Министерот за внатрешни работи, Панче Тошковски не открива дали е позната локацијата на екс-вицепремиерот кој на 15 декември со дипломатско возило избега преку граничниот премин Блаце кон Косово, и оттогаш според неофицијалните информацаии се наоѓа во Албанија. Тошковски вели во моментов се истражува дали станувало збор за организирано бегство или станува збор само на пропуст на полицискиот службеник кој ја дигна рампата Груби да замине од земјава...
-Неспорно е дека не погледнува во мониторот полицискиот службеник и му дозволува да излезе, тоа е неспорен факт. Тука имаме кривична пријава, е сега, дали ова било организирано, дали имало други вмешани, се води соодветна постапка под надлежност на јавното обвинителство,- -Панче Тошковски – Министер за внатрешни работи.
Криминал, убиства и нарко банди, имало и ќе има, посочува Тошковски, но сега од страна на државата постои искрена и сериозна борба со криминалот и корупцијата а тоа според него, се покажало со акциите во изминативе шест месеци, каде покрај апсењата, вели, расветлени се и 8 убиства меѓу клановите случени за време на мандатот на неговиот претходник. Воедно, најави понатамшно расчистување со поткжаувачите во полициските редови, список кој се зголемува...
„Кртовите, јас би ги нарекол предавниците во МВР, предавниците на родот свој, тие со информациите што ги издаваат, ги доведуваат во опасност животите на нивните колеги со кои што јадат, спијат, работат и т.н заедно и покрај сето ова, ние успеавме да дадеме резултати, драстични во споредба со претходно.... Тогаш ќе стане професионална полицијата, кога ќе се расчисти со нив,- -Панче Тошковски – Министер за внатрешни работи
Во последната акција на МВР беше уапсен Раде Трајковски Штекли и уште 9 негови соработници поради сомнение дека продавале дрога на улиците, а по тројца се трага. Сите добија притвор, но каде Штекли ја издржува мерката не се открива од безбедносни причини, со оглед на тоа дека три пати беше цел на ликвидација.