Традиционален словенечки појадок за промоција на придобивките од здравата храна - Канал 5

Здравје

Традиционален словенечки појадок за промоција на придобивките од здравата храна

 Традиционален словенечки појадок насловен „Мој појадок!“ организираше денеска Амбасадата на Република Словенија за ученици во Меѓународното училиште „Нова“ во Скопје. 

Традиционален словенечки појадок за промоција на придобивките од здравата храна

Целта на настанот е да се промовира појадокот како важен оброк во денот кој треба да се состои од здрава и локално произведена храна и да вклучува мед.

Во Словенија ваков настан се одбележува 14 години во основни и средни училишта и градинки затоа што, според амбасадорот на Словенија во земјава, Грегор Прескер, од најрана возраст е значајна едукацијата за важноста на појадокот и тој да биде што е можно поздрав.

-Традиционалниот словенечки појадок се состои од мед, млеко, леб, путер и јаболко - здрави состојки кои треба да бидат произведени блиску до средината во која живееме. Појадокот треба да биде што посвежа храна и да се користи што помалку транспорт и што помалку хемиски средства за конзервирање на храната. Така што, целта е да ги едуцираме децата и младите за важноста на појадокот и да знаат што е здрава храна, како што е медот, да се консумира локално произведена храна и био храна. Втората цел е поддршка на локалните фармери и пчеларите и децата да знаат дека тоа што тие го работат е важно за целото општество, изјави Прескер.

Во Меѓународното училиште „Нова“ во Скопје втора година се организира настанот Традиционален словенечки појадок со кој се промовира и здрав начин на живот. Директорот на Нова Иван Новаковски смета дека податоците во нашата земја за прекумерна тежина на деца и млади стануваат загрижувачки и, рече, се одраз на западниот начин на живеење.

-Веќе не сме имуни на тоа што го гледаме на друго место, туку ни се случува и нам, бидејќи имаме брза храна, исклучително процесирана храна и ги немаме навиките што можеби биле застапени - да консумираме свежа храна. Сега веќе од нас се бара, и од возрасните, и од децата, да ги смениме нашите навики и да го немаме проблемот што го имаат западните општества – каде веќе има епидемија на гојазност и на нездраво живеење и станува и здравствен предизвик поради болести како дијабетесот итн., изјави Новаковски.

Додаде дека планираат овој настан да стане традиционален во соработка со Амбасадата на Словенија и дека вакви настани треба да се практикуваат и во други училишта во земјава, затоа што, рече, „децата ќе знаат да направат добар избор за тоа што е добро за нив наспроти тоа што не е добро“.

-Децата не се свесни од каде доаѓа тоа што го консумираат и дека понекогаш храната пропатувала океани за да стигне до нас, а истиот извор на храна го имаме буквално во нашето соседство, додаде Новаковски.

Основци во „Нова“ проследија и презентација како се произведува медот и кои се неговите предности како „храна за мозокот и енергија за телото“, и слушнаа колку се важни пчелите во целиот екосистем. Интерактивната презентацијата ја направи Весна Биљарска која шест години се занимава со пчеларство и производство на мед.

Таа изјави дека децата се многу малку информирани за здравата храна и за медот како намирница која, рече, е многу корисна особено во раната возраст заради развој на децата и нивната способност за учење.

-Како наставник и како родител постојано ја потенцирам потребата од здрава храна, а секако дека медот е меѓу најздравите намирници што постојат на планетава, изјави Биљарска.

Таа посочи и на проблемот со намалено производството во последните години со апел младите да се заинтересират за пчеларството.

-Ако пред педесет години просекот бил околу 60 килограми, сега просекот е паднат на 25, што е огромна разлика. А нашите планински медови, кои се на поголема височина, паѓаат и на 8 килограми на кошница во просек. Тоа е навистина многу малку и затоа во Македонија треба да се поттикне одгледувањето пчели и младите повеќе да се едуцираат и ангажираат во оваа гранка, за да се дојде до „капка мед“ повеќе и да има поголеми количини, рече Биљарска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Мал, но баран: „Suzuki Cara“ на аукција (ФОТО)

Благодарение на правилото што дозволува увоз на возила постари од 25 години, сè повеќе „kei“ автомобили можат да се најдат „преку барата“, а растечкиот интерес веќе влијае на нивните цени.

Мал, но баран: „Suzuki Cara“ на аукција (ФОТО)

Неодамна, вниманието го привлече аукцијата, каде што „Mazda Autozam AZ-1“ од 1993 година беше продаден за дури 63.000 долари, а сега на Американците им се претставува уште поретка алтернатива – „Suzuki Cara“ од истата година, објавува „CarScoops“.

Иако „Cara“ често се опишува како преименувана верзија на „AZ-1“, приказната е малку посложена. „Suzuki“ го претстави концептот „RS/1“ со средно поставен мотор уште во 1985 година, кој подоцна стана сериски автомобил.

Јапонскиот производител го обезбеди и трицилиндричниот турбо мотор од 657 кубни метри што ги напојува двата модели, додека тимот на „Mazda“ предводен од Тошихико Хираи, човекот одговорен за развојот на „MX-5“, го донесе проектот во сериско производство.

Најголемата предност на „Suzuki Cara“ е неговата реткост. „Mazda“ произведе 4.392 примероци од „AZ-1“, додека се проценува дека „Suzuki“ има изградено само 533, што ја прави „Cara“ еден од најретките „kei“ спортски автомобили денес.

Примерокот што моментално се продава на аукција е произведен во 1993 година и е увезен во САД минатиот март. Има околу 32.000 километри на часовникот, што е речиси десет пати повеќе од „AZ-1“ што неодамна беше продаден, но автомобилот е во исклучителна состојба.

Ја задржал својата оригинална црвена боја со сиви браници и прагови, како и сите детали што го прават овој автомобил култен меѓу љубителите на јапонските спортски модели - отворот за воздух на хаубата и атрактивните врати што се отвораат нагоре.

Моторот развива 64 КС и 85 Nm вртежен момент, а моќноста се пренесува на задните тркала преку петстепен мануелен менувач. И покрај скромните бројки, малата тежина и централно поставениот мотор гарантираат многу забавно возење.

Спортскиот карактер се рефлектира и во ентериерот со фиксни спортски седишта тапацирани со црна ткаенина со црвени детали, волан со три краци, клима уред и оригинален касетофон.

Извор: Б92

Тагови: аукција Suzuki

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Порасна вредноста на имотот на рускиот стабилизациски фонд

Вредноста на средствата на рускиот стабилизациски фонд достигна 13,1 трилиони рубљи, или 5,6 проценти од проектираниот БДП на Русија за 2026 година, на почетокот на јули, според податоците на Министерството за финансии објавени денес.

Порасна вредноста на имотот на рускиот стабилизациски фонд

Со тоа, вредноста на фондот изнесуваше 168,5 милијарди долари.

Ликвидни средства во пораст

Ликвидните средства на фондот изнесуваа 3,61 трилиони рубљи на 1 јули, или 1,5 проценти од проектираниот БДП на Русија за 2026 година, или 46,4 милијарди долари.

На почетокот на јуни, тие изнесуваа 3,41 трилиони рубљи, или 44,11 милијарди долари, според податоците од официјалната веб-страница на министерството, објавени од руската новинска агенција ТАСС.

Конверзија во јуани и инвестирање во злато

Во соопштението на министерството се наведува дека во јуни, износ од 8,8 милијарди рубљи, или 113,84 милиони американски долари, е конвертиран од фондот за стабилизација во 786,4 милиони кинески јуани.

Во јуни, 3,46 милијарди кинески јуани се кредитирани на сметките на фондот за стабилизација наменети за кинеска валута и злато, а 5.150,3 килограми нераспределено злато, купено со буџетски пари врз основа на дополнителни федерални приходи од нафта и гас, се депонирани.

Приходи и салда на сметки

Вкупниот проценет приход од депонирањето на средствата на фондот на девизни сметки кај централната банка за периодот од 15 декември 2025 година до 30 јуни 2026 година изнесува 53,6 милиони долари, или околу 4,2 милијарди рубљи.

На почетокот на јули, рускиот стабилизациски фонд држел 189,8 милијарди кинески јуани и 141,1 метрички тони злато на сметки кај централната банка.

Негативна корекција на вредноста

Министерството објави дека ревалоризацијата на девизните средства на фондот и промените во вредноста на златото во првата половина од 2026 година резултирале со вкупно негативна корекција на вредноста од 27,4 милијарди рубљи, или 354,46 милиони долари.

Извор: Индекс.хр

Тагови: русија стабилизациски фонд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Портпаролката на Трамп: Генерацијата „Z“ е мрзлива, треба да бидат испратени во Куба или Иран

Портпаролката на Белата куќа, Каролина Ливит, остро ја критикуваше Генерацијата „Z“, велејќи дека „сè им е сервирано“ и дека треба да бидат „испратени во Куба или Иран“.

Портпаролката на Трамп: Генерацијата „Z“ е мрзлива, треба да бидат испратени во Куба или Иран

27-годишната девојка, која се врати на работа минатата недела од породилно отсуство по раѓањето на своето второ дете, ги даде острите коментари за време на гостувањето во Фокс њуз, објави Унилад.

„Некои од овие деца никогаш немале вистинска работа и се жалат дека сè е скапо. Работите се скапи кога немате вистинска работа. Дали мислите дека таквото кукање наоѓа плодна почва?“, ја праша водителката Џеси Вотерс. Ливит одговори потврдно, критикувајќи ја сопствената генерација. „За жал, мислам дека е така, бидејќи оваа генерација, мојата Генерација Z и оние помладите од мене, пораснаа како да се родени со сребрена лажица во устата“, рече таа.

„Сè им е сервирано, а тоа не се вредностите врз кои е изградена оваа земја“, рече таа, додавајќи дека Америка е „изградена врз меритократија и напорна работа, врз засукување ракави и остварување на американскиот сон. „Мораме да го заштитиме со сè што имаме“, рече таа.

„Испратете ги на Куба. Испратете ги во Иран. Ќе сакаат наскоро да се вратат“.

Таа го припиша недостатокот на работна етика на „мрзеливост“ и „либерална индоктринација“, пред да упати остра порака. „Испратете ги на Куба. Испратете ги во Иран. Ќе сакаат наскоро да се вратат“, заклучи Ливит.

Нејзините коментари доаѓаат кратко откако таа сподели неколку фотографии од внатрешноста на сосема новиот „Air Force One“ на претседателот Трамп, направени за време на неговиот прв лет. „Каква привилегија е да се биде на инаугуративниот лет на сосема новиот „Air Force One“! „Вистински незаборавен ден“, напиша таа покрај објавата.

Извор: Индекс.хр

Тагови: генерацијата Z Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер