Традиционалната „Вечер на ЕУ" во рамки на „Охридско лето" со уметниците Ное Инуи на виолина и Василис Варварос на пијано - Канал 5

Култура

Традиционалната „Вечер на ЕУ" во рамки на „Охридско лето" со уметниците Ное Инуи на виолина и Василис Варварос на пијано

Делегацијата го поддржува учеството на голем број европски уметници на фестивалот со што ја поттикнува меѓукултурната соработка и размена. 

Традиционалната „Вечер на ЕУ" во рамки на „Охридско лето" со уметниците Ное Инуи на виолина и Василис Варварос на пијано

Фестивалската програма „Охридско лето" ја продолжува со веќе традиционалната „Вечер на Европската Унија", во чии рамки на сцената на Предворјето на „Света Софија" ќе настапат виолинистот Ное Инуи од Белгија, во придружба на Василис Варваресос од Грција на пијано.

Домаќин на настанот ќе биде амбасадорот Самуел Жбогар, шеф на Делегацијата на Европската Унија во земјата.

Делегацијата на ЕУ четиринаесет години непрекинато го поддржува организирањето на настанот „Вечер на Европската Унија" во рамките на фестивалот „Охридско лето".

Делегацијата го поддржува учеството на голем број европски уметници на фестивалот со што ја поттикнува меѓукултурната соработка и размена. Настанот „Вечер на Европската Унија" започна да се организира во 2007 година со извонредниот настап на Барокниот оркестар на Европската Унија.

Инаку, Ное Инуи започнал да учи виолина на само четири години. Студира на конзерваториумите во Брисел, Париз, Карлсруе и Дизелдорф што му овозможува да ги запознае различните виолински „школи"- француско-белгиската, германската и руската преку дидактичките стилови на педагозите Галамијан и Столјарски.

Тие познавања во спој со карактерот на Ное Инуи резултираат со длабоко проникнување во музичката суштина кое е надополнување на неговата врвна виртуозност. Неговиот талент е наградуван на меѓународни натпревари и тоа во 2005 година на натпреварот „Сибелиус" добитник е на специјалната награда за млади таленти, во 2007 година добива медал на натпреварот „Луис Шпор" а во 2009 година е добитник на награда од фондацијата Млади концертни уметници во Њујорк. Награден е од министерството на Северна Рајна-Вестфалија, а во 2012 година на фестивалот „Вербие" ја добива наградата „Јулиус Бар"за исклучително талентиран музичар. Во 2020 година Концертгебау во Амстердам го вбројува Ное во нивната селекција „Европски класични музичари на иднината".

Од 2011 година наваму, Ное настапува на турнеи во Јапонија барем два пати годишно, а настапува со Јапонската филхармонија, Симфонискиот оркестар во Токио, како и со Симфонискиот оркестар во Каосиунг, но и во Европа со Националниот белгиски оркестар, Државната филхармонија во Атина, камерниот оркестар на Штутгарт со диригенти како Александар Лазарев, Андреј Борејко, Александар Џоел, Даниел Инбал, Пол Мејер, Денис Расел Дејвис, Пабло Гонзалес Кен-Давид Мазур и Николај Алексеев.

Редовно соработува со Холандската опера и балет каде како концертен солист настапува во повеќе балетски изведби.

Ное ужива во настапи како камерен музичар, настапувајќи со Василис Варваресос и Марио Херинг, а по неколку години со триото на Карло ван Несте, тој го основа Пијано-квартетот „Корнеил", додека пак со пијанистот Варваресос и виолончелистот Бенедикт Клокнер го имаат и Триото „Бел Арте". Како член на поголеми ансамбли, настапува со легендарните Марта Аргерич, Леонидас Кавакос и Џулиен Квентин.

Покрај концертната кариера тој предава на Универзитетот „Роберт Шуман" во Дизелдорф и на универзитетот во Манхајм. Одржува мајсторски курсеви во Јапонија, САД, Грција и Белгија.

Има снимено седум носачи на звук, а последното е посветено на соло сонатите за виолина од Изаи.

Ное Инуи свири на виолина изработена од Томазо Балестриери во 1764 година.

Маестро Василис Варваресос дипломира, магистрира и докторира на престижната школа за музика „Џулијард" во Њујорк. Неодамна кон неговите академски титули ја придодава и дипломата Уметник изведувач од Конзерваториумот за музика и танц во Париз каде студира под менторство на Мишел Далберто.

Победник на признатиот конкурс за млади уметници во Њујорк, на само 14 годишна возраст Василис Варваресос настапува рецитално во Њујорк и Вашингтон по што критиката го оценува како „Млад уметник во подем". По тие концерти Василис настапува ширум САД, а неговите настапи ги вклучуваат и престижните концертни сали како „Вајл" аудиториумот во Карнеги Хол, библиотеката „Морган" во Њујорк, музејот „Изабела Гарднер" во Бостон, Центарот „Кимел" во Филаделфија и Кенеди Центарот во Вашингтон. По неговиот дебитантски настап во Салата „Зенкел" во Карнеги Хол, Василис е поканет да настапи во Белата куќа за тогашниот претседател на САД – Барак Обама. Асоцијацијата на грчки критичари го прогласува за Најнадежен грчки уметник, а тој е редовно присутен на концертните подиуми во неговата родна земја.

Василис Варваресос е лауреат на меѓународниот натпревар „Џорџ Енеску" во 2014 година, како и на признатиот натпревар на победници на интернационални натпревари „Пијано мастерс" во Монте Карло во 2015 година.

Во сезоната 2020/21 тој настапува со Кристоф Ешенбах и Атинскиот симфониски оркестар, а ќе настапи и на Атинскиот и на фестивалот во Солун, како и на фестивалите во Гштад и Сен Урсан и фестивалот за камерна музика во Фукушима. Оваа сезона ќе настапи и во престижни концертни сали како Концертгебау во Амстердам и Мегарон во Атина.

Активен и како камерен музичар, Варваресос настапува во „Бозар" во Брисел, Концертгебау во Амстердам, Театарот „Дилигентиа"во Хаг како и во Минхенскиот „Гастајг" каде негови партнери за камерна музика се Мишел Далберто, Анри Демаркет, Никола Дотрикур, Ное Инуи, Ела ван Поуке и Анастасија Кобекина.

Претходните сезони Василис Варваресос настапува на фестивалот „Енеску" во Романија, во Истанбул и Бодрум, како и со симфонискиот оркестар „Билкент", оркестрите во Солун и Санкт Петербург. Рецитално натапува во „Тонхале" во Цирих, „Музикферајн" во Виена и салата „Гаво" во Париз. Редовно е канет да одржува рецитали и мајсторски курсеви во Калифорнија, Синсинати, Чарлстон и Њујорк.

Неговиот последен албум „В за Валс" е посветен на познатите дела инспирирани од танцот од Лист, Скрјабин, Шуман и Равел, а неодамна за издавачката куќа Навис класикс снима аудио записи со виолинистот Ное Инуи и баритонот Димитрис Тилиакос.

Концертот почнува во стандардниот фестивалски термин од 21 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Рајан Рејнолдс се борел со анксиозноста, а во исто време засмејувал милиони

Рајан Рејнолдс, канадски актер и продуцент, е роден на 23 октомври 1976 година во Ванкувер. 

Рајан Рејнолдс се борел со анксиозноста, а во исто време засмејувал милиони

Тој е најпознат по улогата на антихеројот на Марвел, Дедпул, и во текот на својата кариера имал голем број успешни улоги во комедии, акциони филмови и романтични комедии. Познат е по својот саркастичен хумор, кој стана важен дел од неговиот стил на глума и јавен имиџ.

Почнал да глуми како тинејџер, а една од неговите први главни улоги била во серијата „Двајца момци и една девојка“ (1998-2001). Потоа следеле филмовите „Ван Вајлдер од National Lampoon“ (2002), „Блејд: Тринити“ (2004), „Хоророт во Амитвил“ (2005) и „Предлогот“ (2009), во кои глумел наспроти Сандра Булок.

Иако постигнал голем број успешни улоги, неговата кариера имала и неуспеси, меѓу кои се издвојува суперхеројскиот филм „Зелен фенер“ (2011), кој не успеал кај критичарите и на кино благајните.

Успех со Дедпул

Пресвртот во неговата кариера дојде со филмот „Дедпул“ (2016), проект на кој работеше со години и чија реализација лично се залагаше. Филмот заработи повеќе од 780 милиони долари низ целиот свет, а Рејнолдс беше номиниран за Златен глобус за неговата изведба.

Тој ја повтори улогата во „Дедпул 2“ (2018) и „Дедпул и Вулверин“ (2024), од кои вториот заработи повеќе од 1,3 милијарди долари. Меѓу неговите други значајни филмови се „Слободен човек“ (2021), „Црвена известување“ (2021) и „Проектот Адам“ (2022).

Покрај глумата, Рејнолдс се занимава со претприемништво и инвестирање. Тој го презеде велшкиот фудбалски клуб Рексам со актерот Роб МекЕлхени, а нивното искуство во водењето на клубот беше прикажано во повеќекратно наградуваната документарна серија „Добредојдовте во Рексам“.

Тој, исто така, инвестираше во компании како што се „Минт Мобајл“ и производителот на џин „Авиејшн Американ Џин“. Во 2017 година, тој доби ѕвезда на Холивудската патека на славните, а списанието „Тајм“ го вклучи меѓу 100-те највлијателни луѓе во светот.

Бракови и приватен живот

Од 2002 до 2007 година, Рејнолдс беше во врска со пејачката Аланис Морисет, со која беше и верен. По раскинувањето, тој започна врска со актерката Скарлет Јохансон, со која се ожени во 2008 година, но нивниот брак заврши со развод во 2011 година. На снимањето на филмот „Зелен фенер“ ја запозна Блејк Лајвли, со која се ожени во 2012 година. Двојката има четири деца, три ќерки и еден син.

Актерот отворено проговори за својата долгогодишна борба со анксиозноста, откривајќи дека хуморот му помогнал да се справи со незгодни ситуации и јавни појавувања. Тој проговори и за сложената врска со неговиот татко Џејмс, кој почина во 2015 година по долга борба со Паркинсоновата болест.

Поради болеста на неговиот татко, Рејнолдс со години ги поддржувал истражувањата за Паркинсоновата болест, а заедно со сопругата учествувал во бројни хуманитарни акции.

Тагови: Рајан Рејнолдс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова во Будимпешта на средба со унгарскиот претседател, Бака

По повод одбележувањето на 70-годишнината од Унгарската револуција, претседателката Гордана Сиљановска-Давкова во Будимпешта присуствуваше на работниот ручек, којшто за шефовите на делегациите го приреди претседателот на Унгарија, Андраш Бака.

Сиљановска-Давкова во Будимпешта на средба со унгарскиот претседател, Бака

Таа му упати честитки по повод неговиот избор за претседател во август, годинава и изрази подготвеност за продлабочување на македонско-унгарските односи преку политички дијалог, размена на посети и унапредување на економската соработка.

Сиљановска-Давкова се заблагодари за принципиелната и гласна поддршка од Унгарија на македонските евроинтеграции и нејзиниот активен ангажман во рамките на „Вишеградската група“. Таа укажа на неопходноста од кредибилен процес на проширување, заснован на заслуги врзани за Копенхашките критериуми.

Исто така, соговорниците разговараа за актуелните геополитички предизвици и потребата од јакнење на мултилатерализмот, како механизам за силни институции, што ќе им овозможи на малите држави поголемо учество во процесите на одлучување за глобалните прашања.

Претседателката ги искажа своите ставови за потребата од длабоки реформи на меѓународните организации, премин од реактивна кон превентивна дипломатија како предуслов за ефективно справување со глобалната криза, како и за потребата од проширување на Европската Унија со земјите од Западниот Балкан, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна бура ги погоди Франција и Британија, ѝ се заканува и на Германија (ВИДЕО)

Првата моќна есенска бура, наречена Остен од британските метеоролози, го погоди северозападниот дел на Франција. 

Силна бура ги погоди Франција и Британија, ѝ се заканува и на Германија (ВИДЕО)

Поради бурните ветрови, 23 департмани прогласија портокалово ниво на готовност, а бурата предизвикува прекини во сообраќајот и широко распространети прекини во снабдувањето со електрична енергија, објавува Euronews.

Бурата брзо се засили над Атлантикот пред да се упати кон Британските острови и францускиот брег. Прво ја погоди Бретања во ноќта од четврток кон петок, а силниот ветер потоа се прошири во Нормандија и регионот Горна Франција. Налетите на ветер беа исклучително силни по должината на брегот. Во Поант ди Раз во департманот Финистер беше измерена брзина од 161 км/ч, а неколку метеоролошки станици исто така регистрираа рекордни брзини на ветерот за октомври.

До денес наутро, околу 161.000 домаќинства останаа без електрична енергија, главно во Бретања, регионот Пеи де ла Лоара и Нормандија. Паднатите дрвја и лошите временски услови го нарушуваат и железничкиот сообраќај, предизвикувајќи неколку линии да бидат суспендирани како мерка на претпазливост. Мостовите се затворени во департманот Сена-Морит.

Се шири во Велика Британија и Германија

Мет-службата издаде портокалово предупредување, второ највисоко ниво, за Корнвол и Девон, каде што се очекуваат налети на ветер до 130 км/ч. Бурата го погоди подрачјето рано наутро. Според National Grid, операторот на електричната мрежа во Велика Британија, повеќе од 16.000 домови во југозападна Англија останаа без струја до доцна наутро.

Ветрови до 100 км/ч се прогнозираат за јужна и централна Англија во текот на целиот ден, додека бурата се движи кон исток по должината на брегот на Ламанш. Во Германија, каде што националната метеоролошка служба ја нарече бурата Луиз, налети на ветер до 100 км/ч се очекуваат на запад и северозапад од земјата.

Серија бури и ново предупредување за викендот

Само неколку дена претходно, бурата Адам ги погоди јужна Франција и Шпанија, носејќи силни грмотевици и обилни дождови. Поплавите најмногу ги погодија француските департмани Гард, Буш-ду-Рон и Вар. Најмалку шест лица загинаа во Шпанија и јужна Франција, од кои две во Франција, а илјадници домаќинства останаа без електрична енергија.

На крајот од викендот се очекува доаѓањето на уште една силна бура, Боело, која ќе донесе нови налети на ветер и обилни дождови. Британската метеоролошка служба веќе го зголеми нивото на предупредување за бурата Боело од жолто на портокалово за Северна Ирска, Шкотска и делови од северна Англија. Предупредувањето важи за сабота навечер и цела недела.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер