп за среда, 24. јуни 2026 година.

Дневен хороскоп за 24. јуни 2026 година

Рак 22.6-22.7.

Љубов

Тоа што во моментов има празнина или дистанца во вашите лични односи , денеска ќе биде заборавено по разговор со ваш близок пријател.

Кариера

Вашите колеги денеска ќе ве насмеат , зашто ќе ве натераат да решавате една загатка , а вие сакате да бидете детектив.

Здравје и совет

Тргнете се настрана и средете си ги мислите.

Лав 23.7-22.8.

Љубов

Во своето љубовно секојдневие ќе внесувате сосема оригинални идеи , а најверојатно со ручек или вечера за двајца.

Кариера

Оние кои работат креативна работа ќе бидат многу современи во својот израз и идеите. И натаму ве заморуваат шефовите.

Здравје и совет

Прифатете ги предизвиците.

Девица 23.8.-23.9.

Љубов

Вашата чувствителност денеска ќе биде зголемена , а другата страна ќе биде расположена за експериментирање во љубовта.

Кариера

Малку ќе недостига за да добиете алергија на шефот. Обидете се барем во мислите да се оддалечите од него.

Здравје и совет

Нервоза и замор.

Вага 24.9.-23.10

Љубов

Можеби саканата личност ќе ве изненади со еден предлог , кој на вас ќе делува како мал шок.

Кариера

Вашите надредени би можеле пред вас да претставатеден предлог што е малку чуден . Првин размислете , а потоа расправајте за него .

Здравје и совет

Победувате со издржливоста.

Шкорпија 24.10-22.11.

Љубов

Може да очекувате исполнет љубовен ден. Дури и ако сте сами , би можеле одлично да се забавувате.

Кариера

Можни се мали недоразбирања во соработката и при вербалните договарања. Фантазијата ќе ви овозможи да допрете до суштината.

Здравје и совет

Не морате се да откриете.

Стрелец 23.11.-21.12.

Љубов

Како што ќе минува денот , ќе забележувате дека вашиот личен живот добива нов сјај и се враќа во рамнотежа.

Кариера

Можно е да заминете на службено патување што не сте го очекувале , а кое ќе ви донесе радост.

Здравје и совет

Не треба да жалите по она што поминало.

Јарец 22.12.-20.1.

Љубов

Нервозата и напнатоста поради недоразбирањата во личните односи може да ги елиминирате со чиста есенција на љубов без зборови- со нежност.

Кариера

Во главата малку ќе ги проанализирате сите теми поврзани со работата , но нема да носите заклучоци.

Здравје и совет

Бидете пример за помладите од вас.

Водолија 21.1.-19.2.

Љубов

Веројатно е се подобро поврзување со спротивниот пол , а особено со некој кој не е од вашата околина.

Кариера

Се наоѓате во минлива фаза на зголемена чувствителност , па дури и редовните напори на кои сте навикнати , ќе ви предизвикаат тешкотии.

Здравје и совет

Потсетете се што е тоа што го сакате.

Риби 20.2.- 20.3.

Љубов

Не се знае кој денеска ќе биде потажен- вие или вашата најсакана личност. Не е ден за анализи , туку за утеха и толеранција.

Кариера

Ќе дојде до деловна кореспонденција , што ќе ве замори. Станува збор за многу напорен начин на изразување.

Здравје и совет

Потребна ви е релаксација.

Овен 21.3-20.4.

Љубов

Емотивност , нежност , чувство на препознавање на оние скриени суптилни нивоа во односите- Сето тоа ќе го доживеете денеска.

Кариера

Можни се проблеми во привршување на покуси фази при работењето. Ќе мора да бидете попрецизни.

Здравје и совет

Веќе ништо не може да ве изненади.

Бик 21.4- 20.5.

Љубов

Ги имате сите адути вос воите раце. Потребно е само да зборувате за она што ви лежи на срце.

Кариера

Некои ќе се затекнат на интересен состанок на кој ќе има сешто- од неморални понуди до морализирање и филозофирање.

Здравје и совет

И натаму чувствувате замор.

Близнаци 21.5.-21.6.

Љубов

Барањата за внимание од еден член на вашето семејство , накусо ќе ве оддалечи од саканата личност.

Кариера

Во работата денеска ќе внесете чувства. Некои ќе бидат наклонети и кон драматизирање.Направете исчекор и опуштете се.

Здравје и совет

Внимавајте на грлото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер