Традиционална литија со моштите на „Свети Георгиј Победоносец“ во Струга - Канал 5

Култура

Традиционална литија со моштите на „Свети Георгиј Победоносец“ во Струга

Традиционално и годинава моштите на „Свети Георгиј Победоносец“ и неговата чудотворна икона носени во торжествена литија денеска низ струшките улици ќе го осветат градот на поезијата.

Традиционална литија со моштите на „Свети Георгиј Победоносец“ во Струга

Пред почетокот на Литијата, во храмот на Свети Георгиј во Струга, со почеток во 16 часот, ќе биде отслужена ктиторска вечерна богослужба.

Новина на годинашната Струшка Еордија (Литија), како што информира за МИА сестра Ефимија од женскиот манастир во Рајчица, е вклучувањето на иконата на Мајката Божја „Гликофилуса“, идентична реплика на првообразната Гликофилуса (Слаткољубива, или умиление) од Света Гора, која неодамна беше донесена во Бигорскиот манастир од Солун. На литијата најавено е и присуство на неговото блаженство архиепископот Охридски и македонски г.г. Стефан.

- Оваа година, наместо Крнинската икона на Мајката Божја, во литијата ќе биде вклучена Богородичната икона „Гликофилуса“, која неодамна пристигна во Бигорскиот манастир. Така, верниците, освен на моштите на светиот Георгиј Победоносец, кои за оваа прилика по традиција се носат од нашиот манастир во Рајчица, ќе имаат можност да се поклонат и на иконата на Мајката Божја „Гликофилуса“, како и на древната чудотворна струшка икона на Светиот Георгиј, изјави сестра Ефимија.

Традиционално, моштите на „Свети Георгиј Победоносец“ на раскошно украсен епитаф од манастирот посветен на светецот во Рајчица ќе пристигнат во Струга ден по Ѓурѓовден и ќе бидат поставени за поклонение во храмот „Свети Георгиј“ во Струга. По отслужената ктиторската вечерна богослужба, литијата ќе тргне од храмот „Свети Георгиј Победоносец“ во Струга, предводена од локалното свештенство и братството и сестринството од Бигорски, манастирите во Рајчица и Пречиста, со традиционалните торжества, ќе поминат низ струшките улици, покрај кејот на реката Црн Дрим, низ Чаршијата и ќе го осветат градот.

Според традицијата, и годинава поворката ќе ја води церемонијално полициско возило, кое на симболичен начин ќе го одбележи чествувањето на свети великомаченик Георгиј, како покровител на полициските и безбедносни сили. Меѓу возилото и литијата ќе дефилира коњаник, облечен во римска трибунска воена облека, изработена од автентични материјали, којашто е верна копија на оригиналните воени оклопи од тоа време. Дело на познат италијански експерт за историјата на древната Римска империја. Коњаникот, кој во раката ќе држи палмова гранка како симбол на мирот, ќе има улога на посебен редар и најавувач на процесијата.

- На чело на Еордијата ќе биде член од Бигорското братство со клепало, потоа носачи на крстови, рипиди, знамиња, псалти и братството на Бигорскиот манастир, оркестарот на Град Скопје, чудотворните икони на Свети Георгиј Победоносец и Богородичната икона „Гликофилуса“, сестринствата од манастирите во Рајчица и Пречиста, свештенството на Дебарско-кичевската

епархија, епископот Антаниски г. Партениј, а годинава, на наша особена радост, најавено е присуството и на неговото блаженство архиепископот Охридски и македонски г.г. Стефан, истакна сестра Ефимија.

Потоа, додаде, доаѓа и најголемата светиња - моштите на светецот во раскошно украсен епитаф, кои ќе бидат носени од четворица видни граѓани, а ќе бидат придружувани и чувани од четворица капетани од сејменската гарда на Бигорскиот манастир, облечени во традиционална мијачка носија, со сејменски ќостек на градите, на којшто е претставен ликот на Свети Јован Крстител. Зад сердарите ќе оди сејменската гарда, чии членови ќе бидат, исто така, облечени во традиционални мијачки носии, со ќостек на градите со ликот на Свети Георгиј Победоносец.

Верниците и сите добронамерници ќе се движат после гардата, а оние што не можат да се вклучат во Литијата поради многубројниот народ, ќе останат на двете страни од улиците и заедно со дечињата облечени во народна носија и цвеќиња во рацете ќе ги поздравуваат моштите со зборовите „Христос воскресна! Навистина воскресна!".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Петта година по ред бесплатни ранчиња за сите првачиња во Центар

Општина Центар и оваа година продолжува со поддршката за најмладите ученици и нивните семејства. 

Герасимовски: Петта година по ред бесплатни ранчиња за сите првачиња во Центар

Петта година по ред, сите првачиња запишани во осумте општински основни училишта ќе добијат бесплатни училишни ранчиња, обезбедени со средства од општинскиот буџет.

Градоначалникот Горан Герасимовски вели дека оваа мерка веќе стана убава традиција со која Општината им посакува добредојде на децата кои за првпат седнуваат во училишните клупи.

„Првиот училишен ден е посебен момент за секое дете и за секое семејство. Петта година по ред сакаме да бидеме дел од таа радост и на сите наши првачиња да им подариме ранче за успешен почеток на нивното образование. Им посакувам многу петки, нови знаења, убави спомени и многу нови другарчиња. Наша обврска е уште од првиот училишен ден да им покажеме дека образованието и грижата за децата се меѓу нашите најважни приоритети“, порача Герасимовски.

Општина Центар континуирано инвестира во подобрување на условите во основните училишта и во мерки со кои се олеснува образовниот процес за учениците и нивните семејства.

„Вложувањето во децата е вложување во иднината. Затоа продолжуваме да ги подобруваме условите во училиштата и да создаваме средина во која секое дете ќе има можност квалитетно да учи, да се развива и да го достигне својот потенцијал. Нашата цел е јасна – децата во Центар да имаат најдобри можни услови за образование“, истакна Герасимовски.

Бесплатните ранчиња ќе бидат доделени на сите првачиња запишани во осумте основни училишта на територијата на Општина Центар на почетокот на новата учебна година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Барса и ПСЖ се договорија, Феран заминува во Париз

Шпанскиот шампион Барселона и европскиот првак  Пари Сен Жермен постигнаа начелен договор за трансферот на 26 годишниот  репрезенативец на Шпанија, Феран Торес во Париз. 

Барса и ПСЖ се договорија, Феран заминува во Париз

Со тоа, еден од шпанските херои од Светското првенство е пред преселба во Париз, во зделка вредна вкупно 55 милиони евра.

Двата европски гиганти се договорија за клучните услови по интензивни преговори, пренесува каталонскиот медиум „Спорт“. ПСЖ мораше да ја зголеми понудата Преговорите не беа едноставни.

ПСЖ првично ѝ понуди на Барселона 40 милиони евра плус 10 милиони евра во бонуси, но каталонскиот клуб го одби предлогот. Барселона јасно стави до знаење дека бара загарантирана сума од најмалку 50 милиони евра. Парижаните потоа го зголемија фиксниот дел од понудата.

Според последните информации, договорената формула предвидува моментална исплата од 50 милиони евра плус уште 5 милиони евра во потенцијални бонуси – што е минималниот праг што Барселона беше подготвена да го прифати.

Преговорите ги водеа спортските директори Деко и Луис Кампос, а заминувањето на Торес сега се смета за прашање на време. Се очекува напаѓачот да се прости од своите сегашни соиграчи во тренинг-кампот во среда.

Една од клучните фигури во целиот договор е тренерот на ПСЖ, Луис Енрике. Тој има многу високо мислење за Торес – бидејќи добро го познава од шпанската репрезентација – и токму тој му го претстави проектот и му ја објасни улогата што ја планира за него во Париз.

Иако ПСЖ веќе ги има Усман Дембеле, Квича Кварацхелија и Дезире Дуе во нападот, Луис Енрике сакаше дополнителна ширина во составот и играч способен да ги покрие сите три напаѓачки позиции. Торес одговара на овој профил, бидејќи може да игра на двете крила, како и во средината на нападот.

Тој веќе е навикнат на барањата на системот на Енрике и одлично се снаоѓа при напаѓање на слободниот простор. Интересот на ПСЖ не е нов; француските и шпанските медиуми уште во јули известуваа дека парижаните веќе стапиле во контакт со тимот на Торес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Пет недели труење во Гостивар - Мицкоски ниту еднаш не отиде, оди на одмор

Веќе пет недели граѓаните на Гостивар се трујат.

СДСМ: Пет недели труење во Гостивар - Мицкоски ниту еднаш не отиде, оди на одмор

Водата не е безбедна за пиење. Луѓето стојат во редици за пластични шишиња.

Деца, стари, болни - сите се соочуваат со основен проблем: чиста вода.

Отруена е и болницата, пациентите се префрлени во друг град. Има епидемија на жолтица, нема лекари и медицински техничари.

Во тие пет недели премиерот Христијан Мицкоски не се појави ниту еднаш во Гостивар.

Не само што не дојде.

Тој замина на годишен одмор.

Единственото што го направи во овој период беше да го нарече сопствениот народ „талог“ и да продолжи со кампања на поделби и сеење омраза - по методите на Ванчо Михајлов и Александар Вучиќ.

Додека граѓаните пијат вода од шишиња и чекаат да престане труењето, премиерот е на одмор и ја напаѓа сопствената јавност.

Ова е односот на оваа власт кон луѓето.

Кога има лента за сечење - доаѓаат. Кога има криза што ги погаѓа обичните граѓани - исчезнуваат и напаѓаат.

Пет недели.

Ниту една посета.

Годишен одмор.

И кампања против сопствениот народ.

Тоа е сè што треба да се знае за приоритетите на Мицкоски и на организираната криминална група ВМРО.

Скопје, 12.08.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер